Plutarch, Brutus, chapter 2

(플루타르코스, Brutus, chapter 2)

Σερβιλίασ δὲ τῆσ Βρούτου μητρὸσ ἀδελφὸσ ἦν Κάτων ὁ φιλόσοφοσ, ὃν μάλιστα Ῥωμαίων ἐζήλωσεν οὗτοσ θεῖον ὄντα καὶ πενθερὸν ὕστερον γενόμενον. καὶ τὴν νέαν καὶ μέσην λεγομένην Ἀκαδήμειαν οὐ πάνυ προσιέμενοσ ἐξήρτητο τῆσ παλαιᾶσ, καὶ διετέλει θαυμάζων μὲν Ἀντίοχον τὸν Ἀσκαλωνίτην, φίλον δὲ καὶ συμβιωτὴν τὸν ἀδελφὸν αὐτοῦ πεποιημένοσ Ἄριστον, ἄνδρα τῇ μὲν ἐν λόγοισ ἕξει πολλῶν φιλοσόφων λειπόμενον, εὐταξίᾳ δὲ καὶ πρᾳότητι τοῖσ πρώτοισ ἐνάμιλλον.

ὁ δ’ Ἔμπυλοσ οὗ καὶ αὐτὸσ ἐν ταῖσ ἐπιστολαῖσ καὶ οἱ φίλοι μέμνηνται πολλάκισ ὡσ συμβιοῦντοσ αὐτῷ, ῥήτωρ ἦν καὶ καταλέλοιπε μικρὸν μὲν, οὐ φαῦλον δὲ σύγγραμμα περὶ τῆσ Καίσαροσ ἀναιρέσεωσ, ὃ Βροῦτοσ ἐπιγέγραπται.

Ῥωμαϊστὶ μὲν οὖν ἤσκητο πρὸσ τὰσ διεξόδουσ καὶ τοὺσ ἀγῶνασ ἱκανῶσ ὁ Βροῦτοσ, Ἑλληνιστὶ δὲ τὴν ἀποφθεγματικὴν καὶ Λακωνικὴν ἐπιτηδεύων βραχυλογίαν ἐν ταῖσ ἐπιστολαῖσ ἐνιαχοῦ παράσημόσ ἐστιν, οἱο͂ν ἤδη καθεστηκὼσ εἰσ τὸν πόλεμον γράφει Περγαμηνοῖσ· "ἀκούω ὑμᾶσ Δολοβέλλᾳ δεδωκέναι χρήματα·

"ἃ εἰ μὲν ἑκόντεσ ἔδοτε, ὁμολογεῖτε ἀδικεῖν· "εἰ δὲ ἄκοντεσ, ἀποδείξατε τῷ ἐμοὶ ἑκόντεσ δοῦναι. πάλιν Σαμίοισ· "αἱ βουλαὶ ὑμῶν ὀλίγωροι, αἱ ὑπουργίαι βραδεῖαι. "τί τούτων τέλοσ ἐννοεῖσθε; "Ξάνθιοι τὴν ἐμὴν εὐεργεσίαν ὑπεριδόντεσ τάφον ἀπονοίασ ἐσχήκασι τὴν πατρίδα, Παταρεῖσ δὲ πιστεύσαντεσ ἑαυτοὺσ ἐμοὶ οὐδὲν ἐλλείπουσι διοικοῦντεσ τὰ καθ’ ἕκαστα τῆσ ἐλευθερίασ.

"ἐξὸν οὖν καὶ ὑμῖν ἢ τὴν Παταρέων κρίσιν ἢ τὴν Ξανθίων τύχην ἑλέσθαι. τὸ μὲν οὖν τῶν παρασήμων γένοσ ἐπιστολίων τοιοῦτόν ἐστιν.

일치하는 문장이 없습니다.

SEARCH

MENU NAVIGATION