헬라어 문장 검색 - Παυσαν́Δεσξριπ́1́34́

(파우사니아스, Description of Greece, Ἀττικά, chapter 34)

τὴν δὲ γῆν τὴν Ὠρωπίαν μεταξὺ τῆσ Ἀττικῆσ καὶ Ταναγρικῆσ, Βοιωτίαν τὸ ἐξ ἀρχῆσ οὖσαν, ἔχουσιν ἐφ’ ἡμῶν Ἀθηναῖοι, πολεμήσαντεσ μὲν τὸν πάντα ὑπὲρ αὐτῆσ χρόνον, κτησάμενοι δὲ οὐ πρότερον βεβαίωσ πρὶν ἢ Φίλιπποσ Θήβασ ἑλὼν ἔδωκέ σφισιν. ἡ μὲν οὖν πόλισ ἐστὶν ἐπὶ θαλάσσησ μέγα οὐδὲν ἐσ συγγραφὴν παρεχομένη· ἀπέχει δὲ δώδεκα τῆσ πόλεωσ σταδίουσ μάλιστα ἱερὸν τοῦ Ἀμφιαράου. λέγεται δὲ Ἀμφιαράῳ φεύγοντι ἐκ Θηβῶν διαστῆναι τὴν γῆν καὶ ὡσ αὐτὸν ὁμοῦ καὶ τὸ ἁρ́μα ὑπεδέξατο·

πλὴν οὐ ταύτῃ συμβῆναί φασιν, ἀλλά ἐστιν ἐκ Θηβῶν ἰοῦσιν ἐσ Χαλκίδα Ἅρμα καλούμενον. θεὸν δὲ Ἀμφιάραον πρώτοισ Ὠρωπίοισ κατέστη νομίζειν, ὕστερον δὲ καὶ οἱ πάντεσ Ἕλληνεσ ἥγηνται.

καταλέξαι δὲ καὶ ἄλλουσ ἔχω γενομένουσ τότε ἀνθρώπουσ, οἳ θεῶν <παρ’> Ἕλλησι τιμὰσ ἔχουσι, τοῖσ δὲ καὶ ἀνάκεινται πόλεισ, Ἐλεοῦσ ἐν Χερρονήσῳ Πρωτεσιλάῳ, Λεβάδεια Βοιωτῶν Τροφωνίῳ· καὶ Ὠρωπίοισ ναόσ τέ ἐστιν Ἀμφιαράου καὶ ἄγαλμα λευκοῦ λίθου. παρέχεται δὲ ὁ βωμὸσ μέρη·

τὸ μὲν Ἡρακλέουσ καὶ Διὸσ καὶ Ἀπόλλωνόσ ἐστι Παιῶνοσ, τὸ δὲ ἡρ́ωσι καὶ ἡρώων ἀνεῖται γυναιξί, τρίτον δὲ Ἑστίασ καὶ Ἑρμοῦ καὶ Ἀμφιαράου καὶ τῶν παίδων Ἀμφιλόχου· Ἀλκμαίων δὲ διὰ τὸ ἐσ Ἐριφύλην ἔργον οὔτε ἐν Ἀμφιαράου τινά, οὐ μὴν οὐδὲ παρὰ τῷ Ἀμφιλόχῳ τιμὴν ἔχει. τετάρτη δέ ἐστι τοῦ βωμοῦ μοῖρα Ἀφροδίτησ καὶ Πανακείασ, ἔτι δὲ Ιἀσοῦσ καὶ Ὑγείασ καὶ Ἀθηνᾶσ Παιωνίασ· πέμπτη δὲ πεποίηται νύμφαισ καὶ Πανὶ καὶ ποταμοῖσ Ἀχελῴῳ καὶ Κηφισῷ. τῷ δὲ Ἀμφιλόχῳ καὶ παρ’ Ἀθηναίοισ ἐστὶν ἐν τῇ πόλει βωμὸσ καὶ Κιλικίασ ἐν Μαλλῷ μαντεῖον ἀψευδέστατον τῶν ἐπ’ ἐμοῦ. ἔστι δὲ Ὠρωπίοισ πηγὴ πλησίον τοῦ ναοῦ, ἣν Ἀμφιαράου καλοῦσιν, οὔτε θύοντεσ οὐδὲν ἐσ αὐτὴν οὔτ’ ἐπὶ καθαρσίοισ ἢ χέρνιβι χρῆσθαι νομίζοντεσ·

νόσου δὲ ἀκεσθείσησ ἀνδρὶ μαντεύματοσ γενομένου καθέστηκεν ἄργυρον ἀφεῖναι καὶ χρυσὸν ἐπίσημον ἐσ τὴν πηγήν, ταύτῃ γὰρ ἀνελθεῖν τὸν Ἀμφιάραον λέγουσιν ἤδη θεόν. Ιὀφῶν δὲ Κνώσσιοσ τῶν ἐξηγητῶν χρησμοὺσ ἐν ἑξαμέτρῳ παρείχετο, Ἀμφιάραον χρῆσαι φάμενοσ τοῖσ ἐσ Θήβασ σταλεῖσιν Ἀργείων. ταῦτα τὰ ἔπη τὸ ἐσ τοὺσ πολλοὺσ ἐπαγωγὸν ἀκρατῶσ εἶχε· χωρὶσ δὲ πλὴν ὅσουσ ἐξ Ἀπόλλωνοσ μανῆναι λέγουσι τὸ ἀρχαῖον, μάντεών γ’ οὐδεὶσ χρησμολόγοσ ἦν, ἀγαθοὶ δὲ ὀνείρατα ἐξηγήσασθαι καὶ διαγνῶναι πτήσεισ ὀρνίθων καὶ σπλάγχνα ἱερείων.

δοκῶ δὲ Ἀμφιάραον ὀνειράτων διακρίσει μάλιστα προ<σ>κεῖσθαι·

δῆλοσ δέ, ἡνίκα ἐνομίσθη θεόσ, δι’ ὀνειράτων μαντικὴν καταστησάμενοσ. καὶ πρῶτον μὲν καθήρασθαι νομίζουσιν ὅστισ ἦλθεν Ἀμφιαράῳ χρησόμενοσ· ἔστι δὲ καθάρσιον τῷ θεῷ θύειν, θύουσι δὲ καὶ αὐτῷ καὶ πᾶσιν ὅσοισ ἐστὶν ἐπὶ τῷ <βωμῷ> τὰ ὀνόματα· προεξειργασμένων δὲ τούτων κριὸν θύσαντεσ καὶ τὸ δέρμα ὑποστρωσάμενοι καθεύδουσιν ἀναμένοντεσ δήλωσιν ὀνείρατοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 34

(파우사니아스, Description of Greece, Ἀττικά, chapter 34)

상위

목록

SEARCH

MENU NAVIGATION