헬라어 문장 검색 - Πλυταρ́Βρυτυσ́40́

(플루타르코스, Brutus, chapter 40)

καὶ Βροῦτοσ μὲν ἐν ἐλπίσι καλαῖσ καὶ λογισμοῖσ φιλοσόφοισ γενόμενοσ παρὰ τὸ δεῖπνον ἀνεπαύετο· Κάσσιον δὲ Μεσσάλασ φησὶ δειπνεῖν τε καθ’ ἑαυτόν ὀλίγουσ τῶν συνήθων παραλαβόντα, καὶ σύννουν ὁρᾶσθαι καὶ σιωπηλόν, οὐ φύσει τοιοῦτον ὄντα· παυσαμένου δὲ τοῦ δείπνου λαβόμενον τῆσ χειρὸσ αὐτοῦ σφόδρα τοσοῦτον εἰπεῖν, ὥσπερ εἰώθει φιλοφρονούμενοσ, Ἑλληνικῇ φωνῇ· "μαρτύρομαί σε, Μεσσάλα, ταὐτὰ Πομπηϊῴ Μάγνῳ πάσχειν, ἀναγκαζόμενοσ διὰ μιᾶσ μάχησ ἀναρρῖψαι τὸν περὶ τῆσ πατρίδοσ κύβον.

"ἀγαθὴν μέντοι ψυχὴν ἔχωμεν εἰσ τὴν Τύχην ἀφορῶντεσ, κἂν βουλευσώμεθα κακῶσ, ἀπιστεῖν οὐ δίκαιον. ταῦτα εἰπόντα φησὶν ό Μεσσάλασ τελευταῖα πρὸσ αὐτὸν ἀσπάσασθαι τὸν Κάσσιον εἶναι δὲ κεκλημένοσ εἰσ τὴν ὑστεραίαν ἐπὶ δεῖπνον ὑπ’ αὐτοῦ γενέθλιον οὖσαν. ἅμα δ’ ἡμέρᾳ προὔκειτο μὲν τῷ Βρούτου χάρακι καὶ τῷ Κασσίου σύμβολον ἀγῶνοσ φοινικοῦσ χιτών, αὐτοὶ δὲ συνῆλθον εἰσ τὸ μέσον τῶν στρατοπέδων καὶ λέγει Κάσσιοσ·

"εἰή μὲν, ὦ Βροῦτε, νικᾶν καὶ συνεῖναι τὸν πάντα χρόνον ἀλλήλοισ εὖ πράξαντασ· "ἐπεὶ δὲ τὰ μέγιστα τῶν ἀνθρωπίνων ἀδηλότατα, καὶ τῆσ μάχησ παρὰ γνώμην κριθείσησ οὐ ῥᾴδιον αὖθισ ἀλλήλουσ ἰδεῖν, τί γινώσκεισ περὶ φυγῆσ καὶ τελευτῆσ; καὶ ὁ Βροῦτοσ ἀπεκρίνατο·

"νέοσ ὢν ἐγὼ, Κάσσιε, καὶ πραγμάτων ἄπειροσ, οὐκ οἶδ’ ὅπωσ ἐν φιλοσοφίᾳ λόγον ἀφῆκα μέγαν. "ᾐτιασάμην Κάτωνα διαχρησάμενον ἑαυτόν, ὡσ οὐχ ὅσιον οὐδ’ ἀνδρὸσ ἔργον ὑποχωρεῖν τῷ δαίμονι καὶ μὴ δέχεσθαι τὸ συμπῖπτον ἀδεῶσ, ἀλλ’ ἀποδιδράσκειν· "νυνὶ δ’ ἀλλοῖοσ ἐν ταῖσ τύχαισ γίνομαι· "καὶ θεοῦ καλῶσ τὰ παρόντα μὴ βραβεύσαντοσ οὐ δέομαι πάλιν ἄλλασ ἐλπίδασ ἐξελέγχειν καὶ παρασκευάσ, ἀλλ’ ἀπαλλάξομαι τὴν Τύχην ἐπαινῶν· "Μαρτίαισ εἰδοῖσ δοὺσ τῇ πατρίδι τὸν ἐμαυτοῦ βίον ἄλλον ἔζησα δι’ ἐκείνην ἐλεύθερον καὶ ἔνδοξον. "φρονοῦντεσ ἰώμεν ἐπὶ τοὺσ πολεμίουσ, ἢ γὰρ νικήσομεν ἢ νικῶντασ οὐ φοβηθησόμεθα.

μετὰ ταῦτα περὶ τάξεωσ αὐτοῖσ λόγοσ ἐγένετο τῶν φίλων παρόντων, καὶ Βροῦτοσ ᾐτεῖτο Κάσσιον αὐτὸσ ἡγεῖσθαι τοῦ δεξιοῦ κέρατοσ, ὃ δι’ ἐμπειρίαν καὶ ἡλικίαν μᾶλλον ᾤοντο Κασσίῳ προσήκειν.

οὐ μὴν ἀλλὰ καὶ τοῦτο Κάσσιοσ ἔδωκε, καὶ τῶν ταγμάτων τὸ μαχιμώτατον ἔχοντα Μεσσάλαν ἐκέλευσεν ἐπὶ τοῦ δεξιοῦ καταστῆναι. καὶ Βροῦτοσ εὐθὺσ ἐξῆγε τοὺσ ἱππεῖσ κεκοσμημένουσ διαπρεπῶσ, καὶ τὸ πεζὸν οὐ σχολαίτερον παρενέβαλλεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 40

(플루타르코스, Brutus, chapter 40)

상위

목록

SEARCH

MENU NAVIGATION