헬라어 문장 검색 - Πλυταρ́Βρυτυσ́53́

(플루타르코스, Brutus, chapter 53)

τοῦτον δὲ τὸν Στράτωνα Μεσσάλασ ἑταῖροσ ὢν Βρούτῳ Καίσαρι διαλλαγεὶσ ἐπὶ σχολῆσ ποτε προσήγαγε, καὶ δακρύσασ εἶπεν· "οὗτόσ ἐστιν, ὦ Καῖσαρ, ὁ ἀνήρ, ὁ τῷ ἐμῷ Βρούτῳ τὴν τελευταίαν ὑπουργήσασ χάριν. "ὦ Καῖσαρ, ἀεὶ τῆσ βελτίονοσ καὶ δικαιοτέρασ τιμῆσ καὶ μερίδοσ ἐγενόμην.

τὸν δὲ Βροῦτον ὁ Ἀντώνιοσ ἀνευρὼν τεθνηκότα τὸ μὲν σῶμα τῇ πολυτελεστάτῃ τῶν ἑαυτοῦ φοινικίδων περιβαλεῖν ἐκέλευσεν, ὕστερον δὲ τὴν φοινικίδα κεκλεμμένην αἰσθόμενοσ ἀπέκτεινε τὸν ὑφελόμενον.

τὰ δὲ λείψανα πρὸσ τὴν μητέρα τοῦ Βρούτου Σερβιλίαν ἀπέπεμψε. Πορκίαν δὲ τὴν Βρούτου γυναῖκα Νικόλαοσ ὁ φιλόσοφοσ ἱστορεῖ καὶ Οὐαλέριοσ Μάξιμοσ βουλομένην ἀποθανεῖν, ὡσ οὐδεὶσ ἐπέτρεπε τῶν φίλων, ἀλλὰ προσέκειντο καὶ παρεφύλαττον, ἐκ τοῦ πυρὸσ ἀναρπάσασαν ἄνθρακασ καταπιεῖν καὶ τὸ στόμα συγκλείσασαν καὶ μύσασαν οὕτω διαφθαρῆναι.

καίτοι φέρεταί τισ ἐπιστολὴ Βρούτου πρὸσ τοὺσ φίλουσ ἐγκαλοῦντοσ αὐτοῖσ καὶ ὀλοφυρομένου περὶ τῆσ Πορκίασ, ὡσ ἀμεληθείσησ ὑπ’ αὐτῶν καὶ προελομένησ διὰ νόσον καταλιπεῖν τὸν βίον.

ἐοίκεν οὖν ὁ Νικόλαοσ ἠγνοηκέναι τὸν χρόνον, ἐπεὶ τό γε πάθοσ καὶ τὸν ἔρωτα τῆσ γυναικὸσ καὶ τὸν τρόπον τῆσ τελευτῆσ ὑπονοῆσαι δίδωσι καὶ τὸ ἐπιστόλιον, εἴπερ ἄρα τῶν γνησίων ἐστίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 53

(플루타르코스, Brutus, chapter 53)

상위

목록

SEARCH

MENU NAVIGATION