Plutarch, Brutus, chapter 49

(플루타르코스, Brutus, chapter 49)

προαγαγὼν δὲ τὴν φάλαγγα καὶ καταστήσασ ἐναντίαν τοῖσ πολεμίοισ ἐπεῖχε πολὺν χρόνον· ὑποψίαι γὰρ αὐτῷ καὶ μηνύσεισ κατά τινων προσέπιπτον ἐπισκοποῦντι τὸ στράτευμα· καὶ τοὺσ ἱππέασ ἑώρα μάχησ ἄρχειν οὐ πάνυ προθύμουσ ὄντασ, ἀλλ’ ἀεὶ προσμένοντασ τὸ τῶν πεζῶν ἔργον. εἶτ’ ἐξαίφνησ ἀνὴρ πολεμικὸσ καὶ τετιμημένοσ ἐπ’ ἀνδρείᾳ διαπρεπῶσ παρὰ τὸν Βροῦτον αὑτὸν ἐξιππασάμενοσ μεταβάλλεται πρὸσ τοὺσ πολεμίουσ·

Καμουλᾶτοσ δὲ ἐκαλεῖτο. τοῦτον ἰδὼν ὁ Βροῦτοσ ἤλγησεν ἰσχυρῶσ· καὶ τὰ μὲν ὑπ’ ὀργῆσ, τὰ δὲ φόβῳ μείζονοσ μεταβολῆσ καὶ προδοσίασ εὐθὺσ ἐπὶ τοὺσ ἐναντίουσ ἦγεν, εἰσ ὡρ́αν ἐνάτην τοῦ ἡλίου καταφερομένου. καὶ τῷ μὲν καθ’ αὑτὸν ἐκράτησε μέρει καὶ προῆλθεν ὑποχωροῦντι τῷ ἀριστερῷ τῶν πολεμίων ἐγκείμενοσ·

καὶ συνεπέρρωσαν οἱ ἱππεῖσ ἅμα τοῖσ πεζοῖσ ἐμβαλόντεσ τεταραγμένοισ· τὸ δ’ ἕτερον κέρασ, ὡσ μὴ κυκλωθείη, τῶν ἡγεμόνων ἀντιπαρεξαγόντων, πλήθει δὲ λειπομένων, διεσπᾶτο μέσον καὶ γιγνόμενον ἀσθενὲσ οὐκ ἀντεῖχε τοῖσ ἐναντίοισ, ἀλλ’ ἔφυγε πρῶτον, οἱ δὲ τοῦτο διακόψαντεσ εὐθὺσ ἐκυκλοῦντο τὸν Βροῦτον, αὑτὸν μὲν ὅσα καὶ στρατηγικῆσ καὶ στρατιωτικῆσ ἀρετῆσ ἔργα καὶ χειρὶ καὶ γνώμῃ παρὰ τὰ δεινὰ πρὸσ τὸ νικᾶν ἀποδεικνύμενον, ᾧ δὲ πλέον ἔσχε τῇ προτέρᾳ μάχῃ, τούτῳ βλαπτόμενον. τῶν μὲν γὰρ πολεμίων τὸ νικηθὲν εὐθὺσ ἀπολώλει τότε·

τῶν δὲ Κασσίου τραπέντων ὀλίγοι διεφθάρησαν, οἱ δὲ σῳζόμενοι τῷ προηττῆσθαι περιδεεῖσ ὄντεσ ἀνέπλησαν ἀθυμίασ καὶ ταραχῆσ τὸ πλεῖστον τοῦ στρατεύματοσ, ἐνταῦθα καὶ Μᾶρκοσ ὁ Κάτωνοσ υἱόσ ἐν τοῖσ ἀρίστοισ καὶ γενναιοτάτοισ; τῶν νέων μαχόμενοσ καὶ καταπονούμενοσ οὐκ ἔφυγεν οὐδ’ εἶξεν, ἀλλὰ χρώμενόσ τε τῇ χειρὶ καὶ φράζων ὅστισ εἰή, καὶ πατρόθεν ὀνομάζων, ἔπεσεν ἐπὶ πολλοῖσ νεκροῖσ τῶν πολεμίων, ἔπιπτον δὲ καὶ τῶν ἄλλων οἱ κράτιστοι τοῦ Βρούτου προκινδυνεύοντεσ.

일치하는 문장이 없습니다.

SEARCH

MENU NAVIGATION