헬라어 문장 검색 - Πλυταρ́Βρυτυσ́25́

(플루타르코스, Brutus, chapter 25)

ἐκ τούτου πεντήκοντα μὲν αὐτῷ μυριάδασ Ἀντίστιοσ ἀφ’ ὧν ἦγε καὶ αὐτὸσ εἰσ Ἰταλίαν χρημάτων δίδωσιν, ὅσοι δὲ περὶ Θεσσαλίαν ἔτι τῆσ Πομπηϊού στρατιᾶσ ἐπλανῶντο συνέρρεον ἀσμένωσ πρὸσ αὐτόν ἱππεῖσ δὲ πεντακοσίουσ ἀφείλετο Κίννα πρὸσ Δολοβέλλαν ἄγοντοσ εἰσ Ἀσίαν. ἐπιπλεύσασ τε τῇ Δημητριάδι, πολλῶν ὅπλων ἐξαγομένων πρὸσ Ἀντώνιον, ἃ Καίσαροσ τοῦ προτέρου κελεύσαντοσ ἐπὶ τὸν Παρθικὸν ἐποιήθη πόλεμον, ἐκράτησεν.

Ὁρτησίου δὲ τοῦ στρατηγοῦ παραδόντοσ αὐτῷ Μακεδονίαν, καὶ τῶν ἐν κύκλῳ βασιλέων καὶ δυναστῶν συνισταμένων καὶ προστιθεμένων, ἀγγέλλεται Γάϊοσ, ὁ Ἀντωνίου ἀδελφὸσ, ἐξ Ἰταλίασ διαβεβηκὼσ βαδίζειν εὐθὺσ ἐπὶ τὰσ δυνάμεισ ἃσ ἐν Ἐπιδάμνῳ καὶ Ἀπολλωνίᾳ Βατίνιοσ συνεῖχε, βουλόμενοσ οὖν φθάσαι καὶ προλαβεῖν ὁ Βροῦτοσ ἐξαίφνησ ἀναστήσασ τοὺσ σὺν αὐτῷ διὰ χωρίων χαλεπῶν νιφόμενοσ ἐπορεύετο· καὶ πολὺ προῆλθε τοὺσ κομίζοντασ τὸ ἄριστον, ἐγγὺσ οὖν Ἐπιδάμνου γενόμενοσ διὰ κόπον καὶ ψῦχοσ ἐβουλιμίασε.

συμπίπτει δὲ μάλιστα τὸ πάθοσ χιόνοσ οὔσησ πονοῦσι καὶ κτήνεσι καὶ ἀνθρώποισ, εἴτε τοῦ θερμοῦ διὰ περίψυξιν καὶ πύκνωσιν, ὅταν ἐντὸσ ἅπαν καθειρχθῇ, τὴν τροφὴν ἁθρόωσ ἀναλίσκοντοσ, εἴτε δριμεῖα καὶ λεπτὴ τῆσ χιόνοσ διαλυομένησ ἰοῦσα πνοὴ τέμνει τὸ σῶμα καὶ διαφθείρει τὸ θερμὸν ἐξ αὐτοῦ θύραζε διασπειρόμενον. τὰσ γὰρ ἐφιδρώσεισ παρέχειν δοκεῖ τὸ θερμὸν ἀπαντῶντι τῷ ψυχρῷ περὶ τὴν ἐπιφάνειαν σβεννύμενον.

ὑπὲρ ὧν ἐν ἑτέροισ μᾶλλον ἠπόρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 25

(플루타르코스, Brutus, chapter 25)

상위

목록

SEARCH

MENU NAVIGATION