헬라어 문장 검색 - Πλυταρ́Δεμετρί31́

(플루타르코스, Demetrius, chapter 31)

ὁ γοῦν Δημήτριοσ τότε δεινὰ μὲν ἡγούμενοσ πάσχειν, ἀδύνατοσ δὲ ὢν ἀμύνασθαι, προσέπεμψε τοῖσ Ἀθηναίοισ ἐγκαλῶν μετρίωσ, ἀξιῶν δὲ τὰσ ναῦσ ἀπολαβεῖν, ἐν αἷσ ἦν καὶ ἡ τρισκαιδεκήρησ. κομισάμενοσ δὲ παρέπλευσεν εἰσ Ἰσθμόν, καὶ τῶν πραγμάτων αὐτῷ κακῶσ ἐχόντων ἑ̓ξέπιπτον γὰρ ἑκασταχόθεν αἱ φρουραὶ καὶ μεθίστατο πάντα πρὸσ τοὺσ πολεμίουσ’ ἀπολιπὼν ἐπὶ τῆσ Ἑλλάδοσ Πύρρον αὐτὸσ ἄρασ ἐπὶ τὴν Χερρόνησον ἔπλευσε· καὶ κακῶσ ἅμα ποιῶν Λυσίμαχον ὠφέλει καὶ συνεῖχε τὴν περὶ αὑτὸν δύναμιν, ἀρχομένην ἀναλαμβάνειν καὶ γίνεσθαι πάλιν οὐκ εὐκαταφρόνητον.

ὁ δὲ Λυσίμαχοσ ὑπὸ τῶν ἄλλων βασιλέων ἠμελεῖτο, μηδὲν ἐπιεικέστεροσ ἐκείνου δοκῶν εἶναι, τῷ δὲ μᾶλλον ἰσχύειν καὶ φοβερώτεροσ. οὐ πολλῷ δὲ ὕστερον Σέλευκοσ ἐμνᾶτο πέμπων τὴν Δημητρίου καὶ Φίλασ θυγατέρα Στρατονίκην, ἔχων μὲν ἐξ Ἀπάμασ τῆσ Περσίδοσ υἱὸν Ἀντίοχον, οἰόμενοσ δὲ τὰ πράγματα καὶ διαδόχοισ ἀρκεῖν πλείοσι, καὶ δεῖσθαι τῆσ πρὸσ ἐκεῖνον οἰκειότητοσ, ἐπεὶ καὶ Λυσίμαχον ἑώρα τῶν Πτολεμαίου θυγατέρων τὴν μὲν ἑαυτῷ, τὴν δὲ Ἀγαθοκλεῖ τῷ υἱῷ λαμβάνοντα.

Δημητρίῳ δ’ ἦν ἀνέλπιστοσ εὐτυχία κηδεῦσαι Σελεύκω.

καὶ τὴν κόρην ἀναλαβὼν ἔπλει ταῖσ ναυσὶ πάσαισ εἰσ Συρίαν, τῇ τε ἄλλῃ γῇ προσέχων ἀναγκαίωσ καὶ τῆσ Κιλικίασ ἁπτόμενοσ, ἣν Πλείσταρχοσ εἶχε μετὰ τὴν πρὸσ Ἀντίγονον μάχην ἐξαίρετον αὐτῷ δοθεῖσαν ὑπὸ τῶν βασιλέων· ἦν δὲ Κασάνδρου Πλείσταρχοσ ἀδελφόσ. ἀδικεῖσθαι δὲ τὴν χώραν αὑτοῦ νομίζων ὑπὸ Δημητρίου κατὰ τὰσ ἀποβάσεισ, καὶ μέμψασθαι βουλόμενοσ τὸν Σέλευκον ὅτι τῷ κοινῷ διαλλάττεται πολεμίῳ δίχα τῶν ἄλλων βασιλέων, ἀνέβη πρὸσ αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 31

(플루타르코스, Demetrius, chapter 31)

상위

목록

SEARCH

MENU NAVIGATION