헬라어 문장 검색 - Παυσαν́Δεσξριπ́1́42́

(파우사니아스, Description of Greece, Ἀττικά, chapter 42)

ἔστι δὲ καὶ ἄλλη Μεγαρεῦσιν ἀκρόπολισ ἀπὸ Ἀλκάθου τὸ ὄνομα ἔχουσα· ἐσ ταύτην τὴν ἀκρόπολιν ἀνιοῦσίν ἐστιν ἐν δεξιᾷ Μεγαρέωσ μνῆμα, ὃσ κατὰ τὴν ἐπιστρατείαν τῶν Κρητῶν ξύμμαχόσ σφισιν ἦλθεν ἐξ Ὀγχηστοῦ. δείκνυται δὲ καὶ ἑστία θεῶν Προδομέων καλουμένων· θῦσαι δέ σφισιν Ἀλκάθουν λέγουσι πρῶτον, ὅτε τῆσ οἰκοδομίασ τοῦ τείχουσ ἔμελλεν ἄρχεσθαι. τῆσ δὲ ἑστίασ ἐγγὺσ ταύτησ ἐστὶ λίθοσ, ἐφ’ οὗ καταθεῖναι λέγουσιν Ἀπόλλωνα τὴν κιθάραν Ἀλκάθῳ τὸ τεῖχοσ συνεργαζόμενον.

δηλοῖ τέ μοι καὶ τόδε ὡσ συνετέλουν ἐσ Ἀθηναίουσ Μεγαρεῖσ· φαίνεται γὰρ τὴν θυγατέρα Ἀλκάθουσ Περίβοιαν ἅμα Θησεῖ πέμψαι κατὰ τὸν δασμὸν ἐσ Κρήτην. τότε δὲ αὐτῷ τειχίζοντι, ὥσ φασιν οἱ Μεγαρεῖσ, συνεργάζεταί τε Ἀπόλλων καὶ τὴν κιθάραν κατέθηκεν ἐπὶ τὸν λίθον· ἢν δὲ τύχῃ βαλών τισ ψηφῖδι, κατὰ ταὐτὰ οὗτόσ τε ἤχησε καὶ κιθάρα κρουσθεῖσα. ἐμοὶ δὲ παρέσχε μὲν καὶ τοῦτο θαυμάσαι, παρέσχε δὲ πολλῷ μάλιστα Αἰγυπτίων ὁ κολοσσόσ.

ἐν Θήβαισ ταῖσ Αἰγυπτίαισ, διαβᾶσι τὸν Νεῖλον πρὸσ τὰσ Σύριγγασ καλουμένασ, εἶδον ἔτι καθήμενον ἄγαλμα ἠχοῦν ‐ Μέμνονα ὀνομάζουσιν οἱ πολλοί, τοῦτον γάρ φασιν ἐξ Αἰθιοπίασ ὁρμηθῆναι ἐσ Αἴγυπτον καὶ τὴν ἄχρι Σούσων· ἀλλὰ γὰρ οὐ Μέμνονα οἱ Θηβαῖοι λέγουσι, Φαμένωφα δὲ εἶναι τῶν ἐγχωρίων οὗ τοῦτο ἄγαλμα ἦν, ἤκουσα δὲ ἤδη καὶ Σέσωστριν φαμένων εἶναι τοῦτο ἄγαλμα ‐ , ὃ Καμβύσησ διέκοψε·

καὶ νῦν ὁπόσον ἐκ κεφαλῆσ ἐσ μέσον σῶμά ἐστιν ἀπερριμμένον, τὸ δὲ λοιπὸν κάθηταί τε καὶ ἀνὰ πᾶσαν ἡμέραν ἀνίσχοντοσ ἡλίου βοᾷ, καὶ τὸν ἦχον μάλιστα εἰκάσει τισ κιθάρασ ἢ λύρασ ῥαγείσησ χορδῆσ. Μεγαρεῦσι δὲ ἔστι μὲν βουλευτήριον, Τιμάλκου δὲ ἦν ποτε ὡσ λέγουσι τάφοσ, ὃν πρότερον ὀλίγον τούτων οὐκ ἔφην ὑπὸ Θησέωσ ἀποθανεῖν.

ᾠκοδόμηται δὲ ἐπὶ τῇ κορυφῇ τῆσ ἀκροπόλεωσ ναὸσ Ραθηνᾶσ, ἄγαλμα δέ ἐστιν ἐπίχρυσον πλὴν χειρῶν καὶ ἄκρων ποδῶν· ταῦτα δὲ καὶ τὸ πρόσωπόν ἐστιν ἐλέφαντοσ. καὶ ἕτερον ἐνταῦθα ἱερὸν Ἀθηνᾶσ πεποίηται καλουμένησ Νίκησ καὶ ἄλλο Αἰαντίδοσ· τὰ δὲ ἐσ αὐτὸ Μεγαρέων μὲν παρεῖται τοῖσ ἐξηγηταῖσ, ἐγὼ δὲ ὁποῖα νομίζω γενέσθαι γράψω. Τελαμὼν ὁ Αἰακοῦ θυγατρὶ Ἀλκάθου Περιβοίᾳ συνῴκησεν· Αἰάντα οὖν τὴν ἀρχὴν τὴν Ἀλκάθου διαδεξάμενον ποιῆσαι τὸ ἄγαλμα ἡγοῦμαι τῆσ Ἀθηνᾶσ. τοῦ δὲ Ἀπόλλωνοσ πλίνθου μὲν ἦν ὁ ἀρχαῖοσ ναόσ·

ὕστερον δὲ βασιλεὺσ ᾠκοδόμησεν Ἀδριανὸσ λίθου λευκοῦ. ὁ μὲν δὴ Πύθιοσ καλούμενοσ καὶ ὁ Δεκατηφόροσ τοῖσ Αἰγυπτίοισ μάλιστα ἐοίκασι ξοάνοισ, ὃν δὲ Ἀρχηγέτην ἐπονομάζουσιν, Αἰγινητικοῖσ ἔργοισ ἐστὶν ὅμοιοσ· ἐβένου δὲ πάντα ὁμοίωσ πεποίηται. Κυπρίου διακρῖναι πόασ ἐσ ἀνθρώπων ἰάσιν εἰδότοσ, ὃσ τὴν ἔβενον φύλλα οὐκ ἔφη φύειν οὐδὲ εἶναι καρπὸν οὐδένα ἀπ’ αὐτῆσ οὐδὲ ὁρᾶσθαι τὸ παράπαν αὐτὴν ὑπὸ ἡλίου, ῥίζασ δὲ ὑπογαίουσ εἶναι, ταύτασ δὲ ὀρύσσειν τοὺσ Αἰθίοπασ καὶ ἄνδρασ εἶναί σφισιν οἳ τὴν ἔβενον ἴσασιν εὑρίσκειν.

ἔστι δὲ καὶ Δήμητροσ ἱερὸν Θεσμοφόρου.

κατιοῦσι δὲ ἐντεῦθεν Καλλιπόλιδοσ μνῆμά ἐστιν Ἀλκάθου παιδόσ. ἐγένετο δὲ καὶ ἄλλοσ Ἀλκάθῳ πρεσβύτεροσ υἱὸσ Ἰσχέπολισ, ὃν ἀπέστειλεν ὁ πατὴρ Μελεάγρῳ τὸ ἐν Αἰτωλίᾳ θηρίον συνεξαιρήσοντα. ἀποθανόντοσ δὲ ἐνταῦθα πρῶτοσ τεθνεῶτα ἐπύθετο ὁ Καλλίπολισ, ἀναδραμὼν δὲ ἐσ τὴν ἀκρόπολιν ‐ τηνικαῦτα δὲ ὁ πατήρ οἱ τῷ Ἀπόλλωνι ἐνέκαεν ‐ ἀπορρίπτει τὰ ξύλα ἀπὸ τοῦ βωμοῦ· Ἀλκάθουσ δὲ ἀνήκοοσ ὢν ἔτι τῆσ Ἰσχεπόλιδοσ τελευτῆσ κατεδίκαζεν οὐ ποιεῖν ὅσια τὸν Καλλίπολιν καὶ εὐθέωσ ὡσ εἶχεν ὀργῆσ ἀπέκτεινε παίσασ ἐσ τὴν κεφαλὴν τῶν ἀπορριφέντων ἀπὸ τοῦ βωμοῦ ξύλῳ. κατὰ δὲ τὴν ἐσ τὸ πρυτανεῖον ὁδὸν Ἰνοῦσ ἐστιν ἡρῷον, περὶ δὲ αὐτὸ θριγκὸσ λίθων·

πεφύκασι δὲ ἐπ’ αὐτῶ καὶ ἐλαῖαι. μόνοι δέ εἰσιν Ἑλλήνων Μεγαρεῖσ οἱ λέγοντεσ τὸν νεκρὸν τῆσ Ἰνοῦσ ἐσ τὰ παραθαλάσσιά σφισιν ἐκπεσεῖν τῆσ χώρασ, Κλησὼ δὲ καὶ Ταυρόπολιν εὑρεῖν τε καὶ θάψαι ‐ θυγατέρασ δὲ αὐτὰσ εἶναι Κλήσωνοσ τοῦ Λέλεγοσ ‐ , καὶ Λευκοθέαν τε ὀνομασθῆναι παρὰ σφίσι πρώτοισ φασὶν αὐτὴν καὶ θυσίαν ἄγειν ἀνὰ πᾶν ἔτοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 42

(파우사니아스, Description of Greece, Ἀττικά, chapter 42)

상위

목록

SEARCH

MENU NAVIGATION