헬라어 문장 검색 - ΠολψβίΗιστορί05́104́

(폴리비오스, Histories, book 5, chapter 104)

βασιλέα καὶ τοὺσ παρόντασ συμμάχουσ. ὃσ ἔφη δεῖν μάλιστα μὲν μηδέποτε πολεμεῖν τοὺσ Ἕλληνασ ἀλλήλοισ, ἀλλὰ μεγάλην χάριν ἔχειν τοῖσ θεοῖσ, εἰ λέγοντεσ ἓν καὶ ταὐτὸ πάντεσ καὶ συμπλέκοντεσ τὰσ χεῖρασ, καθάπερ οἱ τοὺσ ποταμοὺσ διαβαίνοντεσ, δύναιντο τὰσ τῶν βαρβάρων ἐφόδουσ ἀποτριβόμενοι συσσῴζειν σφᾶσ αὐτοὺσ καὶ τὰσ πόλεισ. οὐ μὴν ἀλλ’ εἰ τὸ παράπαν τοῦτο μὴ δυνατόν, κατά γε τὸ παρὸν ἠξίου συμφρονεῖν καὶ φυλάττεσθαι, προϊδομένουσ τὸ βάροσ τῶν στρατοπέδων καὶ τὸ μέγεθοσ τοῦ συνεστῶτοσ πρὸσ ταῖσ δύσεσι πολέμου·

δῆλον γὰρ εἶναι παντὶ τῷ καὶ μετρίωσ περὶ τὰ κοινὰ σπουδάζοντι καὶ νῦν, ὡσ ἐάν τε Καρχηδόνιοι Ῥωμαίων ἐάν τε Ῥωμαῖοι Καρχηδονίων περιγένωνται τῷ πολέμῳ, διότι κατ’ οὐδένα τρόπον εἰκόσ ἐστι τοὺσ κρατήσαντασ ἐπὶ ταῖσ Ἰταλιωτῶν καὶ Σικελιωτῶν μεῖναι δυναστείαισ, ἥξειν δὲ καὶ διατείνειν τὰσ ἐπιβολὰσ καὶ δυνάμεισ αὑτῶν πέρα τοῦ δέοντοσ.

μάλιστα δὲ Φίλιππον.

εἶναι δὲ φυλακήν, ἐὰν ἀφέμενοσ τοῦ καταφθείρειν τοὺσ Ἕλληνασ καὶ ποιεῖν εὐχειρώτουσ τοῖσ ἐπιβαλλομένοισ κατὰ τοὐναντίον ὡσ ὑπὲρ ἰδίου σώματοσ βουλεύηται, καὶ καθόλου πάντων.

τῶν τῆσ Ἑλλάδοσ μερῶν ὡσ οἰκείων καὶ προσηκόντων αὑτῷ ποιῆται πρόνοιαν· τοῦτον γὰρ τὸν τρόπον χρωμένου τοῖσ πράγμασι τοὺσ μὲν Ἕλληνασ εὔνουσ ὑπάρχειν αὐτῷ καὶ βεβαίουσ συναγωνιστὰσ πρὸσ τὰσ ἐπιβολάσ, τοὺσ δ’ ἔξωθεν ἧττον ἐπιβουλεύσειν αὐτοῦ τῇ δυναστείᾳ, καταπεπληγμένουσ τὴν τῶν Ἑλλήνων πρὸσ αὐτὸν πίστιν.

εἰ δὲ πραγμάτων ὀρέγεται, πρὸσ τὰσ δύσεισ βλέπειν αὐτὸν ἠξίου καὶ τοῖσ ἐν Ἰταλίᾳ συνεστῶσι πολέμοισ προσέχειν τὸν νοῦν, ἵνα γενόμενοσ ἔφεδροσ ἔμφρων πειραθῇ σὺν καιρῷ τῆσ τῶν ὅλων ἀντιποιήσασθαι δυναστείασ.

εἶναι δὲ τὸν ἐνεστῶτα καιρὸν οὐκ ἀλλότριον τῆσ ἐλπίδοσ ταύτησ.

τὰσ δὲ πρὸσ τοὺσ Ἕλληνασ διαφορὰσ καὶ τοὺσ πολέμουσ εἰσ τὰσ ἀναπαύσεισ αὐτὸν ὑπερτίθεσθαι παρεκάλει, καὶ μάλιστα σπουδάζειν περὶ τούτου τοῦ μέρουσ, ἵν’ ἔχῃ τὴν ἐξουσίαν, ὅταν βούληται, καὶ διαλύεσθαι καὶ πολεμεῖν πρὸσ αὐτούσ·

ἡμῶν ἐπὶ τοσοῦτον ὥστε κἂν εὔξασθαι τοῖσ θεοῖσ ὑπάρχειν ἡμῖν τὴν ἐξουσίαν ταύτην, καὶ πολεμεῖν ὅταν βουλώμεθα καὶ διαλύεσθαι πρὸσ ἀλλήλουσ, καὶ καθόλου κυρίουσ εἶναι τῶν ἐν αὑτοῖσ ἀμφισβητουμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 5, chapter 104

(폴리비오스, Histories, book 5, chapter 104)

상위

목록

SEARCH

MENU NAVIGATION