Plutarch, Brutus, chapter 45

(플루타르코스, Brutus, chapter 45)

ἔπεσον δὲ τούτων μὲν ὀκτακισχίλιοι σὺν τοῖσ στρατευομένοισ οἰκέταισ, οὓσ Βρίγασ ὁ Βροῦτοσ ὠνόμαζε· τῶν δ’ ἐναντίων Μεσσάλασ φησὶν οἰέσθαι πλείουσ ἢ διπλασίουσ, διὸ καὶ μᾶλλον ἠθύμουν ἐκεῖνοι πρὶν ἢ Κασσίου θεράπων ὄνομα Δημήτριοσ ἀφίκετο πρὸσ Ἀντώνιον ἑσπέρασ, εὐθὺσ ἀπὸ τοῦ νεκροῦ τὰσ χλαμύδασ λαβὼν καὶ τὸ ξίφοσ. ὦν κομισθέντων οὕτωσ ἐθάρρησαν ὥστε ἅμ’ ἡμέρᾳ προάγειν ὡπλισμένην ἐπὶ μάχῃ τὴν δύναμιν.

Βρούτῳ δὲ τῶν στρατοπέδων ἑκατέρου σαλεύοντοσ ἐπισφαλῶσ τὸ μὲν γὰρ αὐτοῦ καταπεπλησμένον αἰχμαλώτων ἐδεῖτο φυλακῆσ ἀκριβοῦσ, τὸ δὲ Κασσίου τὴν μεταβολὴν τοῦ ἄρχοντοσ οὐ ῥᾳδίωσ ἔφερεν, ἀλλὰ καὶ φθόνου τι καὶ μίσουσ ἡττημένοισ ἐνῆν αὐτοῖσ πρὸσ τὸ νενικηκόσ, ὁπλίσαι μὲν ἔδοξε τὸ στράτευμα, μάχησ δ’ ἀπέσχετο. τῶν δ’ αἰχμαλώτων τὸ μὲν δουλικὸν πλῆθοσ ἐνειλούμενον ὑπόπτωσ τοῖσ ὅπλοισ ἐκέλευσεν ἀναιρεθῆναι, τῶν δ’ ἐλευθέρων τοὺσ μὲν ἀπέλυε φάσκων ὑπὸ τῶν πολεμίων μᾶλλον ἡλωκέναι αὐτοὺσ καὶ παρ’ ἐκείνοισ αἰχμαλώτουσ εἶναι καὶ δούλουσ, παρ’ αὑτῷ δ’ ἐλευθέρουσ καὶ πολίτασ·

ὡσ δὲ τοὺσ φίλουσ ἑώρα καὶ τοὺσ ἡγεμόνασ ἀδιαλλάκτωσ ἔχοντασ, ἀποκρύπτων καὶ συνεκπέμπων ἔσῳζεν. ἦν δέ τισ Βολούμνιοσ μῖμοσ καὶ Σακουλίων γελωτοποιὸσ ἡλωκότεσ, οὓσ ἐν οὐδενὶ λόγῳ τιθεμένου τοῦ Βρούτου προσάγοντεσ οἱ φίλοι κατηγόρουν ὡσ οὐδὲ νῦν τοῦ λέγειν καὶ σκώπτειν πρὸσ ὕβριν αὐτῶν ἀπεχομένουσ.

"ἐμοῦ πυνθάνεσθε, Κάσκα, καὶ οὐ πράττετε τὸ δόξαν ὑμῖν;

ταύτην ἐκεῖνοι τὴν ἀπόκρισιν συγκατάθεσιν ποιησάμενοι κατὰ τῶν ἀθλίων ἀνθρώπων, διέφθειραν αὐτοὺσ ἀπαγαγόντεσ.

일치하는 문장이 없습니다.

SEARCH

MENU NAVIGATION