Plutarch, Brutus, chapter 18

(플루타르코스, Brutus, chapter 18)

οὕτω δ’ ἀποθανόντοσ αὐτοῦ Βροῦτοσ μὲν εἰσ μέσον προελθὼν ἐβούλετο λέγειν καὶ κατεῖχε θαρρύνων τὴν σύγκλητον· ἡ δ’ ὑπὸ δέουσ ἔφευγεν ἀτάκτωσ, καὶ περὶ τὰσ θύρασ ὠθισμὸσ ἦν καὶ τάραχοσ, οὐδενὸσ διώκοντοσ οὐδὲ κατε πείγοντοσ. ἰσχυρῶσ γὰρ ἐδέδοκτο μηδένα κτείνειν ἕτερον, ἀλλὰ πάντασ ἐπὶ τὴν ἐλευθερίαν ἀνακαλεῖσθαι. καὶ τοῖσ μὲν ἄλλοισ πᾶσιν, ὁπηνίκα διεσκοποῦντο τὴν πρᾶξιν, ἤρεσκεν Ἀντώνιον ἐπισφάττειν Καίσαρι, μοναρχικὸν ἄνδρα καὶ ὑβριστὴν, ἰσχύν τε πεποιημένον ὁμιλίᾳ καὶ συνηθείᾳ πρὸσ τὸ στρατιωτικόν, καὶ μάλισθ’ ὅτι τῷ φύσει σοβαρῷ καὶ μεγαλοπράγμονι προσειλήφει τὸ τῆσ ὑπατείασ ἀξίωμα τότε Καίσαρι συνάρχων.

οὐ γὰρ ἀπεγίνωσκεν εὐφυᾶ καὶ φιλότιμον ἄνδρα καὶ δόξησ ἐραστὴν τὸν Ἀντώνιον, ἐκποδὼν Καίσαροσ γενομένου, συνεφάψεσθαι τῇ πατρίδι τῆσ ἐλευθερίασ, ἐπισπασθέντα τῷ ζήλῳ πρὸσ τὸ καλὸν ὑπ’ αὐτῶν, οὕτω μὲν Ἀντώνιον Βροῦτοσ περιεποίησεν ἐν δὲ τῷ τότε φόβῳ μεταβαλὼν ἐσθῆτα δημοτικὴν ἔφυγεν.

οἱ δὲ περὶ Βροῦτον εἰσ τὸ Καπετώλιον ἐχώρουν, ᾑμαγμένοι τὰσ χεῖρασ, καὶ τὰ ξίφη γυμνὰ δεικνύντεσ ἐπὶ τὴν ἐλευθερίαν παρεκάλουν τοὺσ πολίτασ.

τὸ μὲν οὖν πρῶτον ἦσαν ἀλαλαγμοί, καὶ διαδρομαὶ τῷ πάθει κατὰ τύχην ἐπιγινόμεναι πλείονα τὸν θόρυβον ἐποίησαν· ὡσ δ’ οὔτε φόνοσ ἄλλοσ οὔθ’ ἁρπαγή τινοσ ἐγίνετο τῶν κειμένων, θαρροῦντεσ ἀνέβαινον οἵ τε βουλευταὶ καὶ τῶν δημοτῶν πολλοὶ πρὸσ τοὺσ ἄνδρασ εἰσ τὸ Καπετώλιον. ἁθροισθέντοσ δὲ τοῦ πλήθουσ διελέχθη Βροῦτοσ ἐπαγωγὰ τοῦ δήμου καὶ πρέποντα τοῖσ πεπραγμένοισ.

ἐπαινούντων δὲ καὶ κατιέναι βοώντων θαρροῦντεσ κατέβαινον εἰσ ἀγοράν, οἱ μὲν ἄλλοι συνεπόμενοι μετ’ ἀλλήλων, Βροῦτον δὲ πολλοὶ τῶν ἐπιφανῶν περιέποντεσ ἐν μέσῳ πάνυ λαμπρῶσ κατῆγον ἀπὸ τῆσ ἄκρασ καὶ κατέστησαν ἐπὶ τῶν ἐμβόλων. πρὸσ δὲ τὴν ὄψιν οἱ πολλοί, καίπερ μιγάδεσ ὄντεσ καὶ παρεσκευασμένοι θορυβεῖν, διέτρεσαν καὶ τὸ μέλλον ἐδέχοντο κόσμῳ καὶ σιωπῇ.

προελθόντοσ δ’ αὐτοῦ πάντεσ ἡσυχίαν τῷ λόγῳ παρέσχον ὅτι δ’ οὐ πᾶσι πρὸσ ἡδονὴν ἐγεγόνει τὸ ἔργον, ἐδήλωσαν ἀρξαμένου λέγειν Κίννα καὶ κατηγορεῖν Καίσαροσ ἀναρρηγνύμενοι πρὸσ ὀργὴν καὶ κακῶσ τὸν Κίνναν λέγοντεσ, ὥστε πάλιν τοὺσ ἄνδρασ εἰσ τὸ Καπετώλιον ἀπελθεῖν. ἔνθα δὴ δεδιὼσ πολιορκίαν ὁ Βροῦτοσ ἀπέπεμπε τοὺσ ἀρίστουσ τῶν συναναβάντων, οὐκ ἀξιῶν τῆσ αἰτίασ μὴ μετέχοντασ αὐτοὺσ συνυποδύεσθαι τὸν κίνδυνον.

일치하는 문장이 없습니다.

SEARCH

MENU NAVIGATION