헬라어 텍스트

Plutarch, Brutus, chapter 5

(플루타르코스, Brutus, chapter 5)

λέγεται δὲ καὶ Καῖσαρ οὐκ ἀμελεῖν τοῦ ἀνδρόσ, ἀλλὰ καὶ προειπεῖν τοῖσ ὑφ’ ἑαυτὸν ἡγεμόσιν ἐν τῇ μάχῃ μὴ κτείνειν Βροῦτον, ἀλλὰ φείδεσθαι, καὶ παρασχόντα μὲν ἑκουσίωσ ἄγειν, εἰ δὲ ἀπομάχοιτο πρὸσ τὴν σύλληψιν, ἐᾶν καὶ μὴ βιάζεσθαι· καὶ ταῦτα ποιεῖν τῇ μητρὶ τοῦ Βρούτου Σερβιλίᾳ χαριζόμενοσ. ἐγνώκει γὰρ, ὡσ ἐοίκε, νεανίασ ὢν ἔτι τὴν Σερβιλίαν ἐπιμανεῖσαν αὐτῷ, καὶ καθ’ οὓσ μάλιστα χρόνουσ ὁ ἔρωσ ἐπέφλεγε γενόμενον τὸν Βροῦτον ἐπέπειστό πωσ ἐξ ἑαυτοῦ γεγονέναι.

λέγεται δὲ τῶν περὶ Κατιλίναν πραγμάτων μεγάλων ἐμπεπτωκότων εἰσ τὴν σύγκλητον, ἃ μικρὸν ἐδέησεν ἀνατρέψαι τὴν πόλιν, ἑστάναι μὲν ὁμοῦ Κάτωνα καὶ Καίσαρα διαφερομένουσ περὶ γνώμησ, ἐν τούτῳ δὲ γραμματιδίου μικροῦ προσδοθέντοσ ἔξωθεν Καίσαρι, τὸν μὲν ἀναγινώσκειν σιωπῇ, Κάτωνα δὲ βοᾶν ὡσ δεινὰ ποιεῖ Καῖσαρ ἐντεύξεισ καὶ γράμματα παρὰ τῶν πολεμίων προσδεχόμενοσ. πρὸσ δὲ τὴν γνώμην καὶ τὸν λόγον αὖθισ ἐξ ἀρχῆσ τραπέσθαι.

οὕτω μὲν ἦν ὁ πρὸσ Καίσαρα Σερβιλίασ ἔρωσ περιβόητοσ.