헬라어 문장 검색 - Παυσαν́Δεσξριπ́1́20́

(파우사니아스, Description of Greece, Ἀττικά, chapter 20)

ἔστι δὲ ὁδὸσ ἀπὸ τοῦ πρυταν<ε>ίου καλουμένη Τρίποδεσ· ἀφ’ οὗ καλοῦσι τὸ χωρίον, ναοὶ ὅσον ἐσ τοῦτο μεγάλοι, καί σφισιν ἐφεστήκασι τρίποδεσ χαλκοῖ μέν, μνήμησ δὲ ἄξια μάλιστα περιέχοντεσ εἰργασμένα. σάτυροσ γάρ ἐστιν, ἐφ’ ᾧ Πραξιτέλην λέγεται φρονῆσαι μέγα· καί ποτε Φρύνησ αἰτούσησ, ὅ τι οἱ κάλλιστον εἰή τῶν ἔργων, ὁμολογεῖν μέν φασιν οἱᾶ ἐραστὴν διδόναι μὲν, κατειπεῖν δ’ οὐκ ἐθέλειν ὅ τι κάλλιστον αὐτῷ οἱ φαίνοιτο. ἐσδραμὼν οὖν οἰκέτησ Φρύνησ ἔφασκεν οἴχεσθαι Πραξιτέλει τὸ πολὺ τῶν ἔργων πυρὸσ ἐσπεσόντοσ ἐσ τὸ οἴκημα, οὐ μὲν οὖν πάντα γε ἀφανισθῆναι·

Πραξιτέλησ δὲ αὐτίκα ἔθει διὰ θυρῶν ἔξω καί οἱ καμόντι οὐδὲν ἔφασκεν εἶναι πλέον, εἰ δὴ καὶ τὸν Σάτυρον ἡ φλὸξ καὶ τὸν Ἔρωτα ἐπέλαβε·

Φρύνη δὲ μένειν θαρροῦντα ἐκέλευε· παθεῖν γὰρ ἀνιαρὸν οὐδέν, τέχνῃ δὲ ἁλόντα ὁμολογεῖν τὰ κάλλιστα ὧν ἐποίησε. Φρύνη μὲν οὕτω τὸν Ἔρωτα αἱρεῖται· Διονύσῳ δὲ ἐν τῷ ναῷ τῷ πλησίον Σάτυρόσ ἐστι παῖσ καὶ δίδωσιν ἔκπωμα· Ἔρωτα δ’ ἑστηκότα ὁμοῦ καὶ Διόνυσον Θυμίλοσ ἐποίησεν. τοῦ Διονύσου δέ ἐστι πρὸσ τῷ θεάτρῳ τὸ ἀρχαιότατον ἱερόν·

δύο δέ εἰσιν ἐντὸσ τοῦ περιβόλου ναοὶ καὶ Διόνυσοι, ὅ τε Ἐλευθερεὺσ καὶ ὃν Ἀλκαμένησ ἐποίησεν ἐλέφαντοσ καὶ χρυσοῦ. γραφαὶ δὲ αὐτόθι Διόνυσόσ ἐστιν ἀνάγων Ἥφαιστον ἐσ οὐρανόν· λέγεται δὲ καὶ τάδε ὑπὸ Ἑλλήνων, ὡσ Ἥρα ῥίψαι γενόμενον Ἥφαιστον, ὁ δέ οἱ μνησικακῶν πέμψαι δῶρον χρυσοῦν θρόνον ἀφανεῖσ δεσμοὺσ ἔχοντα, καὶ τὴν μὲν ἐπεί τε ἐκαθέζετο δεδέσθαι, θεῶν δὲ τῶν μὲν ἄλλων οὐδενὶ τὸν Ἥφαιστον ἐθέλειν πείθεσθαι, Διόνυσοσ δὲ ‐ μάλιστα γὰρ ἐσ τοῦτον πιστὰ ἦν Ἡφαίστῳ ‐ μεθύσασ αὐτὸν ἐσ οὐρανὸν ἤγαγε· ταῦτά τε δὴ γεγραμμένα εἰσὶ καὶ Πενθεὺσ καὶ Λυκοῦργοσ ὧν ἐσ Διόνυσον ὕβρισαν διδόντεσ δίκασ, Ἀριάδνη δὲ καθεύδουσα καὶ Θησεὺσ ἀναγόμενοσ καὶ Διόνυσοσ ἥκων ἐσ τῆσ Ἀριάδνησ τὴν ἁρπαγήν. ἔστι δὲ πλησίον τοῦ τε ἱεροῦ τοῦ Διονύσου καὶ τοῦ θεάτρου κατασκεύασμα, ποιηθῆναι δὲ τῆσ σκηνῆσ αὐτὸ ἐσ μίμησιν τῆσ Ξέρξου λέγεται·

ἐποιήθη δὲ καὶ δεύτερον, τὸ γὰρ ἀρχαῖον στρατηγὸσ Ῥωμαίων ἐνέπρησε Σύλλασ Ἀθήνασ ἑλών. αἰτία δὲ ἥδε τοῦ πολέμου. Μιθριδάτησ ἐβασίλευε βαρβάρων τῶν περὶ τὸν Πόντον τὸν Εὔξεινον. πρόφασισ μὲν δὴ δι’ ἥντινα Ῥωμαίοισ ἐπολέμησε καὶ ὃν τρόπον ἐσ τὴν Ἀσίαν διέβη καὶ ὅσασ ἢ πολέμῳ βιασάμενοσ πόλεισ ἔσχεν ἢ φίλασ ἐποιήσατο, τάδε μὲν τοῖσ ἐπίστασθαι τὰ Μιθριδάτου θέλουσι μελέτω· ἐγὼ δὲ ὅσον ἐσ τὴν ἅλωσιν τὴν Ἀθηναίων ἔχει δηλώσω. ἦν Ἀριστίων Ἀθηναῖοσ, ᾧ Μιθριδάτησ πρεσβεύειν ἐσ τὰσ πόλεισ τὰσ Ἑλληνίδασ ἐχρῆτο·

οὗτοσ ἀνέπεισεν Ἀθηναίουσ Μιθριδάτην θέσθαι Ῥωμαίων ἐπίπροσθεν. ἀνέπεισε δὲ οὐ πάντασ, ἀλλ’ ὅσον δῆμοσ ἦν καὶ δήμου τὸ ταραχῶδεσ· Ἀθηναῖοι δὲ ὧν τισ λόγοσ, παρὰ τοὺσ Ῥωμαίουσ ἐκπίπτουσιν ἐθελονταί. γενομένησ δὲ μάχησ πολλῷ περιῆσαν οἱ Ῥωμαῖοι, καὶ φεύγοντασ Ἀριστίωνα μὲν καὶ Ἀθηναίουσ ἐσ τὸ ἄστυ καταδιώκουσιν, Ἀρχέλαον δὲ καὶ τοὺσ βαρβάρουσ ἐσ τὸν Πειραιᾶ· Μιθριδάτου δὲ στρατηγὸσ καὶ οὗτοσ ἦν, ὃν πρότερον τούτων Μάγνητεσ οἱ τὸν Σίπυλον οἰκοῦντεσ σφᾶσ ἐπεκδραμόντα αὐτόν τε τιτρώσκουσι καὶ τῶν βαρβάρων φονεύουσι τοὺσ πολλούσ. Ἀθηναίοισ μὲν δὴ πολιορκία καθειστήκει, Ταξίλοσ δὲ Μιθριδάτου στρατηγὸσ ἐτύγχανε μὲν περικαθήμενοσ Ἐλάτειαν τὴν ἐν τῇ Φωκίδι, ἀφικομένων δὲ ἀγγέλων ἀναστήσασ τὸν στρατὸν ἐσ τὴν Ἀττικὴν ἦγεν.

ἃ πυνθανόμενοσ ὁ στρατηγὸσ τῶν Ῥωμαίων Ἀθήνασ μὲν τοῦ στρατοῦ μέρει πολιορκεῖν ἀφῆκεν, αὐτὸσ δὲ Ταξίλῳ τὸ πολὺ τῆσ δυνάμεωσ ἔχων ἐσ Βοιωτοὺσ ἀπαντᾷ. τρίτῃ δὲ ὕστερον ἡμέρᾳ τοῖσ Ῥωμαίοισ ἦλθον ἐπ’ ἀμφότερα τὰ στρατόπεδα ἄγγελοι, Σύλλᾳ μὲν ὡσ Ἀθηναίοισ εἰή <τὸ> τεῖχοσ ἑαλωκόσ, τοῖσ δὲ Ἀθήνασ πολιορκήσασι Ταξίλον κεκρατῆσθαι μάχῃ περὶ Χαιρώνειαν. Σύλλασ δὲ ὡσ ἐσ τὴν Ἀττικὴν ἐπανῆλθε, τοὺσ ἐναντιωθέντασ Ἀθηναίων καθείρξασ ἐσ τὸν Κεραμεικὸν τὸν λαχόντα σφῶν ἐκ δεκάδοσ ἑκάστησ ἐκέλευσεν ἄγεσθαι τὴν ἐπὶ θανάτῳ.

Σύλλου δὲ οὐκ ἀνιέντοσ ἐσ Ἀθηναίουσ τοῦ θυμοῦ λαθόντεσ ἐκδιδράσκουσιν ἄνδρεσ ἐσ Δελφοὺσ·

ἐρομένοισ δέ σφισιν, εἰ καταλαμβάνοι τὸ χρεὼν ἤδη καὶ τὰσ Ἀθήνασ ἐρημωθῆναι, τούτοισ ἔχρησεν ἡ Πυθία τὰ ἐσ τὸν ἀσκὸν ἔχοντα. Σύλλᾳ δὲ ὕστερον τούτων ἐνέπεσεν ἡ νόσοσ, ᾗ καὶ τὸν Σύριον Φερεκύδην ἁλῶναι πυνθάνομαι. Σύλλᾳ δὲ ἔστι μὲν καὶ τὰ ἐσ τοὺσ πολλοὺσ Ἀθηναίων ἀγριώτερα ἢ ὡσ ἄνδρα εἰκὸσ ἦν ἐργάσασθαι Ῥωμαῖον· ἀλλὰ γὰρ οὐ ταῦτα δὴ αἰτίαν γενέσθαι οἱ δοκῶ τῆσ συμφορᾶσ, Ἱκεσίου δὲ μήνιμα, ὅτι καταφυγόντα ἐσ τὸ τῆσ Ἀθηνᾶσ ἱερὸν ἀπέκτεινεν ἀποσπάσασ Ἀριστίωνα. Ἀθῆναι μὲν οὕτωσ ὑπὸ τοῦ πολέμου κακωθεῖσαι τοῦ Ῥωμαίων αὖθισ Ἀδριανοῦ βασιλεύοντοσ ἤνθησαν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 20

(파우사니아스, Description of Greece, Ἀττικά, chapter 20)

상위

목록

SEARCH

MENU NAVIGATION