헬라어 문장 검색 - Πλυταρ́Δεμετρί44́

(플루타르코스, Demetrius, chapter 44)

αἰρομένησ οὖν τοσαύτησ δυνάμεωσ ἐπὶ τὴν Ἀσίαν ὅσην μετ’ Ἀλέξανδρον οὐδεὶσ ἔσχε πρότερον, οἱ τρεῖσ συνέστησαν ἐπὶ τὸν Δημήτριον, Σέλευκοσ, Πτολεμαῖοσ, Λυσίμαχοσ· ἔπειτα κοινῇ πρὸσ Πύρρον ἀποστείλαντεσ ἐκέλευον ἐξάπτεσθαι Μακεδονίασ καὶ μὴ νομίζειν σπονδὰσ αἷσ Δημήτριοσ οὐκ ἐκείνῳ τὸ μὴ πολεμεῖσθαι δέδωκεν, ἀλλ’ εἴληφεν ἑαυτῷ τὸ πολεμεῖν οἷσ βούλεται πρότερον. δεξαμένου δὲ Πύρρου πολὺσ περιέστη πόλεμοσ ἔτι μέλλοντα Δημήτριον.

ἅμα γὰρ τὴν μὲν Ἑλλάδα πλεύσασ στόλῳ μεγάλῳ Πτολεμαῖοσ ἀφίστη, Μακεδονίαν δὲ Λυσίμαχοσ ἐκ Θρᾴκησ, ἐκ δὲ τῆσ ὁμόρου Πύρροσ ἐμβαλόντεσ ἐλεηλάτουν. ὁ δὲ τὸν μὲν υἱὸν ἐπὶ τῆσ Ἑλλάδοσ κατέλιπεν, αὐτὸσ δὲ βοηθῶν Μακεδονίᾳ πρῶτον ὡρ́μησεν ἐπὶ Λυσίμαχον. ἀγγέλλεται δὲ αὐτῷ Πύρροσ ᾑρηκὼσ πόλιν Βέροιαν. καὶ τοῦ λόγου ταχέωσ εἰσ τοὺσ Μακεδόνασ ἐμπεσόντοσ οὐδὲν ἔτι τῷ Δημητρίῳ κατὰ κόσμον εἶχεν, ἀλλὰ καὶ ὀδυρμῶν καὶ δακρύων καὶ πρὸσ ἐκεῖνον ὀργῆσ καὶ βλασφημιῶν μεστὸν ἦν τὸ στρατόπεδον, καὶ συμμένειν οὐκ ἤθελον, ἀλλ’ ἀπιέναι, τῷ μὲν λόγῳ πρὸσ τὰ οἴκοι, τῇ δὲ ἀληθείᾳ πρὸσ τὸν Λυσίμαχον.

ἔδοξεν οὖν τῷ Δημητρίῳ Λυσιμάχου μὲν ἀποστῆναι πορρωτάτω, πρὸσ δὲ Πύρρον τρέπεσθαι·

τὸν μὲν γὰρ ὁμόφυλον εἶναι καὶ πολλοῖσ συνήθη δἰ Ἀλέξανδρον, ἔπηλυν δὲ καὶ ξένον ἄνδρα τὸν Πύρρον οὐκ ἂν αὑτοῦ προτιμῆσαι Μακεδόνασ. τούτων μέντοι πολὺ διεψεύσθη τῶν λογισμῶν. ὡσ γὰρ ἐγγὺσ ἐλθὼν τῷ Πύρρῳ παρεστρατοπέδευσεν, ἀεὶ μὲν αὐτοῦ τὴν ἐν τοῖσ ὅπλοισ λαμπρότητα θαυμάζοντεσ, ἔκ τε τοῦ παλαιοτάτου καὶ βασιλικώτατον εἰθισμένοι νομίζειν τὸν ἐν τοῖσ ὅπλοισ κράτιστον, τότε δὲ καὶ πρᾴωσ κεχρῆσθαι τοῖσ ἁλισκομένοισ πυνθανόμενοι, πάντωσ δὲ καὶ πρὸσ ἕτερον καὶ πρὸσ τοῦτον ἀπαλλαγῆναι τοῦ Δημητρίου ζητοῦντεσ, ἀπεχώρουν λάθρα καὶ κατ’ ὀλίγουσ τό γε πρῶτον, εἶτα φανερῶσ ἅπαν εἶχε κίνησιν καὶ ταραχὴν τὸ στρατόπεδον, τέλοσ δὲ τῷ Δημητρίῳ τολμήσαντέσ τινεσ προσελθεῖν ἐκέλευον ἀπιέναι καὶ σώζειν αὑτόν·

ἀπειρηκέναι γὰρ ἤδη Μακεδόνασ ὑπὲρ τῆσ ἐκείνου τρυφῆσ πολεμοῦντασ.

οὗτοι μετριώτατοι τῶν λόγων ἐφαίνοντο τῷ Δημητρίῳ πρὸσ τὴν τῶν ἄλλων τραχύτητα· καὶ παρελθὼν ἐπὶ σκηνήν, ὥσπερ οὐ βασιλεύσ, ἀλλ’ ὑποκριτήσ, μεταμφιέννυται χλαμύδα φαιὰν ἀντὶ τῆσ τραγικῆσ ἐκείνησ, καὶ διαλαθὼν ὑπεχώρησεν. ὁρμησάντων δὲ τῶν πλείστων εὐθὺσ ἐφ’ ἁρπαγὴν καὶ πρὸσ ἀλλήλουσ διαμαχομένων καὶ τὴν σκηνὴν διασπώντων, ἐπιφανεὶσ ὁ Πύρροσ ἐκράτησεν αὐτοβοεὶ καὶ κατέσχε τὸ στρατόπεδον.

καὶ γίνεται πρὸσ Λυσίμαχον αὐτῷ συμπάσησ Μακεδονίασ νέμησισ, ἑπταετίαν ὑπὸ Δημητρίου βεβαίωσ ἀρχθείσησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 44

(플루타르코스, Demetrius, chapter 44)

상위

목록

SEARCH

MENU NAVIGATION