헬라어 문장 검색 - Παυσαν́Δεσξριπ́1́31́

(파우사니아스, Description of Greece, Ἀττικά, chapter 31)

δῆμοι δὲ οἱ μικροὶ τῆσ Ἀττικῆσ, ὡσ ἔτυχεν ἕκαστοσ οἰκισθείσ, τάδε ἐσ μνήμην παρείχοντο· Ἀλιμουσίοισ <μὲν> Θεσμοφόρου Δήμητροσ καὶ Κόρησ ἐστὶν ἱερόν, ἐν Ζωστῆρι <δὲ> ἐπὶ θαλάσσησ καὶ βωμὸσ Ἀθηνᾶσ καὶ Ἀπόλλωνοσ καὶ Ἀρτέμιδοσ καὶ Λητοῦσ. τεκεῖν μὲν οὖν Λητὼ τοὺσ παῖδασ ἐνταῦθα οὔ φασι, λύσασθαι δὲ τὸν ζωστῆρα ὡσ τεξομένην, καὶ τῷ χωρίῳ διὰ τοῦτο γενέσθαι τὸ ὄνομα. Προσπαλτίοισ δέ ἐστι καὶ τούτοισ Κόρησ καὶ Δήμητροσ ἱερόν, Ἀναγυρασίοισ δὲ Μητρὸσ θεῶν ἱερόν·

Κεφαλῆσι δὲ οἱ Διόσκουροι νομίζονται μάλιστα, Μεγάλουσ γὰρ σφᾶσ οἱ ταύτῃ θεοὺσ ὀνομάζουσιν. ἐν δὲ Πρασιεῦσιν Ἀπόλλωνόσ ἐστι ναόσ·

ἐνταῦθα τὰσ Ὑπερβορέων ἀπαρχὰσ ἰέναι λέγεται, παραδιδόναι δὲ αὐτὰσ Ὑπερβορέουσ μὲν Ἀριμασποῖσ, Ἀριμασποὺσ δ’ Ἰσσηδόσι, παρὰ δὲ τούτων Σκύθασ ἐσ Σινώπην κομίζειν, ἐντεῦθεν δὲ φέρεσθαι διὰ Ἑλλήνων ἐσ Πρασιάσ, Ἀθηναίουσ δὲ εἶναι τοὺσ ἐσ Δῆλον ἄγοντασ· τὰσ δὲ ἀπαρχὰσ κεκρύφθαι μὲν ἐν καλάμῃ πυρῶν, γινώσκεσθαι δὲ ὑπ’ οὐδένων. ἔστι δὲ μνῆμα ἐπὶ Πρασιαῖσ Ἐρυσίχθονοσ, ὡσ ἐκομίζετο ὀπίσω μετὰ τὴν θεωρίαν ἐκ Δήλου, γενομένησ οἱ κατὰ τὸν πλοῦν τῆσ τελευτῆσ. Κραναὸν δὲ τὸν βασιλεύσαντα Ἀθηναίων ὅτι μὲν ἐξέβαλεν Ἀμφικτύων κηδεστὴν ὄντα, ἔτι πρότερον εἴρηταί μοι·

φυγόντα δὲ αὐτὸν σὺν τοῖσ στασιώταισ ἐσ τὸν δῆμον τὸν Λαμπτρέα ἀποθανεῖν τε αὐτοῦ καὶ ταφῆναί φασι, καὶ ἔστι καὶ ἐσ ἐμὲ καὶ ἐν τοῖσ Λαμπτρεῦσι Κραναοῦ μνῆμα. Ιὤνοσ δὲ τοῦ Ξούθου ‐ καὶ γὰρ οὗτοσ ᾤκησε παρὰ Ἀθηναίοισ καὶ Ἀθηναίων ἐπὶ τοῦ πολέμου τοῦ πρὸσ Ἐλευσινίουσ ἐπολεμάρχησε ‐ τάφοσ ἐν Ποταμοῖσ ἐστι τῆσ χώρασ. ταῦτα μὲν δὴ οὕτω λέγεται, Φλυεῦσι δέ εἰσι καὶ Μυρρινουσίοισ τοῖσ μὲν Ἀπόλλωνοσ Διονυσοδότου καὶ Ἀρτέμιδοσ Σελασφόρου βωμοὶ Διονύσου τε Ἀνθίου καὶ νυμφῶν Ἰσμηνίδων καὶ Γῆσ, ἣν Μεγάλην θεὸν ὀνομάζουσι·

ναὸσ δὲ ἕτεροσ ἔχει βωμοὺσ Δήμητροσ Ἀνησιδώρασ <καὶ> Διὸσ Κτησίου καὶ Τιθρωνῆσ Ἀθηνᾶσ καὶ Κόρησ Πρωτογόνησ καὶ Σεμνῶν ὀνομαζομένων θεῶν·

τὸ δὲ ἐν Μυρρινοῦντι ξόανόν ἐστι Κολαινίδοσ. Ἀθμονεῖσ δὲ τιμῶσιν Ἀμαρυσίαν Ἄρτεμιν· πυνθανόμενοσ δὲ σαφὲσ οὐδὲν ἐσ αὐτὰσ ἐπισταμένουσ τοὺσ ἐξηγητὰσ εὑρ͂ον, αὐτὸσ δὲ συμβάλλομαι τῇδε.

ἔστιν Ἀμάρυνθοσ ἐν Εὐβοίᾳ· καὶ γὰρ οἱ ταύτῃ τιμῶσιν Ἀμαρυσίαν, ἑορτὴν δὲ καὶ Ἀθηναῖοι τῆσ Ἀμαρυσίασ ἄγουσιν οὐδέν τι Εὐβοέων ἀφανέστερον· ταύτῃ μὲν γενέσθαι τὸ ὄνομα ἐπὶ τούτῳ παρὰ Ἀθμονεῦσιν ἡγοῦμαι, τὴν δὲ ἐν Μυρρινοῦντι Κολαινίδα ἀπὸ Κολαίνου καλεῖσθαι. γέγραπται δ’ ἤδη μοι τῶν ἐν τοῖσ δήμοισ φάναι πολλοὺσ ὡσ καὶ πρὸ τῆσ ἀρχῆσ ἐβασιλεύοντο τῆσ Κέκροποσ· ἔστι δὲ ὁ Κόλαινοσ ἀνδρὸσ ὄνομα πρότερον ἢ Κέκροψ ἐβασίλευσεν ‐ ὡσ οἱ Μυρρινούσιοι λέγουσιν ‐ ἄρξαντοσ. ἔστι δὲ Ἀχαρναὶ δῆμοσ·

οὗτοι θεῶν Ἀπόλλωνα τιμῶσιν Ἀγυιέα καὶ Ἡρακλέα. καὶ Ἀθηνᾶσ βωμόσ ἐστιν Ὑγείασ· τὴν δ’ Ἱππίαν Ἀθηνᾶν ὀνομάζουσι καὶ Διόνυσον Μελπόμενον καὶ Κισσὸν τὸν αὐτὸν θεόν, τὸν κισσὸν τὸ φυτὸν ἐνταῦθα πρῶτον φανῆναι λέγοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 31

(파우사니아스, Description of Greece, Ἀττικά, chapter 31)

상위

목록

SEARCH

MENU NAVIGATION