헬라어 문장 검색 - Πλυταρ́Δεμετρί30́

(플루타르코스, Demetrius, chapter 30)

οὕτω δὲ κριθείσησ τῆσ μάχησ, οἱ μὲν νενικηκότεσ βασιλεῖσ τὴν ὑπ’ Ἀντιγόνῳ καὶ Δημητρίῳ πᾶσαν ἀρχὴν ὥσπερ μέγα σῶμα κατακόπτοντεσ ἐλάμβανον μερίδασ, καὶ προσδιενείμαντο τὰσ ἐκείνων ἐπαρχίασ αἷσ εἶχον αὐτοὶ πρότερον. Δημήτριοσ δὲ μετὰ πεντακισχιλίων πεζῶν καὶ τετρακισχιλίων ἱππέων φεύγων καὶ συντόνωσ ἐλάσασ εἰσ Ἔφεσον, οἰομένων ἁπάντων ἀποροῦντα χρημάτων αὐτὸν οὐκ ἀφέξεσθαι τοῦ ἱεροῦ, φοβηθεὶσ τοὺσ στρατιώτασ μὴ τοῦτο ποιήσωσιν, ἀνέστη διὰ ταχέων, καὶ τὸν πλοῦν ἐπὶ τῆσ Ἑλλάδοσ ἐποιεῖτο, τῶν λοιπῶν ἐλπίδων ἐν Ἀθηναίοισ ἔχων τὰσ μεγίστασ. καὶ γὰρ καὶ ναῦσ ἐκεῖ καὶ χρήματα καὶ γυναῖκα Δηϊδάμειαν ἐτύγχανε καταλελοιπώσ, καὶ βεβαιοτέραν οὐκ ἐνόμιζε καταφυγὴν εἶναι τοῖσ πράγμασι τῆσ Ἀθηναίων εὐνοίασ.

ὅθεν ἐπεὶ γενομένῳ περὶ τὰσ Κυκλάδασ αὐτῷ πρέσβεισ Ἀθηναίων ἀπήντησαν ἀπέχεσθαι τῆσ πόλεωσ παρακαλοῦντεσ, ὡσ ἐψηφισμένου τοῦ δήμου μηδένα δέχεσθαι τῇ πόλει τῶν βασιλέων, τὴν δὲ Δηϊδάμειαν εἰσ Μέγαρα ἐξέπεμψαν μετὰ τιμῆσ καὶ πομπῆσ πρεπούσησ, τοῦ καθεστηκότοσ ἐξέστη δἰ ὀργὴν αὐτοῦ, καίπερ ἐνηνοχὼσ ῥᾷστα τὴν ἄλλην ἀτυχίαν καὶ γεγονὼσ ἐν τοιαύτῃ μεταβολῇ πραγμάτων οὐ ταπεινὸσ οὐδ’ ἀγεννήσ.

ἀλλὰ τὸ παρ’ ἐλπίδα διεψεῦσθαι τῶν Ἀθηναίων καὶ τὴν δοκοῦσαν εὔνοιαν ἐξεληλέγχθαι τοῖσ πράγμασι κενὴν καὶ πεπλασμένην οὖσαν ὀδυνηρὸν ἦν αὐτῷ.

τὸ γὰρ φαυλότατον, ὡσ ἐοίκεν, εὐνοίασ ὄχλων βασιλεῦσι καὶ δυνάσταισ τεκμήριόν ἐστιν ὑπερβολὴ τιμῶν, ἧσ ἐν τῇ προαιρέσει τῶν ἀποδιδόντων ἐχούσησ τὸ καλὸν ἀφαιρεῖ τὴν πίστιν ὁ φόβοσ· τὰ γὰρ αὐτὰ καὶ δεδιότεσ ψηφίζονται καὶ φιλοῦντεσ. διόπερ οἱ νοῦν ἔχοντεσ οὐκ εἰσ ἀνδριάντασ οὐδὲ γραφὰσ οὐδὲ ἀποθεώσεισ, ἀλλὰ μᾶλλον εἰσ τὰ ἔργα καὶ τὰσ πράξεισ τὰσ ἑαυτῶν ἀποβλέποντεσ ἢ πιστεύουσιν, ὡσ τιμαῖσ, ἢ ἀπιστοῦσιν, ὡσ ἀνάγκαισ·

ὡσ οἵ γε δῆμοι πολλάκισ ἐν αὐταῖσ μάλιστα ταῖσ τιμαῖσ μισοῦσι τοὺσ ἀμέτρωσ καὶ ὑπερόγκωσ καὶ παρ’ ἀκόντων λαμβάνοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 30

(플루타르코스, Demetrius, chapter 30)

상위

목록

SEARCH

MENU NAVIGATION