헬라어 문장 검색 - Παυσαν́Δεσξριπ́1́30́

(파우사니아스, Description of Greece, Ἀττικά, chapter 30)

πρὸ δὲ τῆσ ἐσόδου τῆσ ἐσ Ἀκαδημίαν ἐστὶ βωμὸσ Ἔρωτοσ ἔχων ἐπίγραμμα ὡσ Χάρμοσ Ἀθηναίων πρῶτοσ Ἔρωτι ἀναθείη. τὸν δὲ ἐν πόλει βωμὸν καλούμενον Ἀντέρωτοσ ἀνάθημα εἶναι λέγουσι μετοίκων, ὅτι Μέλησ Ἀθηναῖοσ μέτοικον ἄνδρα Τιμαγόραν ἐρασθέντα ἀτιμάζων ἀφεῖναι κατὰ τῆσ πέτρασ αὑτὸν ἐκέλευσεν ἐσ τὸ ὑψηλότατον αὐτῆσ ἀνελθόντα· Τιμαγόρασ δὲ ἄρα καὶ ψυχῆσ εἶχεν ἀφειδῶσ καὶ πάντα ὁμοίωσ κελεύοντι ἤθελε χαρίζεσθαι τῷ μειρακίῳ καὶ δὴ καὶ φέρων ἑαυτὸν ἀφῆκε· Μέλητα δέ, ὡσ ἀποθανόντα εἶδε Τιμαγόραν, ἐσ τοσοῦτο μετανοίασ ἐλθεῖν ὡσ πεσεῖν τε ἀπὸ τῆσ πέτρασ τῆσ αὐτῆσ καὶ οὕτωσ ἀφεὶσ αὑτὸν ἐτελεύτησε. καὶ τὸ ἐντεῦθεν δαίμονα Ἀντέρωτα τὸν ἀλάστορα τὸν Τιμαγόρου κατέστη τοῖσ μετοίκοισ νομίζειν. ἐν Ἀκαδημίᾳ δέ ἐστι Προμηθέωσ βωμόσ, καὶ θέουσιν ἀπ’ αὐτοῦ πρὸσ τὴν πόλιν ἔχοντεσ καιομένασ λαμπάδασ·

τὸ δὲ ἀγώνισμα ὁμοῦ τῷ δρόμῳ φυλάξαι τὴν δᾷδα ἔτι καιομένην ἐστίν, ἀποσβεσθείσησ δὲ οὐδὲν ἔτι τῆσ νίκησ τῷ πρώτῳ, δευτέρῳ δὲ ἀντ’ αὐτοῦ μέτεστιν· εἰ δὲ μηδὲ τούτῳ καίοιτο, ὁ τρίτοσ ἐστὶν ὁ κρατῶν· εἰ δὲ καὶ πᾶσιν ἀποσβεσθείη, οὐδείσ ἐστιν ὅτῳ καταλείπεται ἡ νίκη. ἔστι δὲ Μουσῶν τε βωμὸσ καὶ ἕτεροσ Ἑρμοῦ καὶ ἔνδον Ἀθηνᾶσ, τὸν δὲ Ἡρακλέουσ ἐποίησαν· φυτόν ἐστιν ἐλαίασ, δεύτερον τοῦτο λεγόμενον φανῆναι.

Ἀκαδημίασ δὲ οὐ πόρρω Πλάτωνοσ μνῆμά ἐστιν, ᾧ προεσήμαινεν ὁ θεὸσ ἄριστον τὰ ἐσ φιλοσοφίαν ἔσεσθαι·

προεσήμαινε δὲ οὕτω. Σωκράτησ τῇ προτέρᾳ νυκτὶ ἢ Πλάτων ἔμελλεν ἔσεσθαί οἱ μαθητὴσ ἐσπτῆναί οἱ κύκνον ἐσ τὸν κόλπον εἶδεν ὄνειρον· ἔστι δὲ κύκνῳ τῷ ὄρνιθι μουσικῆσ δόξα, ὅτι Λιγύων τῶν Ἠριδανοῦ πέραν ὑπὲρ γῆσ τῆσ Κελτικῆσ Κύκνον ἄνδρα μουσικὸν γενέσθαι βασιλέα φασί, τελευτήσαντα δὲ Ἀπόλλωνοσ γνώμῃ μεταβαλεῖν λέγουσιν αὐτὸν ἐσ τὸν ὄρνιθα. ἐγὼ δὲ βασιλεῦσαι μὲν πείθομαι Λίγυσιν ἄνδρα μουσικόν, γενέσθαι δέ μοι ἄπιστον ὄρνιθα ἀπ’ ἀνδρόσ. κατὰ τοῦτο τῆσ χώρασ φαίνεται πύργοσ Τίμωνοσ, ὃσ μόνοσ εἶδε μηδένα τρόπον εὐδαίμονα εἶναι γενέσθαι πλὴν τοὺσ ἄλλουσ φεύγοντα ἀνθρώπουσ.

δείκνυται δὲ καὶ χῶροσ καλούμενοσ κολωνὸσ ἵππιοσ, ἔνθα τῆσ Ἀττικῆσ πρῶτον ἐλθεῖν λέγουσιν Οἰδίποδα ‐ διάφορα μὲν καὶ ταῦτα τῇ Ὁμήρου ποιήσει, λέγουσι δ’ οὖν ‐ , καὶ βωμὸσ Ποσειδῶνοσ Ἱππίου καὶ Ἀθηνᾶσ Ἱππίασ, ἡρῷον δὲ Πειρίθου καὶ Θησέωσ Οἰδίποδόσ τε καὶ Ἀδράστου. τὸ δὲ ἄλσοσ τοῦ Ποσειδῶνοσ καὶ τὸν ναὸν ἐνέπρησεν Ἀντίγονοσ ἐσβαλών, καὶ ἄλλοτε στρατιᾷ κακώσασ Ἀθηναίοισ τὴν γῆν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 30

(파우사니아스, Description of Greece, Ἀττικά, chapter 30)

상위

목록

SEARCH

MENU NAVIGATION