헬라어 문장 검색 - Πλυταρ́Βρυτυσ́28́

(플루타르코스, Brutus, chapter 28)

τούτων οὖν εἰσ Μακεδονίαν ἀπαγγελθέντων ἐκβιασθεὶσ ὁ Βροῦτοσ ἔγραψεν Ὁρτησίῳ κτεῖναι Γάϊον Ἀντώνιον, ὡσ δὴ Βρούτῳ τε καὶ Κικέρωνι τιμωρῶν, τῷ μὲν ὄντι φίλῳ, τῷ δὲ καὶ κατὰ γένοσ προσήκοντι. διὰ ταῦθ’ ὕστερον Ἀντώνιοσ Ὁρτήσιον ἐν Φιλίπποισ λαβὼν τῷ μνήματι τοῦ ἀδελφοῦ προσέσφαξε. Βροῦτοσ δὲ τῆσ Κικέρωνοσ τελευτῆσ τῇ αἰτίᾳ φησὶν αἰσχύνεσθαι μᾶλλον ἢ τῷ πάθει συναλγεῖν, ἐγκαλεῖν δὲ τοῖσ ἐπὶ Ῥώμησ φίλοισ·

δουλεύειν γὰρ αὑτῶν αἰτίᾳ μᾶλλον ἢ τῶν τυραννούντων, καὶ καρτερεῖν ὁρῶντασ καὶ παρόντασ ἃ μηδ’ ἀκούειν αὐτοῖσ ἀνεκτὸν ἦν. περαιώσασ δὲ τὸν στρατὸν εἰσ Ἀσίαν ἤδη λαμπρὸν ὄντα, ναυτικὸν μὲν ἐξηρτύετο στόλον ἐν Βιθυνίᾳ καὶ περὶ Κύζικον, πεζῇ δ’ αὐτὸσ ἐπιὼν καθίστατο τὰσ πόλεισ καὶ τοῖσ δυνάσταισ ἐχρημάτιζε, καὶ πρὸσ Κάσσιον ἔπεμπεν εἰσ Συρίαν ἀπ’ Αἰγύπτου μετακαλῶν οὐ γὰρ ἀρχὴν κτωμένουσ αὐτοῦσ, ἀλλ’ ἐλευθεροῦντασ τὴν πατρίδα τὴν δύναμιν, ᾗ καταλύσουσι τοὺσ τυράννουσ, συνάγοντασ πλανᾶσθαι· δεῖν οὖν μεμνημένουσ καὶ φυλάττοντασ τὴν ὑπόθεσιν μὴ μακρὰν ἀπηρτῆσθαι τῆσ Ἰταλίασ, ἀλλ’ ἐκεῖσε σπεύδειν καὶ βοηθεῖν τοῖσ πολίταισ.

ὑπακούσαντοσ δὲ τοῦ Κασσίου καὶ καταβαίνοντοσ ἀπήντα καὶ περὶ Σμύρναν ἀλλήλοισ ἐνετύγχανον ἀφ’ οὗ πρῶτον ἐν Πειραιεῖ χωρισθέντεσ ὡρ́μησαν ὁ μὲν εἰσ Συρίαν, ὁ δὲ εἰσ Μακεδονίαν.

ἦν οὖν ἡδονή τε μεγάλη καὶ θάρσοσ αὐτοῖσ ἐκ τῆσ παρούσησ ἑκατέρῳ δυνάμεωσ. ὁρμήσαντεσ γὰρ ἐκ τῆσ Ἰταλίασ ὅμοια φυγάδων τοῖσ ἀτιμοτάτοισ ἀχρήματοι καὶ ἄνοπλοι, μὴ ναῦν ἑνήρη, μὴ στρατιώτην ἕνα, μὴ πόλιν ἔχοντεσ, οὐ πολλοῦ πάνυ χρόνου διαγενομένου συνῆλθον εἰσ ταὐτό καὶ ναυσὶ καὶ πεζῷ καὶ ἵπποισ καὶ χρήμασιν ἀξιόμαχοι διαγωνίσασθαι περὶ τῆσ Ῥωμαίων ἡγεμονίασ ὄντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 28

(플루타르코스, Brutus, chapter 28)

상위

목록

SEARCH

MENU NAVIGATION