헬라어 문장 검색 - Πλυταρ́Βρυτυσ́47́

(플루타르코스, Brutus, chapter 47)

οὐδὲν δὲ βέλτιον εἶχε τὰ πράγματα τοῖσ περὶ Καίσαρα καὶ Ἀντώνιον, ἀγορᾷ τε χρωμένοισ ἀναγκαῖα καὶ διὰ κοιλότητα τοῦ στρατοπέδου χειμῶνα μοχθηρὸν προσδοκῶσιν. εἱλούμενοι γὰρ πρὸσ ἕλεσι καὶ μετὰ τὴν μάχην ὄμβρων φθινοπωρινῶν ἐπιγενομένων πηλοῦ κατεπίμπλαντο τὰσ σκηνὰσ καὶ ὕδατοσ παραχρῆμα πηγνυμένου διὰ ψῦχοσ, ἐν τούτῳ δ’ οὖσιν αὐτοῖσ ἧκεν ἀγγελία περὶ τῆσ κατὰ. θάλατταν γενομένησ ἀτυχίασ περὶ τὴν στρατιάν. ἐξ Ἰταλίασ γὰρ πολλὴν κομιζομένην παρὰ Καίσαροσ αἱ Βρούτου νῆεσ ἐπιπεσοῦσαι διέφθειραν, ὧν ὀλίγοι παντάπασι τοὺσ πολεμίουσ διαφυγόντεσ ὑπὸ λιμοῦ τῶν ἱστίων καὶ τῶν σχοινίων ἐσθίοντεσ διεγένοντο. ταῦτ’ ἀκούσαντεσ ἔσπευδον διὰ μάχησ κριθῆναι πρὶν αἰσθέσθαι τὸν Βροῦτον ὅσον αὐτῷ γέγονεν εὐτυχίασ, καὶ γὰρ ἡμέρᾳ μιᾷ συνέβη τόν τε κατὰ γῆν ἅμα καὶ τόν κατὰ θάλατταν ἀγῶνα κριθῆναι.

τύχῃ δέ τινι μᾶλλον ἢ κακίᾳ τῶν ἐν ταῖσ ναυσὶν ἡγεμόνων ἠγνόησε τὸ κατόρθωμα Βροῦτοσ ἡμερῶν εἴκοσι διαγενομένων.

οὐ γὰρ ἂν εἰσ δευτέραν μάχην προῆλθε, τὰ μὲν ἀναγκαῖα τῇ στρατιᾷ παρεσκευασμένοσ εἰσ πολὺν χρόνον, ἐν καλῷ δὲ τῆσ χώρασ ἱδρυμένοσ, ὥστε καὶ χειμῶνοσ ἀπαθὲσ καὶ πρὸσ τοὺσ πολεμίουσ δυσεκβίαστον ἔχειν τὸ στρατόπεδον, τῷ δὲ κρατεῖν βεβαίωσ τῆσ θαλάττησ καὶ νενικηκέναι πεζῇ τὸ καθ’ αὑτὸν ἐπ’ ἐλπίδων μεγάλων καὶ φρονήματοσ γεγονώσ. ἀλλὰ τῶν πραγμάτων, ὡσ ἐοίκεν, οὐκέτι πολλοῖσ ὄντων καθεκτῶν, ἀλλὰ μοναρχίασ δεομένων, ὁ θεὸσ, ἐξάγειν καὶ μεταστῆσαι τόν μόνον ἐμποδὼν ὄντα τῷ κρατεῖν δυναμένῳ βουλόμενοσ, ἀπέκοψε τὴν τύχην ἐκείνην, καίπερ ἐγγυτάτω τοῦ μὴ λαθεῖν τόν Βροῦτον ἀφικομένην, μέλλοντοσ γὰρ αὐτοῦ μάχεσθαι πρὸ μιᾶσ ἡμέρασ ὀψὲ Κλώδιόσ τισ ἐκ τῶν πολεμίων αὐτόμολοσ ἧκεν, ἀγγέλλων ὅτι διεφθαρμένον ᾐσθημένοι τόν στόλον οἱ περὶ Καίσαρα σπεύδουσι διαγωνίσασθαι.

ταῦτα λέγων ὁ ἄνθρωποσ οὐκ εἶχε πίστιν οὐδ’ εἰσ ὄψιν ἦλθε τῷ Βρούτῳ, καταφρονηθεὶσ παντάπασιν ὡσ μηδὲν ἀκηκοὼσ ὑγιέσ ἢ τὰ ψευδῆ πρὸσ χάριν ἀπαγγέλλων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 47

(플루타르코스, Brutus, chapter 47)

상위

목록

SEARCH

MENU NAVIGATION