헬라어 문장 검색 - Πλυταρ́Βρυτυσ́41́

(플루타르코스, Brutus, chapter 41)

ἔτυχον δ’ οἱ περὶ Ἀντώνιον ἀπὸ τῶν ἑλῶν, οἷσ περιεστρατοπέδευον, ἐμβάλλοντεσ τάφρουσ εἰσ τὸ πεδίον καὶ τὰσ ἐπὶ θάλασσαν ὁδοὺσ τοῦ Κασσίου περικόπτοντεσ. ἐφήδρευε δὲ Καῖσαρ, οὐ παρὼν αὐτὸσ δι’ ἀσθένειαν, ἀλλ’ ἡ δύναμισ, οὐ πάνυ μαχεῖσθαι προσδοκῶσα τοὺσ πολεμίουσ, ἀλλὰ μόνον ἐκδρομαῖσ χρῆσθαι πρὸσ τὰ ἔργα καὶ βέλεσιν ἐλαφροῖσ καὶ θορύβοισ τοὺσ ὀρύσσοντασ ἐπιταράσσειν· καὶ τοῖσ ἀντιτεταγμένοισ οὐ προσέχοντεσ ἐθαύμαζον τὴν περὶ τὰσ τάφρουσ κραυγήν ἄσημον οὖσαν καὶ πολλὴν προσφερομένην.

ἐν τούτῳ γραμματείων τε παρὰ Βρούτου τοῖσ ἡγεμόσι φοιτώντων, ἐν οἷσ ἦν τὸ σύνθημα γεγραμμένον, αὐτοῦ τε παρεξιόντοσ ἵππῳ τὰ τάγματα καὶ παραθαρρύνοντοσ, ὀλίγοι μὲν ἔφθασαν ἀκοῦσαι τὸ σύνθημα παρεγγυώμενον, οἱ δὲ πλεῖστοι μὴ προσμείναντεσ ὁρμῇ μιᾷ καὶ ἀλα λαγμῷ προσεφέροντο τοῖσ πολεμίοισ. γενομένησ δὲ δι’ ἀταξίαν ταύτην ἀνωμαλίασ καὶ διασπασμοῦ τῶν ταγμάτων τὸ Μεσσάλα πρῶτον, εἶτα τὰ συνεζευγμένα παρήλλαττε τὸ Καίσαροσ ἀριστερόν καὶ βραχέα τῶν ἐσχάτων θιγόντεσ καὶ καταβαλόντεσ οὐ πολλούσ, ἀλλ’ ὑπερκεράσαντεσ, ἐμπίπτουσιν εἰσ τὸ στρατόπεδον.

καὶ Καῖσαρ μέν, ὡσ αὐτὸσ ἐν τοῖσ ὑπομνήμασιν ἱστορεῖ, τῶν φίλων τινὸσ Ἀρτωρίου Μάρκου καθ’ ὕπνον ἰδόντοσ ὄψιν κελεύουσαν ἐκστῆναι Καίσαρα καὶ μετελθεῖν ἐκ τοῦ χάρακοσ, ἔφθασε μικρὸν ὑπεκκομισθεὶσ ἔδοξέ τε τεθνάναι.

τὸ γὰρ φορεῖον κενὸν ἀκοντίοισ καὶ ὑσσοῖσ βάλλοντεσ διήλασαν. ἦν δὲ φόνοσ ἐν τῷ στρατοπέδῳ τῶν ἁλισκομένων, καὶ δισχίλιοι Λακεδαιμονίων ἥκοντεσ ἐπίκουροι νεωστὶ συγκατεκόπησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 41

(플루타르코스, Brutus, chapter 41)

상위

목록

SEARCH

MENU NAVIGATION