헬라어 문장 검색 - Πλυταρ́Βρυτυσ́07́

(플루타르코스, Brutus, chapter 7)

ἐπεὶ δὲ πλειόνων στρατηγιῶν οὐσῶν τὴν μέγιστον ἔχουσαν ἀξίωμα, καλουμένην δὲ πολιτικήν, ἐπίδοξοσ ἦν ἢ Βροῦτοσ ἕξειν ἢ Κάσσιοσ, οἱ μὲν αὐτοὺσ λέγουσιν ἐξ αἰτιῶν προτέρων ἡσυχῇ διαφερομένουσ ἔτι μᾶλλον ὑπὲρ τούτου διαστασιάσαι, καίπερ οἰκείουσ ὄντασ· Ιοὐνίᾳ γὰρ, ἀδελφῇ Βρούτου, συνῴκει Κάσσιοσ· οἱ δὲ Καίσαροσ ἔργον γενέσθαι τὴν φιλονεικίαν ταύτην, ἑκατέρῳ κρύφα δι’ ἐλπίδων ἐνδιδόντοσ ἑαυτόν, ἄχρι οὗ προαχθέντεσ οὕτω καὶ παροξυνθέντεσ εἰσ ἀγῶνα κατέστησαν.

ἠγωνίζετο δὲ Βροῦτοσ εὐκλείᾳ καὶ ἀρετῇ πρὸσ πολλὰ τοῦ Κασσίου καὶ λαμπρὰ τὰ Παρθικὰ νεανιεύματα. Καῖσαρ δ’ ἀκούσασ καὶ βουλευόμενοσ ἐν τοῖσ φίλοισ εἶπε·

"δικαιότερα μὲν λέγει Κάσσιοσ, Βρούτῳ δὲ τὴν πρώτην δοτέον. ἀπεδείχθη δὲ Κάσσιοσ ἐφ’ ἑτέρᾳ στρατηγόσ, οὐ τοσοῦτον εὐνοίασ ἔχων δι’ ἣν ἔλαβεν ὅσον ὀργῆσ ὧν ἀπέτυχε. Βροῦτοσ δὲ καὶ τἆλλα μετεῖχε τῆσ Καίσαροσ δυνάμεωσ ὅσον ἐβούλετο.

βουλομένῳ γὰρ ὑπῆρχεν εἶναι τῶν φίλων πρώτῳ καὶ δύνασθαι πλεῖστον ἀλλ’ εἷλκεν αὐτὸν ἡ περὶ Κάσσιον ἑταιρεία καὶ ἀπέστρεφεν, αὐτῷ μὲν οὔπω Κασσίῳ διηλλαγμένον ἐξ ἐκείνησ τῆσ φιλοτιμίασ, ἀκούοντα δὲ τῶν φίλων διακελευομένων μὴ περιορᾶν αὑτὸν ὑπὸ Καίσαροσ μαλασσόμενον καὶ κηλούμενον, ἀλλὰ φεύγειν τὰσ τυραννικὰσ φιλοφροσύνασ καὶ χάριτασ, αἷσ οὐ τιμῶντα τὴν ἀρετήν, ἀλλ’ ἐκτέμνοντα τὴν ἀλκὴν καὶ τὸν θυμὸν ὑπερείποντα χρῆσθαι πρὸσ αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 7

(플루타르코스, Brutus, chapter 7)

상위

목록

SEARCH

MENU NAVIGATION