헬라어 문장 검색 - Παυσαν́Δεσξριπ́1́19́

(파우사니아스, Description of Greece, Ἀττικά, chapter 19)

μετὰ δὲ τὸν ναὸν τοῦ Διὸσ τοῦ Ὀλυμπίου πλησίον ἄγαλμά ἐστιν Ἀπόλλωνοσ Πυθίου· ἔστι δὲ καὶ ἄλλο ἱερὸν Ἀπόλλωνοσ ἐπίκλησιν Δελφινίου. λέγουσι δὲ ὡσ ἐξειργασμένου τοῦ ναοῦ πλὴν τῆσ ὀροφῆσ ἀγνὼσ ἔτι τοῖσ πᾶσιν ἀφίκοιτο Θησεὺσ ἐσ τὴν πόλιν· οἱᾶ δὲ χιτῶνα ἔχοντοσ αὐτοῦ ποδήρη καὶ πεπλεγμένησ ἐσ εὐπρεπέσ οἱ τῆσ κόμησ, ὡσ ἐγίνετο κατὰ τὸν τοῦ Δελφινίου ναόν, οἱ τὴν στέγην οἰκοδομοῦντεσ ἤροντο σὺν χλευασίᾳ, ὅ τι δὴ παρθένοσ ἐν ὡρ́ᾳ γάμου πλανᾶται μόνη· Θησεὺσ δὲ ἄλλο μὲν αὐτοῖσ ἐδήλωσεν οὐδέν, ἀπολύσασ δὲ ὡσ λέγεται τῆσ ἁμάξησ τοὺσ βοῦσ, ἥ σφισι παρῆν, τὸν ὄροφον ἀνέρριψεν ἐσ ὑψηλότερον ἢ τῷ ναῷ τὴν στέγην ἐποιοῦντο. ‐ ἐσ δὲ τὸ χωρίον, ὃ Κήπουσ ὀνομάζουσι, καὶ τῆσ Ἀφροδίτησ τὸν ναὸν οὐδεὶσ λεγόμενόσ σφισίν ἐστι λόγοσ·

οὐ μὴν οὐδὲ ἐσ τὴν Ἀφροδίτην, ἣ τοῦ ναοῦ πλησίον ἕστηκε. ταύτησ γὰρ σχῆμα μὲν τετράγωνον κατὰ ταὐτὰ καὶ τοῖσ Ἑρμαῖσ, τὸ δὲ ἐπίγραμμα σημαίνει τὴν Οὐρανίαν Ἀφροδίτην τῶν καλουμένων Μοιρῶν εἶναι πρεσβυτάτην. τὸ δὲ ἄγαλμα τῆσ Ἀφροδίτησ <τῆσ> ἐν τοῖσ Κήποισ ἔργον ἐστὶν Ἀλκαμένουσ καὶ τῶν Ἀθήνῃσιν ἐν ὀλίγοισ θέασ ἄξιον.

ἔστι δὲ Ἡρακλέουσ ἱερὸν καλούμενον Κυνόσαργεσ·

καὶ τὰ μὲν ἐσ τὴν κύνα εἰδέναι τὴν λευκὴν ἐπιλεξαμένοισ ἔστι τὸν χρησμόν, βωμοὶ δέ εἰσιν Ἡρακλέουσ τε καὶ Ἥβησ, ἣν Διὸσ παῖδα οὖσαν συνοικεῖν Ἡρακλεῖ νομίζουσιν· Ἀλκμήνησ τε βωμὸσ καὶ Ιὀλάου πεποίηται, ὃσ τὰ πολλὰ Ἡρακλεῖ συνεπόνησε τῶν ἔργων. Λύκειον δὲ ἀπὸ μὲν Λύκου τοῦ Πανδίονοσ ἔχει τὸ ὄνομα, Ἀπόλλωνοσ δὲ ἱερὸν ἐξ ἀρχῆσ τε εὐθὺσ καὶ καθ’ ἡμᾶσ ἐνομίζετο, Λύκ<ε>ιόσ τε ὁ θεὸσ ἐνταῦθα ὠνομάσθη πρῶτον· λέγεται δὲ ὅτι καὶ Τερμίλαισ, ἐσ οὓσ ἦλθεν ὁ Λύκοσ φεύγων Αἰγέα, καὶ τούτοισ αἴτιόσ ἐστι Λυκίουσ ἀπ’ αὐτοῦ καλεῖσθαι. ἔστι δὲ ὄπισθεν τοῦ Λυκ<ε>ίου Νίσου μνῆμα, ὃν ἀποθανόντα ὑπὸ Μίνω βασιλεύοντα Μεγάρων κομίσαντεσ Ἀθηναῖοι ταύτῃ θάπτουσιν.

ἐσ τοῦτον τὸν Νῖσον ἔχει λόγοσ τρίχασ ἐν τῇ κεφαλῇ οἱ πορφυρᾶσ εἶναι, χρῆναι δὲ αὐτὸν τελευτᾶν ἐπὶ ταύταισ ἀποκαρείσαισ· ὡσ δὲ οἱ Κρῆτεσ ἦλθον ἐσ τὴν γῆν, τὰσ μὲν ἄλλασ ἐξ ἐπιδρομῆσ ᾕρουν τὰσ ἐν τῇ Μεγαρίδι πόλεισ, ἐσ δὲ τὴν Νίσαιαν καταφεύγοντα τὸν Νῖσον ἐπολιόρκουν· ἐνταῦθα τοῦ Νίσου λέγεται θυγατέρα ἐρασθῆναι Μίνω καὶ ὡσ ἀπέκειρε τὰσ τρίχασ τοῦ πατρόσ. ταῦτα μὲν οὕτω γενέσθαι λέγουσι·

ποταμοὶ δὲ Ἀθηναίοισ ῥέουσιν Ἰλισόσ τε καὶ Ἠριδανῷ τῷ Κελτικῷ κατὰ τὰ αὐτὰ ὄνομα ἔχων, ἐκδιδοὺσ ἐσ τὸν Ἰλισόν. ὁ δὲ Ἰλισόσ ἐστιν οὗτοσ, ἔνθα παίζουσαν Ὠρείθυιαν ὑπὸ ἀνέμου Βορέου φασὶν ἁρπασθῆναι· καὶ συνοικεῖν Ὠρειθυίᾳ Βορέαν καί σφισι διὰ τὸ κῆδοσ ἀμύναντα τῶν τριήρων τῶν βαρβαρικῶν ἀπολέσαι τὰσ πολλάσ.

ἐθέλουσι δὲ Ἀθηναῖοι καὶ ἄλλων θεῶν ἱερὸν εἶναι τὸν Ἰλισόν, καὶ Μουσῶν βωμὸσ ἐπ’ αὐτῷ ἐστιν Ἰλισιάδων· δείκνυται δὲ καὶ ἔνθα Πελοποννήσιοι Κόδρον τὸν Μελάνθου βασιλεύοντα Ἀθηναίων κτείνουσι. διαβᾶσι δὲ τὸν Ἰλισὸν χωρίον Ἄγραι καλούμενον καὶ ναὸσ Ἀγροτέρασ ἐστὶν Ἀρτέμιδοσ·

ἐνταῦθα Ἄρτεμιν πρῶτον θηρεῦσαι λέγουσιν ἐλθοῦσαν ἐκ Δήλου, καὶ τὸ ἄγαλμα διὰ τοῦτο ἔχει τόξον. τὸ δὲ ἀκούσασι μὲν οὐχ ὁμοίωσ ἐπαγωγόν, θαῦμα δ’ ἰδοῦσι, στάδιόν ἐστι λευκοῦ λίθου. μέγεθοσ δὲ αὐτοῦ τῇδε ἄν τισ μάλιστα τεκμαίροιτο· ἄνωθεν ὄροσ ὑπὲρ τὸν Ἰλισὸν ἀρχόμενον ἐκ μηνοειδοῦσ καθήκει τοῦ ποταμοῦ πρὸσ τὴν ὄχθην εὐθύ τε καὶ διπλοῦν. τοῦτο ἀνὴρ Ἀθηναῖοσ Ἡρώδησ ᾠκοδόμησε, καί οἱ τὸ πολὺ τῆσ λιθοτομίασ τῆσ Πεντελῆσιν ἐσ τὴν οἰκοδομὴν ἀνηλώθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 19

(파우사니아스, Description of Greece, Ἀττικά, chapter 19)

상위

목록

SEARCH

MENU NAVIGATION