헬라어 문장 검색 - Πλυταρ́Βρυτυσ́17́

(플루타르코스, Brutus, chapter 17)

τῆσ δὲ βουλῆσ εἰσ τὴν ἐξέδραν προεισελθούσησ οἱ μὲν ἄλλοι τὸν δίφρον τοῦ Καίσαροσ περιέστησαν ὡσ ἐντυγχάνειν τι μέλλοντεσ αὐτῷ. καὶ Κάσσιον μὲν λέγεται τρέποντα τὸ πρόσωπον εἰσ τὴν εἰκόνα τοῦ Πομπηϊού παρακαλεῖν ὥσπερ αἰσθανόμενον, Τρεβώνιοσ δὲ περὶ τὰσ θύρασ Ἀντώνιον ἐπισπασάμενοσ καὶ προσομιλῶν ἔξω κατέσχε. Καίσαρι δὲ εἰσιόντι μὲν ἡ σύγκλητοσ ὑπεξανέστη, καθεζόμενον δ’ εὐθὺσ ἐκεῖνοι περιέσχον ἁθρόοι, Τίλλιον Κίμβρον ἐξ ἑαυτῶν προβάλλοντεσ ὑπὲρ ἀδελφοῦ φυγάδοσ δεόμενον·

καὶ συνεδέοντο πάντεσ, ἁπτόμενοί τε χειρῶν καὶ στέρνα καὶ κεφαλὴν κατεφίλουν. ἀποτριβομένου δὲ τὰσ δεήσεισ τὸ πρῶτον, εἶθ’, ὡσ οὐκ ἀνίεσαν, ἐξανισταμένου βίᾳ, Τίλλιοσ μὲν ἀμφοτέραισ ταῖσ χερσὶν ἐκ τῶν ὤμων κατέσπασε τὸ ἱμάτιον, Κάσκασ δὲ πρῶτοσ εἱ̔στήκει γὰρ ὄπισθεν’ ἀνασπάσασ τὸ ξίφοσ διελαύνει, οὐκ εἰσ βάθοσ, παρὰ τὸν ὦμον. "ἀνόσιε Κάσκα, τί ποιεῖσ;

ἐκεῖνοσ Ἑλληνιστὶ τὸν ἀδελφὸν προσαγορεύσασ ἐκέλευσε βοηθεῖν. ἤδη δὲ παιόμενοσ ὑπὸ πολλῶν καὶ κύκλῳ περιβλέπων καὶ διώσασθαι βουλόμενοσ, ὡσ εἶδε Βροῦτον ἑλκόμενον ξίφοσ ἐπ’ αὐτόν, τὴν χεῖρα τοῦ Κάσκα κρατῶν ἀφῆκε, καὶ τῷ ἱματίῳ τὴν κεφαλὴν ἐγκαλυψάμενοσ παρέδωκε τὸ σῶμα ταῖσ πληγαῖσ. οἱ δ’ ἀφειδῶσ ἀναπεπλεγμένοι πολλοῖσ περὶ τὸ σῶμα χρώμενοι τοῖσ ξίφεσιν ἀλλήλουσ ἐτίτρωσκον, ὥστε καὶ Βροῦτον εἰσ τὴν χεῖρα πληγὴν λαβεῖν τοῦ φόνου συνεφαπτόμενον, πίμπλασθαι δὲ τοῦ αἵματοσ ἅπαντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 17

(플루타르코스, Brutus, chapter 17)

상위

목록

SEARCH

MENU NAVIGATION