헬라어 문장 검색 - Πλυταρ́Αρατυσ́45́

(플루타르코스, Aratus, chapter 45)

τρέφειν τε καὶ μισθοδοτεῖν ἠναγκάζοντο τοὺσ Μακεδόνασ, θυσίασ δὲ καὶ πομπὰσ καὶ ἀγῶνασ Ἀντιγόνῳ συνετέλουν, ἀρξαμένων τῶν Ἀράτου πολιτῶν καὶ δεξαμένων τῇ πόλει τὸν Ἀντίγονον ὑπ’ Ἀράτου ξενιζόμενον, ᾐτιῶντο πάντων ἐκεῖνον, ἀγνοοῦντεσ ὅτι τὰσ ἡνίασ ἐκείνῳ παραδεδωκὼσ καὶ τῇ ῥύμῃ τῆσ βασιλικῆσ ἐφελκόμενοσ ἐξουσίασ οὐδενὸσ ἦν ἢ μόνησ φωνῆσ ἔτι κύριοσ, ἐπισφαλῆ τὴν παρρησίαν ἐχούσησ. ἐπεὶ φανερῶσ γε πολλὰ τῶν πραττομένων ἐλύπει τὸν Ἄρατον, ὥσπερ τὸ περὶ τῶν εἰκόνων ὁ γὰρ Ἀντίγονοσ τὰσ μὲν τῶν ἐν Ἄργει τυράννων καταβεβλημένασ ἀνέστησε, τὰσ δὲ τῶν ἑλόντων τὸν Ἀκροκόρινθον ἑστώσασ ἀνέτρεψε πλὴν μιᾶσ τῆσ ἐκείνου·

καὶ πολλὰ περὶ τούτων δεηθεὶσ ὁ Ἄρατοσ οὐκ ἔπεισεν. ἐδόκει δὲ καὶ τὰ περὶ Μαντίνειαν οὐχ Ἑλληνικῶσ διῳκῆσθαι τοῖσ Ἀχαιοῖσ.

κρατήσαντεσ γὰρ αὐτῶν δι’ Ἀντιγόνου τοὺσ μὲν ἐνδοξοτάτουσ καὶ πρώτουσ ἀπέκτειναν, τῶν δ’ ἄλλων τοὺσ μὲν ἀπέδοντο, τοὺσ δ’ εἰσ Μακεδονίαν ἀπέστειλαν ἐν πέδαισ δεδεμένουσ, παῖδασ δὲ καὶ γυναῖκασ ἠνδραποδίσαντο, τοῦ δὲ συναχθέντοσ ἀργυρίου τὸ τρίτον αὐτοὶ διείλοντο, τὰσ δὲ δύο μοίρασ ἔνειμαν τοῖσ Μακεδόσι. καὶ ταῦτα μὲν ἔσχε τὸν τῆσ ἀμύνησ νόμον καὶ γὰρ εἰ δεινὸν ἄνδρασ ὁμοφύλουσ καὶ συγγενεῖσ οὕτω μεταχειρίσασθαι δι’ ὀργήν, ἀλλ’ ἐν ἀνάγκαισ γλυκὺ γίνεται καὶ σκληρόν, κατὰ Σιμωνίδην, ὥσπερ ἀλγοῦντι τῷ θυμῷ καὶ φλεγμαίνοντι θεραπείαν καὶ ἀναπλήρωσιν προσφερόντων.

τὰ δὲ μετὰ ταῦτα πραχθέντα περὶ τὴν πόλιν οὔτ’ εἰσ καλὴν οὔτ’ εἰσ ἀναγκαίαν ἔστι θέσθαι τῷ Ἀράτῳ πρόφασιν. τῶν γὰρ Ἀχαιῶν τὴν πόλιν παρ’ Ἀντιγόνου δωρεὰν λαβόντων καὶ κατοικίζειν ἐγνωκότων αὐτὸσ οἰκιστὴσ αἱρεθεὶσ καὶ στρατηγὸσ ὢν ἐψηφίσατο μηκέτι καλεῖν Μαντίνειαν, ἀλλ’ Ἀντιγόνειαν, ὃ καὶ μέχρι νῦν καλεῖται, καὶ δοκεῖ δι’ ἐκεῖνον ἡ μὲν ἐρατεινὴ Μαντίνεια παντάπασιν ἐξαληλίφθαι, διαμένει δὲ ἡ πόλισ ἐπώνυμοσ τῶν ἀπολεσάντων καὶ ἀνελόντων τοὺσ πολίτασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aratus, chapter 45

(플루타르코스, Aratus, chapter 45)

상위

목록

SEARCH

MENU NAVIGATION