Plutarch, Brutus, chapter 36

(플루타르코스, Brutus, chapter 36)

ἐπεὶ δὲ διαβαίνειν ἐξ Ἀσίασ ἔμελλον, λέγεται τῷ Βρούτῳ μέγα σημεῖον γενέσθαι. τότε δὲ τοῦ πολέμου συνεστῶτοσ ἐν χερσὶν ἔχων τὰσ ὑπὲρ τῶν ὅλων πράξεισ, καὶ τεταμένοσ τῇ φροντίδι πρὸσ τὸ μέλλον, ὁπηνίκα πρῶτον ἀφ’ ἑσπέρασ ἐπινυστάξειε τοῖσ σιτίοισ, ἤδη τὸ λοιπὸν ἐχρῆτο τῇ νυκτὶ πρὸσ τὰ κατεπείγοντα τῶν πραγμάτων, εἰ δὲ συνέλοι καὶ κατοικονομήσειε τὴν περὶ ταῦτα χρείαν, ἀνεγίνωσκε βιβλίον μέχρι τρίτησ φυλακῆσ, καθ’ ἣν εἰώθεσαν ἑκατόνταρχοι καὶ χιλίαρχοι φοιτᾶν πρὸσ αὐτόν.

ὡσ οὖν ἔμελλεν ἐξ Ἀσίασ διαβιβάζειν τὸ στράτευμα, νὺξ μὲν ἦν βαθυτάτη, φῶσ δ’ εἶχεν οὐ πάνυ λαμπρὸν ἡ σκηνή, πᾶν δὲ τὸ στρατόπεδον σιωπῇ κατεῖχεν.

ὁ δὲ συλλογιζόμενόσ τι καὶ σκοπῶν πρὸσ ἑαυτόν ἔδοξεν αἰσθέσθαι τινὸσ εἰσιόντοσ, ἀποβλέψασ δὲ πρὸσ τὴν εἴσοδον ὁρᾷ δεινὴν καὶ ἀλλόκοτον ὄψιν ἐκφύλου σώματοσ καὶ φοβεροῦ, σιωπῇ παρεστῶτοσ αὐτῷ. "ἀνθρώπων ἢ θεῶν, ἢ τί βουλόμενοσ ἥκεισ ὡσ ἡμᾶσ;

ὑποφθέγγεται δ’ αὐτῷ τὸ φάσμα· "ὁ σὸσ, ὦ Βροῦτε, δαίμων κακόσ· "ὄψει δέ με περὶ Φιλίππουσ. εἶπεν.

일치하는 문장이 없습니다.

SEARCH

MENU NAVIGATION