헬라어 문장 검색 - Πλυταρ́Δεμετρί01́

(플루타르코스, Demetrius, chapter 1)

οἱ πρῶτοι τὰσ τέχνασ ἐοικέναι ταῖσ αἰσθήσεσιν ὑπολαβόντεσ οὐχ ἥκιστά μοι δοκοῦσι τὴν περὶ τὰσ κρίσεισ αὐτῶν κατανοῆσαι δύναμιν, ᾗ τῶν ἐναντίων ὁμοίωσ ἐν ἑκατέρῳ γένει πεφύκαμεν ἀντιλαμβάνεσθαι. τοῦτο γὰρ αὐταῖσ κοινόν ἐστι· τῇ δὲ πρὸσ τὰ τέλη τῶν κρινομένων ἀναφορᾷ διαλλάττουσιν. ἡ μὲν γὰρ αἴσθησισ οὐδέν τι μᾶλλον ἐπὶ λευκῶν ἢ μελάνων διαγνώσει γέγονεν, οὐδὲ γλυκέων ἢ πικρῶν, οὐδὲ μαλακῶν καὶ εἰκόντων ἢ σκληρῶν καὶ ἀντιτύπων, ἀλλ’ ἔργον αὐτῆσ ἑκάστοισ ἐντυγχάνουσαν ὑπὸ πάντων τε κινεῖσθαι καὶ κινουμένην πρὸσ τὸ φρονοῦν ἀναφέρειν ὡσ πέπονθεν.

αἱ δὲ τέχναι μετὰ λόγου συνεστῶσαι πρὸσ αἱρ́εσιν καὶ λῆψιν οἰκείου τινόσ, φυγὴν δὲ καὶ διάκρουσιν ἀλλοτρίου, τὰ μὲν ἀφ’ αὑτῶν προηγουμένωσ, τὰ δὲ ὑπὲρ τοῦ φυλάξασθαι κατὰ συμβεβηκὸσ ἐπιθεωροῦσι· καὶ γὰρ ἰατρικῇ τὸ νοσερὸν καὶ ἁρμονικῇ τὸ ἐκμελέσ, ὅπωσ ἔχει, σκοπεῖν συμβέβηκε πρὸσ τὴν τῶν ἐναντίων ἀπεργασίαν, αἵ τε πασῶν τελειόταται τεχνῶν, σωφροσύνη καὶ δικαιοσύνη καὶ φρόνησισ, οὐ καλῶν μόνον καὶ δικαίων καὶ ὠφελίμων, ἀλλὰ καὶ βλαβερῶν καὶ αἰσχρῶν καὶ ἀδίκων κρίσεισ οὖσαι, τὴν ἀπειρίᾳ τῶν κακῶν καλλωπιζομένην ἀκακίαν οὐκ ἐπαινοῦσιν, ἀλλ’ ἀβελτερίαν ἡγοῦνται καὶ ἄγνοιαν ὧν μάλιστα γινώσκειν προσήκει τοὺσ ὀρθῶσ βιωσομένουσ.

οἱ μὲν οὖν παλαιοὶ Σπαρτιᾶται τοὺσ εἵλωτασ ἐν ταῖσ ἑορταῖσ πολὺν ἀναγκάζοντεσ πίνειν ἄκρατον εἰσῆγον εἰσ τὰ συμπόσια, τοῖσ νέοισ οἱο͂́ν ἐστι τὸ μεθύειν ἐπιδεικνύντεσ·

ὁ δ’ Ἀντιγενίδασ καὶ ἥδιον ᾤετο τῶν ἀγαθῶν ἀκροᾶσθαι τοὺσ νέουσ αὐλητῶν ἐὰν καὶ τῶν φαύλων πεῖραν λαμβάνωσιν, οὕτω μοι δοκοῦμεν καὶ ἡμεῖσ προθυμότεροι τῶν βελτιόνων ἔσεσθαι καὶ θεαταὶ καὶ μιμηταὶ βίων εἰ μηδὲ τῶν φαύλων καὶ ψεγομένων ἀνιστορήτωσ ἔχοιμεν.

Περιέξει δὴ τοῦτο τὸ βιβλίον τὸν Δημητρίου τοῦ Πολιορκητοῦ βίον καὶ Ἀντωνίου τοῦ αὐτοκράτοροσ, ἀνδρῶν μάλιστα δὴ τῷ Πλάτωνι μαρτυρησάντων ὅτι καὶ κακίασ μεγάλασ, ὥσπερ ἀρετάσ, αἱ μεγάλαι φύσεισ ἐκφέρουσι.

γενόμενοι δ’ ὁμοίωσ ἐρωτικοί, ποτικοί, στρατιωτικοί, μεγαλόδωροι, πολυτελεῖσ, ὑβρισταί, καὶ τὰσ κατὰ τύχην ὁμοιότητασ ἀκολούθουσ ἔσχον. οὐ γὰρ μόνον ἐν τῷ λοιπῷ βίῳ μεγάλα μὲν κατορθοῦντεσ, μεγάλα δὲ σφαλλόμενοι, πλείστων δὲ ἐπικρατοῦντεσ, πλεῖστα δὲ ἀποβάλλοντεσ, ἀπροσδοκήτωσ δὲ πταίοντεσ, ἀνελπίστωσ δὲ πάλιν ἀναφέροντεσ διετέλεσαν, ἀλλὰ καὶ κατέστρεψαν, ὁ μὲν ἁλοὺσ ὑπὸ τῶν πολεμίων, ὁ δὲ ἔγγιστα τοῦ παθεῖν τοῦτο γενόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 1

(플루타르코스, Demetrius, chapter 1)

상위

목록

SEARCH

MENU NAVIGATION