헬라어 문장 검색 - Παυσαν́Δεσξριπ́1́29́

(파우사니아스, Description of Greece, Ἀττικά, chapter 29)

τοῦ δὲ Ἀρείου πάγου πλησίον δείκνυται ναῦσ ποιηθεῖσα ἐσ τὴν τῶν Παναθηναίων πομπήν. καὶ ταύτην μὲν ἤδη πού τισ ὑπερεβάλετο· τὸ δὲ ἐν Δήλῳ πλοῖον οὐδένα πω νικήσαντα οἶδα, καθῆκον ἐσ ἐννέα ἐρέτασ ἀπὸ τῶν καταστρωμάτων. Ἀθηναίοισ δὲ καὶ ἔξω πόλεωσ ἐν τοῖσ δήμοισ καὶ κατὰ τὰσ ὁδοὺσ θεῶν ἐστιν ἱερὰ καὶ ἡρώων καὶ ἀνδρῶν τάφοι·

ἐγγυτάτω δὲ Ἀκαδημία, χωρίον ποτὲ ἀνδρὸσ ἰδιώτου, γυμνάσιον δὲ ἐπ’ ἐμοῦ. κατιοῦσι δ’ ἐσ αὐτὴν περίβολόσ ἐστιν Ἀρτέμιδοσ καὶ ξόανα Ἀρίστησ καὶ Καλλίστησ· ὡσ μὲν ἐγὼ δοκῶ καὶ ὁμολογεῖ τὰ ἔπη τὰ Πάμφω, τῆσ Ἀρτέμιδόσ εἰσιν ἐπικλήσεισ αὗται, λεγόμενον δὲ καὶ ἄλλον ἐσ αὐτὰσ λόγον εἰδὼσ ὑπερβήσομαι. καὶ ναὸσ οὐ μέγασ ἐστίν, ἐσ ὃν τοῦ Διονύσου τοῦ Ἐλευθερέωσ τὸ ἄγαλμα ἀνὰ πᾶν ἔτοσ κομίζουσιν ἐν τεταγμέναισ ἡμέραισ.

ἱερὰ μέν σφισι ταύτῃ τοσαῦτά ἐστι, τάφοι δὲ Θρασυβούλου μὲν πρῶτον τοῦ Λύκου, ἀνδρὸσ τῶν τε ὕστερον καὶ ὅσοι πρὸ αὐτοῦ γεγόνασιν Ἀθηναίοισ λόγιμοι τὰ πάντα ἀρίστου ‐ παρέντι δέ μοι τὰ πλείω τοσάδε ἐσ πίστιν ἀρκέσει τοῦ λόγου·

τυραννίδα γὰρ ἔπαυσε τῶν τριάκοντα καλουμένων σὺν ἀνδράσιν ἑξήκοντα τὸ κατ’ ἀρχὰσ ὁρμηθεὶσ ἐκ Θηβῶν, καὶ Ἀθηναίουσ στασιάζοντασ διαλλαγῆναι καὶ συνθεμένουσ ἔπεισε μεῖναι ‐ , πρῶτοσ μέν ἐστιν οὗτοσ τάφοσ, ἐπὶ δὲ αὐτῷ Περικλέουσ τε καὶ Χαβρίου καὶ Φορμίωνοσ. ἔστι δὲ καὶ πᾶσι μνῆμα Ἀθηναίοισ ὁπόσοισ ἀποθανεῖν συνέπεσεν ἔν τε ναυμαχίαισ καὶ ἐν μάχαισ πεζαῖσ πλὴν ὅσοι Μαραθῶνι αὐτῶν ἠγωνίσαντο·

τούτοισ γὰρ κατὰ χώραν εἰσὶν οἱ τάφοι δι’ ἀνδραγαθίαν, οἱ δὲ ἄλλοι κατὰ τὴν ὁδὸν κεῖνται τὴν ἐσ Ἀκαδημίαν, καὶ σφῶν ἑστᾶσιν ἐπὶ τοῖσ τάφοισ στῆλαι τὰ ὀνόματα καὶ τὸν δῆμον ἑκάστου λέγουσαι. πρῶτοι δὲ ἐτάφησαν οὓσ ἐν Θρᾴκῃ ποτὲ ἐπικρατοῦντασ μέχρι Δραβησκοῦ τῆσ χώρασ Ἠδωνοὶ φονεύουσιν ἀνέλπιστοι ἐπιθέμενοι· λέγεται δὲ καὶ ὡσ κεραυνοὶ πέσοιεν ἐσ αὐτούσ.

στρατηγοὶ δὲ ἄλλοι τε ἦσαν καὶ Λέαγροσ, ᾧ μάλιστα ἐπετέτραπτο ἡ δύναμισ, καὶ Δεκελεὺσ Σωφάνησ, ὃσ τὸν Ἀργεῖόν ποτε πένταθλον Νεμείων ἀνῃρημένον νίκην ἀπέκτεινεν Εὐρυβάτην βοηθοῦντα Αἰγινήταισ. στρατὸν δὲ ἔξω τῆσ Ἑλλάδοσ Ἀθηναῖοι τρίτον τοῦτον ἔστειλαν·

Πριάμῳ μὲν γὰρ καὶ Τρωσὶ πάντεσ Ἕλληνεσ ἀπὸ κοινοῦ λόγου κατέστησαν ἐσ πόλεμον, Ἀθηναῖοι δὲ ἰδίᾳ μετ’ Ιὀλάου τε ἐσ Σαρδὼ καὶ δευτέραν ἐσ τὴν νῦν Ιὠνίαν ἐστράτευσαν καὶ τρίτον δὴ τότε ἐσ τὴν Θρᾴκην. ἔστι δὲ ἔμπροσθεν τοῦ μνήματοσ στήλη μαχομένουσ ἔχουσα ἱππεῖσ·

Μελάνωπόσ σφισίν ἐστι καὶ Μακάρτατοσ ὀνόματα, οὓσ κατέλαβεν ἀποθανεῖν ἐναντία Λακεδαιμονίων καὶ Βοιωτῶν τεταγμένουσ, ἔνθα τῆσ Ἐλεωνίασ εἰσὶ χώρασ πρὸσ Ταναγραίουσ ὁρ́οι. καὶ Θεσσαλῶν τάφοσ ἐστὶν ἱππέων κατὰ παλαιὰν φιλίαν ἐλθόντων, ὅτε σὺν Ἀρχιδάμῳ Πελοποννήσιοι πρῶτον ἐσέβαλον ἐσ τὴν Ἀττικὴν στρατιᾷ, καὶ πλησίον τοξόταισ Κρησίν· αὖθισ δέ ἐστιν Ἀθηναίων μνήματα Κλεισθένουσ, ᾧ τὰ ἐσ τὰσ φυλὰσ αἳ νῦν καθεστᾶσιν εὑρέθη, καὶ ἱππεῦσιν ἀποθανοῦσιν ἡνίκα συνεπελάβοντο οἱ Θεσσαλοὶ τοῦ κινδύνου. ἐνταῦθα καὶ Κλεωναῖοι κεῖνται, μετὰ Ἀργείων ἐσ τὴν Ἀττικὴν ἐλθόντεσ·

ἐφ’ ὅτῳ δέ, γράψω τοῦ λόγου μοι κατελθόντοσ ἐσ τοὺσ Ἀργείουσ. καὶ Ἀθηναίων δ’ ἔστι τάφοσ, οἳ πρὶν ἢ στρατεῦσαι τὸν Μῆδον ἐπολέμησαν πρὸσ Αἰγινήτασ. ἦν δὲ ἄρα καὶ δήμου δίκαιον βούλευμα, εἰ δὴ καὶ Ἀθηναῖοι μετέδοσαν δούλοισ δημοσίᾳ ταφῆναι καὶ τὰ ὀνόματα ἐγγραφῆναι στήλῃ· δηλοῖ δὲ ἀγαθοὺσ σφᾶσ ἐν τῷ πολέμῳ γενέσθαι περὶ τοὺσ δεσπότασ. ἔστι δὲ καὶ ἀνδρῶν ὀνόματα ἄλλων, διάφορα δέ σφισι τὰ χωρία τῶν ἀγώνων· Μαιάνδρου, ἐτάφησαν δὲ καὶ οἱ τελευτήσαντεσ πολεμοῦντοσ Κασσάνδρου καὶ οἱ συμμαχήσαντέσ ποτε Ἀργείων.

πραχθῆναι δὲ οὕτω σφίσι τὴν πρὸσ Ἀργείουσ λέγουσι συμμαχίαν·

Λακεδαιμονίοισ τὴν πόλιν τοῦ θεοῦ σείσαντοσ οἱ εἵλωτεσ ἐσ Ἰθώμην ἀπέστησαν, ἀφεστηκότων δὲ οἱ Λακεδαιμόνιοι βοηθοὺσ καὶ ἄλλουσ καὶ παρὰ Ἀθηναίων μετεπέμποντο· οἱ δέ σφισιν ἐπιλέκτουσ ἄνδρασ ἀποστέλλουσι καὶ στρατηγὸν Κίμωνα τὸν Μιλτιάδου. τούτουσ ἀποπέμπουσιν οἱ Λακεδαιμόνιοι πρὸσ ὑποψίαν· Ἀθηναίοισ δὲ οὐκ ἀνεκτὰ ἐφαίνετο περιυβρίσθαι, καὶ ὡσ ἐκομίζοντο ὀπίσω συμμαχίαν ἐποιήσαντο Ἀργείοισ Λακεδαιμονίων ἐχθροῖσ τὸν ἅπαντα οὖσι χρόνον.

ὕστερον δὲ μελλούσησ Ἀθηναίων ἐν Τανάγρᾳ γίνεσθαι πρὸσ Βοιωτοὺσ καὶ Λακεδαιμονίουσ μάχησ, ἀφίκοντο Ἀθηναίοισ Ἀργεῖοι βοηθοῦντεσ· καὶ παραυτίκα μὲν ἔχοντασ πλέον τοὺσ Ἀργείουσ νὺξ ἐπελθοῦσα ἀφείλετο τὸ σαφὲσ τῆσ νίκησ, ἐσ δὲ τὴν ὑστεραίαν ὑπῆρξε κρατῆσαι Λακεδαιμονίοισ Θεσσαλῶν προδόντων Ἀθηναίουσ. καταλέξαι δέ μοι καὶ τούσδε ἐπῆλθεν, Ἀπολλόδωρον ξένων ἡγεμόνα, ὃσ Ἀθηναῖοσ μὲν ἦν, ἐκπεμφθεὶσ δὲ ὑπὸ Ἀρσίτου σατράπου τῆσ ἐφ’ Ἑλλησπόντῳ Φρυγίασ διεφύλαξε Περινθίοισ τὴν πόλιν ἐσβεβληκότοσ ἐσ τὴν Περινθίαν Φιλίππου στρατῷ·

συνειδότων μηνυθέντεσ ἀπώλοντο.

κεῖνται δὲ καὶ οἱ περὶ Κόρινθον πεσόντεσ·

ἐδήλωσε δὲ οὐχ ἥκιστα ὁ θεὸσ ἐνταῦθα καὶ αὖθισ ἐν Λεύκτροισ τοὺσ ὑπὸ Ἑλλήνων καλουμένουσ ἀνδρείουσ τὸ μηδὲν ἄνευ Τύχησ εἶναι, εἰ δὴ Λακεδαιμόνιοι, Κορινθίων τότε καὶ Ἀθηναίων, ἔτι δὲ καὶ Ἀργείων καὶ Βοιωτῶν κρατήσαντεσ, ὕστερον ὑπὸ Βοιωτῶν μόνων ἐν Λεύκτροισ ἐσ τοσοῦτον ἐκακώθησαν. μετὰ δὲ τοὺσ ἀποθανόντασ ἐν Κορίνθῳ στήλην ἐπὶ τοῖσδε ἑστάναι τὴν αὐτὴν σημαίνει τὰ ἐλεγεῖα, τοῖσ μὲν ἐν Εὐβοίᾳ καὶ Χίῳ τελευτήσασι, τοὺσ δὲ ἐπὶ τοῖσ ἐσχάτοισ τῆσ Ἀσιανῆσ ἠπείρου διαφθαρῆναι δηλοῖ, τοὺσ δὲ ἐν Σικελίᾳ. γεγραμμένοι δέ εἰσιν οἵ τε στρατηγοὶ πλὴν Νικίου, καὶ τῶν στρατιωτῶν ὁμοῦ τοῖσ ἀστοῖσ Πλαταιεῖσ·

Νικίασ δὲ ἐπὶ τῷδε παρείθη, γράφω δὲ οὐδὲν διάφορα ἢ Φίλιστοσ, ὃσ ἔφη Δημοσθένην μὲν σπονδὰσ ποιήσασθαι τοῖσ ἄλλοισ πλὴν αὑτοῦ καὶ ὡσ ἡλίσκετο αὑτὸν ἐπιχειρεῖν ἀποκτεῖναι, Νικίᾳ δὲ τὴν παράδοσιν ἐθελοντῇ γενέσθαι· τούτων ἕνεκα οὐκ ἐνεγράφη Νικίασ τῇ στήλῃ, καταγνωσθεὶσ αἰχμάλωτοσ ἐθελοντὴσ εἶναι καὶ οὐκ ἀνὴρ πολέμῳ πρέπων. εἰσὶ δὲ ἐπ’ ἄλλῃ στήλῃ καὶ οἱ μαχεσάμενοι περὶ Θρᾴκην καὶ ἐν Μεγάροισ καὶ ἡνίκα Ἀρκάδασ τοὺσ ἐν Μαντινείᾳ καὶ Ἠλείουσ ἔπεισεν Ἀλκιβιάδησ Λακεδαιμονίων ἀποστῆναι καὶ οἱ πρὶν ἐσ Σικελίαν ἀφικέσθαι Δημοσθένην Συρακουσίων κρατήσαντεσ.

Ταναγραίων τελευτήσαντεσ καὶ ὅσουσ ἐσ Θεσσαλίαν Λεωσθένησ ἤγαγε καὶ οἱ πλεύσαντεσ ἐσ Κύπρον ὁμοῦ Κίμωνι, τῶν τε σὺν Ὀλυμπιοδώρῳ τὴν φρουρὰν ἐκβαλόντων τριῶν καὶ δέκα ἄνδρεσ οὐ πλείουσ.

φασὶ δὲ Ἀθηναῖοι καὶ Ῥωμαίοισ ὅμορόν τινα πολεμοῦσι πόλεμον στρατιὰν οὐ πολλὴν πέμψαι, καὶ ὕστερον ναυμαχίασ Ῥωμαίων πρὸσ Καρχηδονίουσ γινομένησ τριήρεισ πέντε Ἀττικαὶ παρεγένοντο·

ἔστιν οὖν καὶ τούτοισ ἐνταῦθα τοῖσ ἀνδράσιν ὁ τάφοσ. Τολμίδου δὲ καὶ τῶν σὺν αὐτῷ δεδήλωται μὲν ἤδη μοι τὰ ἔργα καὶ ὅν τρόπον ἐτελεύτησαν· ἴστω δὲ ὅτῳ φίλον κειμένουσ σφᾶσ κατὰ τὴν ὁδὸν ταύτην. κεῖνται δὲ καὶ οἱ σὺν Κίμωνι τὸ μέγα ἔργον ἐπὶ τῇ πεζῇ καὶ ναυσὶν αὐθημερὸν κρατήσαντεσ· τέθαπται δὲ καὶ Κόνων καὶ Τιμόθεοσ, δεύτεροι μετὰ Μιλτιάδην καὶ Κίμωνα οὗτοι πατὴρ καὶ παῖσ ἔργα ἀποδειξάμενοι λαμπρά.

κεῖται δὲ καὶ Ζήνων ἐνταῦθα ὁ Μνασέου καὶ Χρύσιπποσ ὁ Σολεύσ, Νικίασ τε ὁ Νικομήδου<σ> ζῷα ἄριστοσ γράψαι τῶν ἐφ’ αὑτοῦ, καὶ Ἁρμόδιοσ καὶ Ἀριστογείτων οἱ τὸν Πεισιστράτου παῖδα Ἵππαρχον ἀποκτείναντεσ, ῥήτορέσ τε Ἐφιάλτησ, ὃσ τὰ νόμιμα τὰ ἐν Ἀρείῳ πάγῳ μάλιστα ἐλυμήνατο, καὶ Λυκοῦργοσ ὁ Λυκόφρονοσ. Λυκούργῳ δὲ ἐπορίσθη μὲν τάλαντα ἐσ τὸ δημόσιον πεντακοσίοισ πλείονα καὶ ἑξακισχιλίοισ ἢ ὅσα Περικλῆσ ὁ Ξανθίππου συνήγαγε, κατεσκεύασε δὲ πομπεῖα τῇ θεῷ καὶ Νίκασ χρυσᾶσ καὶ παρθένοισ κόσμον ἑκατόν, ἐσ δὲ πόλεμον ὅπλα καὶ βέλη καὶ τετρακοσίασ ναυμαχοῦσιν εἶναι τριήρεισ·

οἰκοδομήματα δὲ ἐπετέλεσε μὲν τὸ θέατρον ἑτέρων ὑπαρξαμένων, τὰ δὲ ἐπὶ τῆσ αὐτοῦ πολιτείασ ἃ ᾠκοδόμησεν ἐν Πειραιεῖ νεώσ εἰσιν οἶκοι καὶ τὸ πρὸσ τῷ Λυκείῳ καλουμένῳ γυμνάσιον.

ὅσα μὲν οὖν ἀργύρου πεποιημένα ἦν καὶ χρυσοῦ, Λαχάρησ καὶ ταῦτα ἐσύλησε τυραννήσασ· τὰ δὲ οἰκοδομήματα καὶ ἐσ ἡμᾶσ ἔτι ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 29

(파우사니아스, Description of Greece, Ἀττικά, chapter 29)

상위

목록

SEARCH

MENU NAVIGATION