헬라어 문장 검색 - Παυσαν́Δεσξριπ́1́36́

(파우사니아스, Description of Greece, Ἀττικά, chapter 36)

ἐν Σαλαμῖνι δὲ ‐ ἐπάνειμι γὰρ ἐσ τὸν προκείμενον λόγον ‐ τοῦτο μὲν Ἀρτέμιδόσ ἐστιν ἱερόν, τοῦτο δὲ τρόπαιον ἕστηκεν ἀπὸ τῆσ νίκησ ἣν Θεμιστοκλῆσ ὁ Νεοκλέουσ αἴτιοσ ἐγένετο γενέσθαι τοῖσ Ἕλλησι· καὶ Κυχρέωσ ἐστὶν ἱερόν. ναυμαχούντων δὲ Ἀθηναίων πρὸσ Μήδουσ δράκοντα ἐν ταῖσ ναυσὶ λέγεται φανῆναι· τοῦτον ὁ θεὸσ ἔχρησεν Ἀθηναίοισ Κυχρέα εἶναι τὸν ἡρ́ωα. νῆσοσ δὲ πρὸ Σαλαμῖνόσ ἐστι καλουμένη Ψυττάλεια·

ἐσ ταύτην τῶν βαρβάρων ὅσον τετρακοσίουσ ἀποβῆναι λέγουσιν, ἡττωμένου δὲ τοῦ Ξέρξου ναυτικοῦ καὶ τούτουσ ἀπολέσθαι φασὶν ἐπιδιαβάντων ἐσ τὴν Ψυττάλειαν τῶν Ἑλλήνων. ἄγαλμα δὲ ἐν τῇ νήσῳ σὺν τέχνῃ μέν ἐστιν οὐδέν, Πανὸσ δὲ ὡσ ἕκαστον ἔτυχε ξόανα πεποιημένα. ἰοῦσι δὲ ἐπ’ Ἐλευσῖνα ἐξ Ἀθηνῶν ἣν Ἀθηναῖοι καλοῦσιν ὁδὸν ἱεράν, Ἀνθεμοκρίτου πεποίηται μνῆμα.

ἐσ τοῦτον Μεγαρεῦσίν ἐστιν ἀνοσιώτατον ἔργον, οἳ κήρυκα ἐλθόντα, ὡσ μὴ τοῦ λοιποῦ τὴν χώραν ἐπεργάζοιντο, κτείνουσιν Ἀνθεμόκριτον· μόνοισ ἐπήρκεσεν Ἑλλήνων.

μετὰ δὲ τοῦ Ἀνθεμοκρίτου τὴν στήλην Μολοττοῦ τε τάφοσ ἐστὶν ἀξιωθέντοσ Ἀθηναίων καὶ τούτου στρατηγεῖν, ὅτε Πλουτάρχῳ βοηθοῦντεσ διέβησαν ἐσ Εὔβοιαν, καὶ χωρίον Σκῖρον ἐπὶ τοιῷδε καλούμενον.

Ἐλευσινίοισ πολεμοῦσι πρὸσ Ἐρεχθέα ἀνὴρ μάντισ ἦλθεν ἐκ Δωδώνησ ὄνομα Σκῖροσ, ὃσ καὶ τῆσ Σκιράδοσ ἱδρύσατο Ἀθηνᾶσ ἐπὶ Φαληρῷ τὸ ἀρχαῖον ἱερόν· πεσόντα δὲ αὐτὸν ἐν τῇ μάχῃ θάπτουσιν Ἐλευσίνιοι πλησίον ποταμοῦ χειμάρρου, καὶ τῷ τε χωρίῳ τὸ ὄνομα ἀπὸ τοῦ ἡρ́ωόσ ἐστι καὶ τῷ ποταμῷ. πλησίον δὲ πεποίηται Κηφισοδώρου μνῆμα δήμου προστάντοσ καὶ Φιλίππῳ τῷ Δημητρίου Μακεδόνων βασιλεύοντι ἐσ τὰ μάλιστα ἐναντιωθέντοσ·

συμμάχουσ δὲ ἐπήγετο Κηφισόδωροσ Ἀθηναίοισ γενέσθαι βασιλεῖσ μὲν Ἄτταλον τὸν Μυσὸν καὶ Πτολεμαῖον τὸν Αἰγύπτιον, ἔθνη δὲ αὐτόνομα Αἰτωλοὺσ καὶ νησιωτῶν Ῥοδίουσ καὶ Κρῆτασ. ὡσ δὲ καὶ ἐξ Αἰγύπτου καὶ Μυσίασ καὶ παρὰ τῶν Κρητῶν τὰ πολλὰ ὑστέριζον αἱ βοήθειαι, Ῥόδιοι δὲ μόναισ ναυσὶν ἰσχύοντεσ πρὸσ ὁπλίτασ τοὺσ Μακεδόνασ οὐ μεγάλα ὠφέλουν, ἐνταῦθα Κηφισόδωροσ ἐσ Ἰταλίαν σὺν ἄλλοισ Ἀθηναίων πλεύσασ ἱκέτευεν ἀμῦναι Ῥωμαίουσ·

οἱ δέ σφισι δύναμιν καὶ στρατηγὸν πέμπουσιν, οἳ τὰ Φιλίππου καὶ Μακεδόνων ἐσ τοσοῦτο καθεῖλον ὡσ ὕστερον Περσέα τὸν Φιλίππου τήν τε ἀρχὴν ἀποβαλεῖν καὶ αὐτὸν αἰχμάλωτον ἐσ Ἰταλίαν ἀχθῆναι. Φίλιπποσ δὲ ἦν οὗτοσ ὁ Δημητρίου· πρῶτοσ γὰρ ταύτησ τῆσ οἰκίασ ἔσχε Δημήτριοσ τὴν Μακεδόνων ἀρχὴν ἀποκτείνασ Ἀλέξανδρον τὸν Κασσάνδρου παῖδα, ὡσ τὰ πρότερον ἔχει μοι τοῦ λόγου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 36

(파우사니아스, Description of Greece, Ἀττικά, chapter 36)

상위

목록

SEARCH

MENU NAVIGATION