헬라어 텍스트

Polybius, Histories, book 5, chapter 110

(폴리비오스, Histories, book 5, chapter 110)

Ἀπολλωνίασ. ἤδη δὲ συνεγγίζοντοσ αὐτοῦ τοῖσ περὶ τὸν Αᾦον ποταμὸν τόποισ, ὃσ ῥεῖ παρὰ τὴν τῶν Ἀπολλωνιατῶν πόλιν, ἐμπίπτει πανικὸν παραπλήσιον τοῖσ γινομένοισ ἐπὶ τῶν πεζικῶν στρατοπέδων. τούτουσ δ’ ἀπαγγέλλειν, ὅτι καταλείποιεν ἐν Ῥηγίῳ πεντήρεισ Ῥωμαϊκὰσ πλεούσασ ἐπ’ Ἀπολλωνίασ καὶ πρὸσ Σκερδιλαί̈δαν.

ὁ δὲ Φίλιπποσ, ὑπολαβὼν ὅσον οὔπω τὸν στόλον ἐπ’ αὐτὸν παρεῖναι, περίφοβοσ γενόμενοσ καὶ ταχέωσ ἀνασπάσασ τὰσ ἀγκύρασ αὖτισ εἰσ τοὐπίσω παρήγγειλε πλεῖν.

οὐδενὶ δὲ κόσμῳ ποιησάμενοσ τὴν ἀναζυγὴν καὶ τὸν ἀνάπλουν δευτεραῖοσ εἰσ Κεφαλληνίαν κατῆρε, συνεχῶσ ἡμέραν καὶ νύκτα τὸν πλοῦν ποιούμενοσ.

βραχὺ δέ τι θαρρήσασ ἐνταῦθα κατέμεινε, ποιῶν ἔμφασιν ὡσ ἐπί τινασ τῶν ἐν Πελοποννήσῳ πράξεων ἐπεστροφώσ.

συνέβη δὲ ψευδῶσ γενέσθαι τὸν ὅλον φόβον περὶ αὐτόν.

οἱ δὲ Ῥωμαῖοι δεκαναί̈αν ἀπὸ τοῦ περὶ τὸ Λιλύβαιον ἐξαπέστειλαν στόλου, ταύτην τὴν περὶ τὸ Ῥήγιον ὀφθεῖσαν·

ἣν Φίλιπποσ εἰ μὴ πτοηθεὶσ ἀλόγωσ ἔφυγε, τῶν περὶ τὴν Ἰλλυρίδα πράξεων μάλιστ’ ἂν τότε καθίκετο διὰ τὸ τοὺσ Ῥωμαίουσ πάσαισ ταῖσ ἐπινοίαισ καὶ παρασκευαῖσ περὶ τὸν Ἀννίβαν καὶ τὴν περὶ Κάνναν μάχην γίνεσθαι, τῶν τε πλοίων ἐκ τοῦ κατὰ λόγον ἐγκρατὴσ ἂν ἐγεγόνει.

νῦν δὲ διαταραχθεὶσ ὑπὸ τῆσ προσαγγελίασ ἀβλαβῆ μέν, οὐκ εὐσχήμονα δ’ ἐποιήσατο τὴν ἀναχώρησιν εἰσ Μακεδονίαν.