헬라어 문장 검색 - Πλυταρ́Βρυτυσ́38́

(플루타르코스, Brutus, chapter 38)

τὰ μὲν οὖν πλεῖστα τῶν ἐν ποσὶν ἐθνῶν ἐτύγχανεν ὁ Βροῦτοσ ὑπήκοα πεποιημένοσ. εἰ δέ τισ ἢ πόλισ ἢ δυνάστησ παρεῖτο, τότε πάντασ προσαγόμενοι μέχρι τῆσ κατὰ Θάσον θαλάσσησ προῆλθον. ἐκεῖ δὲ τῶν περὶ Νορβανὸν ἐν τοῖσ Στενοῖσ λεγομένοισ καὶ περὶ τὸ Σύμβολον στρατοπεδευόντων, περιελθόντεσ αὐτοὺσ ἠνάγκασαν ἀποστῆναι καὶ προέσθαι τὰ χωρία, μικροῦ δὲ καὶ τὴν δύναμιν αὐτῶν λαβεῖν ἐδέησαν, ὑπολειπομένου διὰ νόσον Καίσαροσ, εἰ μὴ προσεβοήθησεν Ἀντώνιοσ ὀξύτητι θαυμαστῇ χρησάμενοσ, ὥστ’ ἀπιστεῖν τοὺσ περὶ Βροῦτον. ἦλθε δὲ Καῖσαρ ὕστερον ἡμέραισ δέκα, καὶ κατεστρατοπέδευσεν ἐναντίον Βρούτου, Κασσίου δὲ Ἀντώνιοσ.

τὰ δ’ ἐν μέσῳ τῶν στρατοπέδων πεδία Ῥωμαῖοι κάμπουσ Φιλίππουσ καλοῦσι·

καὶ μέγισται τότε Ῥωμαίων δυνάμεισ ἀλλήλαισ συνεφέροντο. πλήθει μὲν οὖν οὐ παρ’ ὀλίγον ἐλείποντο τῶν περὶ Καίσαρα, κόσμῳ δ’ ὅπλων καὶ λαμπρότητι θαυμαστὸν ἐξεφάνη τὸ Βρούτου στράτευμα, χρυσὸσ γὰρ ἦν αὐτοῖσ τὰ πλεῖστα τῶν ὅπλων καὶ ἄργυροσ ἀφειδῶσ καταχορηγηθείσ, καίπερ εἰσ τἆλλα τοῦ Βρούτου σώφρονι διαίτῃ καὶ κεκολασμένῃ χρῆσθαι τοὺσ ἡγεμόνασ ἐθίζοντοσ. τὸν δ’ ἐν χερσὶ καὶ περὶ τὸ σῶμα πλοῦτον ᾤετό τι καὶ φρονήματοσ παρέχειν τοῖσ φιλοτιμοτέροισ, τοὺσ δὲ φιλοκερδεῖσ καὶ μαχιμωτέρουσ ποιεῖν, ὥσπερ κτημάτων τῶν ὅπλων περιεχομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 38

(플루타르코스, Brutus, chapter 38)

상위

목록

SEARCH

MENU NAVIGATION