헬라어 문장 검색 - Πλυταρ́Βρυτυσ́12́

(플루타르코스, Brutus, chapter 12)

ἐκ τούτου διαπειρώμενοι κρύφα τῶν γνωρίμων οἷσ ἐπίστευον ἀνεκοινοῦντο καὶ προσελάμβανον, οὐ μόνον τῶν συνήθων ποιούμενοι τὴν αἱρ́εσιν, ἀλλ’ ὅσουσ ἠπίσταντο τολμητὰσ ὄντασ ἀγαθοὺσ καὶ θανάτου καταφρονητάσ. διὸ καὶ Κικέρωνα, τοῦτο μέν πίστεωσ, τοῦτο δὲ εὐνοίασ ἕνεκα πρῶτον ὄντα παρ’ αὐτοῖσ, ἀπεκρύψαντο, μὴ τῷ φύσει τόλμησ ἐνδεὴσ εἶναι προσειληφὼσ ὑπὸ χρόνου γεροντικὴν εὐλάβειαν, εἶτα πάντα καθ’ ἕκαστον ἀνάγων τοῖσ λογισμοῖσ εἰσ ἄκραν ἀσφάλειαν, ἀμβλύνῃ τὴν ἀκμὴν αὐτῶν τῆσ προθυμίασ τάχουσ δεομένην.

ἐπεὶ καὶ τῶν ἄλλων ἑταίρων ὁ Βροῦτοσ Στατίλιόν τε παρέλιπε τὸν Ἐπικούρειον καὶ Φαώνιον ἐραστὴν Κάτωνοσ, ὅτι πόρρωθεν αὐτοῖσ τοιαύτην τινὰ κύκλῳ περιβαλόντοσ ἐν τῷ διαλέγεσθαι καὶ συμφιλοσοφεῖν πεῖραν, ὁ μέν Φαώνιοσ ἀπεκρίνατο χεῖρον εἶναι μοναρχίασ παρανόμου πόλεμον ἐμφύλιον, ὁ δὲ Στατίλιοσ ἔφη τῷ σοφῷ καὶ νοῦν ἔχοντι διὰ φαύλουσ καὶ ἀνοήτουσ κινδυνεύειν καὶ ταράττεσθαι μὴ καθήκειν.

παρὼν δὲ Λαβεὼν ἀντεῖπεν ἀμφοτέροισ. καὶ ὁ Βροῦτοσ τότε μέν ὡσ ἔχοντόσ τι τοῦ λόγου χαλεπὸν καὶ δύσκριτον ἀπεσιώπησεν, ὕστερον δὲ Λαβεῶνι κοινοῦται τὸ βούλευμα.

δεξαμένου δὲ προθύμωσ, τὸν ἕτερον Βροῦτον, ἐπίκλησιν Ἀλβῖνον, ἄλλωσ μέν οὐκ ὄντα ῥέκτην οὐδὲ θαρραλέον, ἐρρωμένον δὲ πλήθει μονομάχων οὓσ ἐπὶ θέᾳ Ῥωμαίων ἔτρεφε, καὶ παρὰ Καίσαρι πιστευόμενον, ἐδόκει προσάγεσθαι. Κασσίου δὲ καὶ Λαβεῶνοσ αὐτῷ διαλεγομένων οὐδὲν ἀπεκρίνατο, Βρούτῳ δ’ αὐτὸσ ἐντυχὼν ἰδίᾳ καὶ μαθὼν ὅτι τῆσ πράξεωσ ἡγεμών ἐστιν, ὡμολόγησε συμπράξειν προθύμωσ.

καὶ τῶν ἄλλων δὲ τοὺσ πλείστουσ καὶ ἀρίστουσ ἡ δόξα τοῦ Βρούτου προσήγετο. καὶ μήθ’ ὁρ́κον συνομόσαντεσ μήτε πίστιν καθ’ ἱερῶν λαβόντεσ ἢ δόντεσ, οὕτωσ ἅπαντεσ ἔσχον ἐν ἑαυτοῖσ καὶ κατεσιώπησαν καὶ συνδιήνεγκαν ὥστε μαντείαισ καὶ φάσμασι καὶ ἱεροῖσ ὑπὸ τῶν θεῶν προδεικνυμένην ἄπιστον γενέσθαι τὴν πρᾶξιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 12

(플루타르코스, Brutus, chapter 12)

상위

목록

SEARCH

MENU NAVIGATION