헬라어 문장 검색 - Πλυταρ́Βρυτυσ́42́

(플루타르코스, Brutus, chapter 42)

οἱ δὲ μὴ κυκλωσάμενοι τοὺσ Καίσαροσ, ἀλλὰ συμπεσόντεσ, ῥᾳδίωσ μὲν ἀπἐτρέψαντο τεταραγμένουσ, καὶ διέφθειραν ἐν χερσὶν τρία τάγματα, καὶ συνεισέπεσον εἰσ τὸ στρατόπεδον τοῖσ φεύγουσιν ὑπὸ ῥύμησ τοῦ κρατεῖν συνενεχθέντεσ, μεθ’ ἑαυτῶν ἔχοντεσ τὸν Βροῦτον ὃ δ’ οὐ συνεῖδον οἱ νικῶντεσ ἐδείκνυε τοῖσ ἡττημένοισ ὁ καιρόσ. εἰσ γὰρ τὰ γυμνὰ καὶ παραρρηγνύμενα τῆσ ἐναντίασ φάλαγγοσ, ᾗ τὸ δεξιὸν ἀπεσπάσθη πρὸσ τὴν δίωξιν, ὠσάμενοι τὸ μὲν μέσον οὐκ ἐξέωσαν, ἀλλ’ ἀγῶνι μεγάλῳ συνείχοντο, τὸ δ’ εὐώνυμον ἀταξίᾳ καὶ ἀγνοίᾳ τῶν γενομένων ἐτρέψαντο καὶ καταδιώξαντεσ εἰσ τὸν χάρακα διεπόρθουν οὐδετέρου τῶν αὐτοκρατόρων παρόντοσ.

Ἀντώνιόσ τε γὰρ, ὥσ φασιν, ἐκκλίνασ ἐν ἀρχῇ τὴν ἔφοδον εἰσ τὸ ἕλοσ ἀνεχώρησε, καὶ Καῖσαρ οὐδαμοῦ φανερὸσ ἦν ἐκπεσὼν τοῦ χάρακοσ, ἀλλὰ Βρούτῳ τινὲσ ὡσ ἀνῃρηκότεσ αὐτὸν ἐπεδείκνυον ᾑμαγμένα τὰ ξίφη, φράζοντεσ ἰδέαν ἣν εἶχε καὶ ἡλικίαν.

ἤδη δὲ τὸ μέσον ἐξεώκει φόνῳ πολλῷ τοὺσ ἀντιτεταγμένουσ, καὶ παντελῶσ ἐδόκει κρατεῖν ὁ Βροῦτοσ, ὥσπερ ὁ Κάσσιοσ κρατεῖσθαι. καὶ τοῦτο μόνον αὐτῶν διέφθειρε τὰ πράγματα, τοῦ μὲν ὡσ νικῶντι Κασσίῳ μὴ βοηθήσαντοσ, τοῦ δὲ Βροῦτον ὡσ ἀπολωλότα μὴ περιμείναντοσ·

ἐπεὶ τῆσ γε νίκησ ὁρ́ον ὃ Μεσσάλασ τίθεται τὸ τρεῖσ ἀετοὺσ καὶ πολλὰ σημεῖα λαβεῖν τῶν πολεμίων, ἐκείνουσ δὲ μηδέν. ἀναχωρῶν δ’ ὁ Βροῦτοσ ἤδη διαπεπορθημένων τῶν Καίσαροσ ἐθαύμασε τὸ Κασσίου στρατήγιον οὐχ ὁρῶν ὑψηλὸν, ὥσπερ εἰώθει, περιφαινόμενον, οὐδὲ τἆλλα κατὰ χώραν· ἐρήριπτο γὰρ εὐθὺσ τὰ πλεῖστα καὶ κατέσπαστο τῶν πολεμίων ἐμπεσόντων. ἀλλ’ οἱ δοκοῦντεσ ὀξύτερον βλέπειν τῶν ἑταίρων ἔφραζον αὐτῷ πολλὰ μὲν ὁρᾶν κράνη λάμποντα, πολλοὺσ δὲ ἀργυροῦσ θυρεοὺσ ἐν τῷ χάρακι τοῦ Κασσίου διαφερομένουσ·

οὔκουν δοκεῖν αὐτοῖσ οὔτ’ ἀριθμὸν οὔθ’ ὁπλισμὸν εἶναι τῶν ἀπολελειμμένων φυλάκων οὐ μὴν οὐδὲ πλῆθοσ ἐπέκεινα φαίνεσθαι νεκρῶν ὅσον εἰκὸσ ἦν νενικημένων κατὰ κράτοσ ταγμάτων τοσούτων, ταῦτα πρῶτον ἔννοιαν καρέστησε τῷ Βρούτῳ τοῦ συμπτώματοσ· καὶ καταλιπὼν φρουρὰν ἐν τῷ στρατοπέδῳ τῶν πολεμίων ἀνεκαλεῖτο τοὺσ διώκοντασ καὶ συνῆγεν ὡσ Κασσίῳ βοηθήσων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 42

(플루타르코스, Brutus, chapter 42)

상위

목록

SEARCH

MENU NAVIGATION