헬라어 문장 검색 - Παυσαν́Δεσξριπ́1́17́

(파우사니아스, Description of Greece, Ἀττικά, chapter 17)

Ἀθηναίοισ δὲ ἐν τῇ ἀγορᾷ καὶ ἄλλα ἐστὶν οὐκ ἐσ ἅπαντασ ἐπίσημα καὶ Ἐλέου βωμόσ, ᾧ μάλιστα θεῶν ἐσ ἀνθρώπινον βίον καὶ μεταβολὰσ πραγμάτων ὄντι ὠφελίμῳ μόνοι τιμὰσ Ἑλλήνων νέμουσιν Ἀθηναῖοι. τούτοισ δὲ οὐ τὰ ἐσ φιλανθρωπίαν μόνον καθέστηκεν, ἀλλὰ καὶ θεοὺσ εὐσεβοῦσιν ἄλλων πλέον, καὶ γὰρ Αἰδοῦσ σφισι βωμόσ ἐστι καὶ Φήμησ καὶ Ὁρμῆσ· δῆλά τε ἐναργῶσ, ὅσοισ πλέον τι ἑτέρων εὐσεβείασ μέτεστιν, ἴσον σφίσι παρὸν τύχησ χρηστῆσ. ἐν δὲ τῷ γυμνασίῳ τῆσ ἀγορᾶσ ἀπέχοντι οὐ πολύ, Πτολεμαίου δὲ ἀπὸ τοῦ κατασκευασαμένου καλουμένῳ, λίθοι τέ εἰσιν Ἑρμαῖ θέασ ἄξιοι καὶ εἰκὼν Πτολεμαίου χαλκῆ·

καὶ ὅ τε Λίβυσ Ιὄβασ ἐνταῦθα κεῖται καὶ ὁ Χρύσιπποσ ὁ Σολεύσ. πρὸσ δὲ τῷ γυμνασίῳ Θησέωσ ἐστὶν ἱερόν·

γραφαὶ δέ εἰσι πρὸσ Ἀμαζόνασ Ἀθηναῖοι μαχόμενοι. πεποίηται δέ σφισιν ὁ πόλεμοσ οὗτοσ καὶ τῇ Ἀθηνᾷ ἐπὶ τῇ ἀσπίδι καὶ τοῦ Ὀλυμπίου Διὸσ ἐπὶ τῷ βάθρῳ. γέγραπται δὲ ἐν τῷ τοῦ Θησέωσ ἱερῷ καὶ ἡ Κενταύρων καὶ ἡ Λαπιθῶν μάχη· Θησεὺσ μὲν οὖν ἀπεκτονώσ ἐστιν ἤδη Κένταυρον, τοῖσ δὲ ἄλλοισ ἐξ ἴσου καθέστηκεν ἔτι ἡ μάχη. τοῦ δὲ τρίτου τῶν τοίχων ἡ γραφὴ μὴ πυθομένοισ ἃ λέγουσιν οὐ σαφήσ ἐστι, τὰ μέν που διὰ τὸν χρόνον, τὰ δὲ Μίκων οὐ τὸν πάντα ἔγραψε λόγον.

Μίνωσ ἡνίκα Θησέα καὶ τὸν ἄλλον στόλον τῶν παίδων ἦγεν ἐσ Κρήτην, ἐρασθεὶσ Περιβοίασ, ὥσ οἱ Θησεὺσ μάλιστα ἠναντιοῦτο, καὶ ἄλλα ὑπὸ ὀργῆσ ἀπέρριψεν ἐσ αὐτὸν καὶ παῖδα οὐκ ἔφη Ποσειδῶνοσ εἶναι, ἐπεὶ <οὐ> δύνασθαι τὴν σφραγῖδα, ἣν αὐτὸσ φέρων ἔτυχεν, ἀφέντι ἐσ θάλασσαν ἀνασῶσαί οἱ. Μίνωσ μὲν λέγεται ταῦτα εἰπὼν ἀφεῖναι τὴν σφραγῖδα· Θησέα δὲ σφραγῖδά τε ἐκείνην ἔχοντα καὶ στέφανον χρυσοῦν, Ἀμφιτρίτησ δῶρον, ἀνελθεῖν λέγουσιν ἐκ τῆσ θαλάσσησ.

ἐσ δὲ τὴν τελευτὴν τὴν Θησέωσ πολλὰ ἤδη καὶ οὐχ ὁμολογοῦντα εἴρηται·

δεδέσθαι τε γὰρ αὐτὸν λέγουσιν ἐσ τόδε ἑώσ ὑφ’ Ἡρακλέουσ ἀναχθείη, πιθανώτατα δὲ ὧν ἤκουσα· Θησεὺσ ἐσ Θεσπρωτοὺσ ἐμβαλών, τοῦ βασιλέωσ τῶν Θεσπρωτῶν γυναῖκα ἁρπάσων, τὸ πολὺ τῆσ στρατιᾶσ οὕτωσ ἀπόλλυσι, καὶ αὐτόσ τε καὶ Πειρίθουσ ‐ Πειρίθουσ γὰρ καὶ τὸν γάμον σπεύδων ἐστράτευεν ‐ ἥλωσαν, καὶ σφᾶσ ὁ Θεσπρωτὸσ δήσασ εἶχεν ἐν Κιχύρῳ. γῆσ δὲ τῆσ Θεσπρωτίδοσ ἔστι μέν που καὶ ἄλλα θέασ ἄξια, ἱερόν τε Διὸσ ἐν Δωδώνῃ καὶ ἱερὰ τοῦ θεοῦ φηγόσ·

πρὸσ δὲ τῇ Κιχύρῳ λίμνη τέ ἐστιν Ἀχερουσία καλουμένη καὶ ποταμὸσ Ἀχέρων, ῥεῖ δὲ καὶ Κωκυτὸσ ὕδωρ ἀτερπέστατον. Ὅμηρόσ τέ μοι δοκεῖ ταῦτα ἑωρακὼσ ἔσ τε τὴν ἄλλην ποίησιν ἀποτολμῆσαι τῶν ἐν Αἵδου καὶ δὴ καὶ τὰ ὀνόματα τοῖσ ποταμοῖσ ἀπὸ τῶν ἐν Θεσπρωτίδι θέσθαι. τότε δὲ ἐχομένου Θησέωσ στρατεύουσιν ἐσ Ἄφιδναν οἱ Τυνδάρεω παῖδεσ καὶ τήν τε Ἄφιδναν αἱροῦσι καὶ Μενεσθέα ἐπὶ βασιλείᾳ κατήγαγον· Μενεσθεὺσ δὲ τῶν μὲν παίδων τῶν Θησέωσ παρ’ Ἐλεφήνορα ὑπεξελθόντων ἐσ Εὔβοιαν εἶχεν οὐδένα λόγον, Θησέα δέ, εἴ ποτε παρὰ Θεσπρωτῶν ἀνακομισθήσεται, δυσανταγώνιστον ἡγούμενοσ διὰ θεραπείασ τὰ τοῦ δήμου καθίστατο, ὡσ Θησέα ἀνασωθέντα ὕστερον ἀπωσθῆναι.

στέλλεται δὴ Θησεὺσ παρὰ Δευκαλίωνα ἐσ Κρήτην, ἐξενεχθέντα δὲ αὐτὸν ὑπὸ πνευμάτων ἐσ Σκῦρον τὴν νῆσον λαμπρῶσ περιεῖπον οἱ Σκύριοι κατὰ γένουσ δόξαν καὶ ἀξίωμα ὧν ἦν αὐτὸσ εἰργασμένοσ·

καί οἱ θάνατον Λυκομήδησ διὰ ταῦτα ἐβούλευσεν. ὁ μὲν δὴ Θησέωσ σηκὸσ Ἀθηναίοισ ἐγένετο ὕστερον ἢ Μῆδοι Μαραθῶνι ἔσχον, Κίμωνοσ τοῦ Μιλτιάδου Σκυρίουσ ποιήσαντοσ ἀναστάτουσ ‐ δίκην δὴ τοῦ Θησέωσ θανάτου ‐ καὶ τὰ ὀστᾶ κομίσαντοσ ἐσ Ἀθήνασ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 17

(파우사니아스, Description of Greece, Ἀττικά, chapter 17)

상위

목록

SEARCH

MENU NAVIGATION