Plutarch, Brutus, chapter 30

(플루타르코스, Brutus, chapter 30)

ἐν δὲ τῇ Σμύρνῃ τότε τῶν χρημάτων, ἃ πολλὰ συνειλόχει Κάσσιοσ, ἠξίου μεταλαβεῖν τὰ γὰρ ὄντα κατανηλωκέναι ναυπηγούμενοσ στόλον τοσοῦτον ᾧ πᾶσαν ὑφ’ ἑαυτοῖσ ἕξουσι τὴν ἐντὸσ θάλασσαν, οὐκ εἰών μὲν οὖν τὸν Κάσσιον οἱ φίλοι διδόναι, λέγοντεσ ὡσ οὐ δίκαιον, ἃ σὺ φειδόμενοσ διαφυλάττεισ Καὶ φθόνῳ συνάγεισ, ἐκεῖνον λαβόντα δημαγωγεῖν Καὶ χαρίζεσθαι τοῖσ στρατιώταισ· οὐ μὴν ἀλλ’ ἔδωκεν αὐτῷ τρίτον μέροσ ἁπάντων, καὶ πάλιν διαστάντεσ ἐπὶ τὰσ προσηκούσασ ἑκατέρῳ πράξεισ, Κάσσιοσ μὲν ἑλὼν Ῥόδον οὐκ ἐπιεικῶσ ἐχρῆτο τοῖσ πράγμασι, Καὶ ταῦτα περὶ τὴν εἴσοδον τοῖσ προσαγορεύουσιν αὐτὸν βασιλέα Καὶ κύριον ἀποκρινάμενοσ· "οὔτε βασιλεὺσ οὔτε κύριοσ, τοῦ δὲ κυρίου Καὶ βασιλέωσ φονεὺσ Καὶ κολαστήσ.

Βροῦτοσ δὲ Λυκίουσ ᾔτει χρήματα Καὶ στρατόν. ἐπεὶ δὲ Ναυκράτησ ὁ δημαγωγὸσ ἀνέπεισε τὰσ πόλεισ ἀφίστασθαι Καὶ λόφουσ τινὰσ ὡσ εἴρξοντεσ παρόδου τὸν Βροῦτον κατελάβοντο, πρῶτον μὲν ἀριστοποιουμένοισ αὐτοῖσ ἐπέπεμψεν ἱππεῖσ, ὑφ’ ὧν ἑξακόσιοι διεφθάρησαν, ἔπειτα τὰ χωρία καὶ πολίχνασ λαμβάνων ἀπέλυεν ἄνευ λύτρων ἅπαντασ ὡσ προσαξόμενοσ εὐνοίᾳ τὸ ἔθνοσ.

οἱ δ’ ἦσαν αὐθάδεισ, ἃ μὲν ἐβλάπτοντο πρὸσ ὀργὴν τιθέμενοι, τῆσ δ’ ἐπιεικείασ καὶ φιλανθρωπίασ καταφρονοῦντεσ, ἄχρι οὗ συνελάσασ εἰσ Ξάνθον αὐτῶν τοὺσ μαχιμωτάτουσ ἐπολιόρκει.

τοῦ δὲ ποταμοῦ παρὰ τὴν πόλιν παραρρέοντοσ ὑπονηχόμενοι διεδίδρασκον. ἡλίσκοντο δὲ δικτύων διὰ πόρου καθιεμένων εἰσ βυθόν, ὧν τὰ ἄκρα κώδωσι προσηρτημένοισ διεσήμαινεν εὐθὺσ τὸν ἐνσχεθέντα. μηχαναῖσ δέ τισι τῶν Ξανθίων νύκτωρ ἐπιδραμόντων Καὶ πῦρ ἐμβαλόντων, ὡσ ἀπεκλείσθησαν αἰσθομένων τῶν Ῥωμαίων πρὸσ τὸ τεῖχοσ Καὶ πνεῦμα λαμπρὸν ἀνερρίπιζεν ἐπὶ τὰσ ἐπάλξεισ τὴν φλόγα τῶν ἐγγὺσ οἰκιῶν ἀντιλαμβανομένην, δείσασ ὁ Βροῦτοσ ὑπὲρ τῆσ πόλεωσ ἐκέλευσε κατασβεννύναι Καὶ βοηθεῖν.

일치하는 문장이 없습니다.

SEARCH

MENU NAVIGATION