헬라어 텍스트

Polybius, Histories, book 5, chapter 47

(폴리비오스, Histories, book 5, chapter 47)

τὸ δὲ λοιπὸν ἕλεσιν ἠσφαλίσθαι καὶ τέλμασιν. ὁ δὲ Μόλων συνεὶσ τὸ γεγονὸσ ἐξαπέστειλε τοὺσ ἱππεῖσ, ὡσ κωλύσων τοὺσ ἐπιδιαβαίνοντασ ῥᾳδίωσ καὶ συντρίψων τοὺσ ἤδη διαβεβηκότασ· οἳ καὶ συνεγγίσαντεσ τοῖσ περὶ τὸν Ξενοίταν διὰ τὴν ἄγνοιαν τῶν τόπων οὐ προσεδέοντο τῶν πολεμίων, αὐτοὶ δ’ ὑφ’ αὑτῶν βαπτιζόμενοι καὶ καταδύνοντεσ ἐν τοῖσ τέλμασιν ἄχρηστοι μὲν ἦσαν ἅπαντεσ, πολλοὶ δὲ καὶ διεφθάρησαν αὐτῶν.

ὁ δὲ Ξενοίτασ, πεπεισμένοσ, ἐὰν πλησιάσῃ, μεταβαλεῖσθαι τὰσ τοῦ Μόλωνοσ πρὸσ αὐτὸν δυνάμεισ, προελθὼν παρὰ τὸν ποταμὸν καὶ συνεγγίσασ παρεστρατοπέδευσε τοῖσ ὑπεναντίοισ.

κατὰ δὲ τὸν καιρὸν τοῦτον ὁ Μόλων, εἴτε καὶ στρατηγήματοσ χάριν εἴτε καὶ διαπιστήσασ ταῖσ δυνάμεσι, μή τι συμβῇ τῶν ὑπὸ τοῦ Ξενοίτου προσδοκωμένων, ἀπολιπὼν ἐν τῷ χάρακι τὴν ἀποσκευὴν ἀνέζευξε νυκτόσ, καὶ προῆγε σύντονον ποιούμενοσ τὴν πορείαν ὡσ ἐπὶ Μηδίασ.

ὁ δὲ Ξενοίτασ, ὑπολαβὼν πεφευγέναι τὸν Μόλωνα καταπεπληγμένον τὴν ἔφοδον αὐτοῦ καὶ διαπιστοῦντα ταῖσ ἰδίαισ αὑτοῦ δυνάμεσι, τὸ μὲν πρῶτον ἐπιστρατοπεδεύσασ κατελάβετο τὴν τῶν πολεμίων παρεμβολήν, καὶ διεπεραίου πρὸσ αὑτὸν τοὺσ ἰδίουσ ἱππεῖσ καὶ τὰσ τούτων ἀποσκευὰσ ἐκ τῆσ Ζεύξιδοσ παρεμβολῆσ·

μετὰ δὲ ταῦτα συναθροίσασ παρεκάλει τοὺσ πολλοὺσ θαρρεῖν καὶ καλὰσ ἐλπίδασ ἔχειν ὑπὲρ τῶν ὅλων, ὡσ πεφευγότοσ τοῦ Μόλωνοσ.