헬라어 문장 검색 - Πλυταρ́Δεμετρί46́

(플루타르코스, Demetrius, chapter 46)

ἐπεὶ δὲ ἅπαξ ὥσπερ εἰσ ὁδὸν βασιλικὴν τὴν ἐλπίδα κατέστη καὶ συνίστατο πάλιν σῶμα καὶ σχῆμα περὶ αὑτὸν ἀρχῆσ, Θηβαίοισ μὲν ἀπέδωκε τὴν πολιτείαν, Ἀθηναῖοι δὲ ἀπέστησαν αὐτοῦ. καὶ τόν τε Δίφιλον, ὃσ ἦν ἱερεὺσ τῶν Σωτήρων ἀναγεγραμμένοσ, ἐκ τῶν ἐπωνύμων ἀνεῖλον, ἄρχοντασ αἱρεῖσθαι πάλιν, ὥσπερ ἦν πάτριον, ψηφισάμενοι, τόν τε Πύρρον ἐκ Μακεδονίασ μετεπεμποντο, μᾶλλον ἢ προσεδόκησαν ἰσχύοντα τὸν Δημήτριον ὁρῶντεσ. ὁ δὲ ὀργῇ μὲν ἐπῆλθεν αὐτοῖσ καὶ πολιορκίαν περὶ τὸ ἄστυ συνεστήσατο καρτεράν, Κράτητοσ δὲ τοῦ φιλοσόφου πεμφθέντοσ ὑπὸ τοῦ δήμου πρὸσ αὐτόν, ἀνδρὸσ ἐνδόξου καὶ δυνατοῦ, τὰ μὲν οἷσ ὑπὲρ τῶν Ἀθηναίων ἐδεῖτο πεισθείσ, τὰ δὲ ἐξ ὧν ἐδίδασκε περὶ τῶν ἐκείνῳ συμφερόντων νοήσασ ἔλυσε τὴν πολιορκίαν, καὶ συναγαγὼν ὅσαι νῆεσ ἦσαν αὐτῷ, καὶ στρατιώτασ μυρίουσ καὶ χιλίουσ σὺν ἱππεῦσιν ἐμβιβάσασ, ἐπὶ τὴν Ἀσίαν ἔπλει, Λυσιμάχου Καρίαν καὶ Λυδίαν ἀποστήσων.

δέχεται δὲ αὐτὸν Εὐρυδίκη περὶ Μίλητον, ἀδελφὴ Φίλασ, ἄγουσα τῶν αὐτῆσ καὶ Πτολεμαίου θυγατέρων Πτολεμαΐδα καθωμολογημένην ἐκείνῳ πρότερον διὰ Σελεύκου.

ταύτην γαμεῖ Δημήτριοσ Εὐρυδίκησ ἐκδιδούσησ. καὶ μετὰ τὸν γάμον εὐθὺσ ἐπὶ τὰσ πόλεισ τρέπεται, πολλῶν μὲν ἑκουσίωσ προστιθεμένων, πολλὰσ δὲ καὶ βιαζόμενοσ. ἔλαβε δὲ καὶ Σάρδεισ·

καί τινεσ τῶν Λυσιμάχου στρατηγῶν ἀπεχώρησαν πρὸσ αὐτὸν χρήματα καὶ στρατιὰν κομίζοντεσ. ἐπερχομένου δὲ Ἀγαθοκλέουσ τοῦ Λυσιμάχου μετὰ δυνάμεωσ ἀνέβαινεν εἰσ Φρυγίαν, ἐγνωκώσ, ἄνπερ Ἀρμενίασ ἐπιλάβηται, Μηδίαν κινεῖν καὶ τῶν ἄνω πραγμάτων ἔχεσθαι, πολλὰσ ἐξωθουμένῳ περιφυγὰσ καὶ ἀναχωρήσεισ ἐχόντων. ἑπομένου δὲ Ἀγαθοκλέουσ ἐν ταῖσ συμπλοκαῖσ περιῆν, ἐπισιτισμοῦ δὲ καὶ προνομῶν εἰργόμενοσ ἠπορεῖτο, καὶ τοῖσ στρατιώταισ δἰ ὑποψίασ ἦν ὡσ ἐπ’ Ἀρμενίαν καὶ Μηδίαν ἐκτοπίζων.

ἅμα δὲ μᾶλλον ὁ λιμὸσ ἐπέτεινε, καὶ διαμαρτία τισ γενομένη περὶ τὴν τοῦ Λύκου διάβασιν πλῆθοσ ἀνθρώπων ἁρπασθὲν ὑπὸ τοῦ ῥεύματοσ ἀπώλεσεν. ὅμωσ δὲ τοῦ σκώπτειν οὐκ ἀπείχοντο· προγράφει δέ τισ αὐτοῦ πρὸ τῆσ σκηνῆσ τὴν τοῦ Οἰδίποδοσ ἀρχὴν μικρὸν παραλλάξασ· τέκνον τυφλοῦ γέροντοσ Ἀντιγόνου· τίνασ χώρουσ ἀφίγμεθα;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 46

(플루타르코스, Demetrius, chapter 46)

상위

목록

SEARCH

MENU NAVIGATION