헬라어 문장 검색 - Πλυταρ́Δεμετρί48́

(플루타르코스, Demetrius, chapter 48)

ἐπεὶ δὲ Σέλευκοσ ταῦτα πάντα ὑποπτεύων ἐκέλευσεν αὐτόν, εἰ βούλεται, δύο μῆνασ ἐν τῇ Καταονίᾳ χειμάσαι, δόντα τοὺσ πρώτουσ τῶν φίλων ὁμήρουσ, ἅμα δὲ τὰσ εἰσ Συρίαν ἀπετείχιζεν ὑπερβολάσ, ἐγκλειόμενοσ, ὥσπερ θηρίον, ὁ Δημήτριοσ κύκλῳ καὶ περιβαλλόμενοσ, ὑπ’ ἀνάγκησ τρέπεται πρὸσ ἀλκήν, καὶ τήν τε χώραν κατέτρεχε καὶ τῷ Σελεύκῳ προσβάλλοντι συμπλεκόμενοσ ἀεὶ πλέον εἶχε. καί ποτε τῶν δρεπανηφόρων εἰσ αὐτὸν ἀφεθέντων ὑποστὰσ τροπὴν ἐποιήσατο, καὶ τῶν εἰσ Συρίαν ὑπερβολῶν τοὺσ ἀποτειχίζοντασ ἐξελάσασ ἐκράτησε.

καὶ ὅλωσ ἐπῆρτο τῇ γνώμῃ, καὶ τοὺσ στρατιώτασ ἀνατεθαρρηκότασ ὁρῶν παρεσκευάζετο διαγωνίσασθαι πρὸσ τὸν Σέλευκον ἐπὶ τοῖσ μεγίστοισ ἄθλοισ, ἠπορημένον ἤδη καὶ αὐτόν. ἀπέστρεψε μὲν γὰρ τὴν παρὰ Λυσιμάχου βοήθειαν ἀπιστῶν καὶ φοβούμενοσ, αὐτὸσ δὲ καθ’ ἑαυτὸν ὤκνει τῷ Δημητρίῳ συνάψαι, δεδιὼσ τὴν ἀπόνοιαν αὐτοῦ καὶ τὴν ἀεὶ μεταβολὴν ἐκ τῶν ἐσχάτων ἀποριῶν τὰσ μεγίστασ εὐτυχίασ ἐπιφέρουσαν.

νόσοσ μέντοι βαρεῖα τὸν Δημήτριον ἐν τούτῳ καταλαβοῦσα τό τε σῶμα δεινῶσ ἐκάκωσε καὶ τὰ πράγματα παντάπασι διέφθειρεν. οἱ μὲν γὰρ ἀπεχώρησαν πρὸσ τοὺσ πολεμίουσ, οἱ δὲ διερρύησαν αὐτοῦ τῶν στρατιωτῶν. μόλισ δὲ ἐν ἡμέραισ τεσσαράκοντα ῥαΐσασ καὶ τοὺσ ὑπολοίπουσ ἀναλαβών, καὶ ὁρμήσασ, ὅσον ἰδεῖν καὶ δοξάσαι τοὺσ πολεμίουσ, ἐπὶ Κιλικίασ, εἶτα νυκτὸσ ἄνευ σάλπιγγοσ ἄρασ ἐπὶ θάτερα καὶ τὸν Ἀμανὸν ὑπερβαλὼν ἐπόρθει τὴν κάτω χώραν ἄχρι τῆσ Κυρρηστικῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 48

(플루타르코스, Demetrius, chapter 48)

상위

목록

SEARCH

MENU NAVIGATION