헬라어 문장 검색 - Παυσαν́Δεσξριπ́1́11́

(파우사니아스, Description of Greece, Ἀττικά, chapter 11)

τὰ μὲν οὖν Λυσιμάχου τοιαῦτα ἐγένετο· Ἀθηναίοισ δὲ εἰκών ἐστι καὶ Πύρρου. οὗτοσ ὁ Πύρροσ Ἀλεξάνδρῳ προσῆκεν οὐδέν, εἰ μὴ ὅσα κατὰ γένοσ· Αἰακίδου γὰρ τοῦ Ἀρύββου Πύρροσ ἦν, Ὀλυμπιάδοσ δὲ Ἀλέξανδροσ τῆσ Νεοπτολέμου, Νεοπτολέμῳ δὲ καὶ Ἀρύββᾳ πατὴρ ἦν Ἀλκέτασ ὁ Θαρύπου. ἀπὸ δὲ Θαρύπου ἐσ Πύρρον τὸν Ἀχιλλέωσ πέντε ἀνδρῶν καὶ δέκα εἰσὶ γενεαί· πρῶτοσ γὰρ δὴ οὗτοσ ἁλούσησ Ἰλίου τὴν μὲν ἐσ Θεσσαλίαν ὑπερεῖδεν ἀναχώρησιν, ἐσ δὲ τὴν Ἤπειρον κατάρασ ἐνταῦθα ἐκ τῶν Ἑλένου χρησμῶν ᾤκησε. καί οἱ παῖσ ἐκ μὲν Ἑρμιόνησ ἐγένετο οὐδείσ, ἐξ Ἀνδρομάχησ δὲ Μολοσσὸσ καὶ Πίελοσ καὶ νεώτατοσ ὁ Πέργαμοσ. ἐγένετο δὲ καὶ Ἑλένῳ Κεστρῖνοσ· τούτῳ γὰρ Ἀνδρομάχη συνῴκησεν ἀποθανόντοσ ἐν Δελφοῖσ Πύρρου. Ἑλένου δὲ ὡσ ἐτελεύτα Μολοσσῷ τῷ Πύρρου παραδόντοσ τὴν ἀρχὴν Κεστρῖνοσ μὲν σὺν τοῖσ ἐθέλουσιν Ἠπειρωτῶν τὴν ὑπὲρ Θύαμιν ποταμὸν χώραν ἔσχε, Πέργαμοσ δὲ διαβὰσ ἐσ τὴν Ἀσίαν Ἄρειον δυναστεύοντα ἐν τῇ Τευθρανίᾳ κτείνει μονομαχήσαντά οἱ περὶ τῆσ ἀρχῆσ καὶ τῇ πόλει τὸ ὄνομα ἔδωκε τὸ νῦν ἀφ’ αὑτοῦ·

καὶ Ἀνδρομάχησ ‐ ἠκολούθει γάρ οἱ ‐ καὶ νῦν ἐστιν ἡρῷον ἐν τῇ πόλει. Πίελοσ δὲ αὐτοῦ κατέμεινεν ἐν Ἠπείρῳ, καὶ ἐσ πρόγονον τοῦτον ἀνέβαινε Πύρροσ τε ὁ Αἰακίδου καὶ οἱ πατέρεσ, ἀλλ’ οὐκ ἐσ Μολοσσόν. ἦν δὲ ἄχρι μὲν Ἀλκέτου τοῦ Θαρύπου ἐφ’ ἑνὶ βασιλεῖ καὶ τὰ Ἠπειρωτῶν·

οἱ δὲ Ἀλκέτου παῖδεσ, ὥσ σφισι στασιάσασι μετέδοξεν ἐπ’ ἴσησ ἄρχειν, αὐτοί τε πιστῶσ ἔχοντεσ διέμειναν ἐσ ἀλλήλουσ καὶ ὕστερον Ἀλεξάνδρου τοῦ Νεοπτολέμου τελευτήσαντοσ ἐν Λευκανοῖσ, Ὀλυμπιάδοσ δὲ διὰ τὸν Ἀντιπάτρου φόβον ἐπανελθούσησ ἐσ Ἤπειρον, Αἰακίδησ ὁ Ἀρύββου τά τε ἄλλα διετέλει κατήκοοσ ὢν Ὀλυμπιάδι καὶ συνεστράτευσε πολεμήσων Ἀριδαίῳ καὶ Μακεδόσιν, οὐκ ἐθελόντων ἕπεσθαι τῶν Ἠπειρωτῶν. Ὀλυμπιάδοσ δὲ ὡσ ἐπεκράτησεν ἀνόσια μὲν ἐργασαμένησ καὶ ἐσ τὸν Ἀριδαίου θάνατον, πολλῷ δὲ ἔτι ἀνοσιώτερα ἐσ ἄνδρασ Μακεδόνασ, καὶ διὰ ταῦτα οὐκ ἀνάξια ὕστερον ὑπὸ Κασσάνδρου παθεῖν νομισθείσησ, Αἰακίδην οὖν κατ’ ἀρχὰσ μὲν οὐδ’ αὐτοὶ διὰ τὸ Ὀλυμπιάδοσ ἔχθοσ ἐδέχοντο Ἠπειρῶται, εὑρομένου δὲ ἀνὰ χρόνον παρὰ τούτων συγγνώμην δεύτερα ἠναντιοῦτο Κάσσανδροσ μὴ κατελθεῖν ἐσ Ἤπειρον.

καὶ Αἰακίδου μάχησ πρὸσ Οἰνιάδαισ, Αἰακίδην μὲν τρωθέντα κατέλαβε μετ’ οὐ πολὺ τὸ χρεών·

Ἠπειρῶται δὲ Ἀλκέταν ἐπὶ βασιλείᾳ κατεδέξαντο, Ἀρύββου μὲν παῖδα καὶ ἀδελφὸν Αἰακίδου πρεσβύτερον, ἀκρατῆ δὲ ἄλλωσ θυμοῦ καὶ δι’ αὐτὸ ἐξελασθέντα ὑπὸ τοῦ πατρόσ.

καὶ τότε ἥκων ἐξεμαίνετο εὐθὺσ ἐσ τοὺσ Ἠπειρώτασ, ἐσ ὃ νύκτωρ αὐτόν τε καὶ τοὺσ παῖδασ ἐπαναστάντεσ ἔκτειναν. ἀποκτείναντεσ δὲ τοῦτον Πύρρον τὸν Αἰακίδου κατάγουσιν· ἥκοντι δὲ εὐθὺσ ἐπεστράτευε Κάσσανδροσ, νέῳ τε ἡλικίᾳ ὄντι καὶ τὴν ἀρχὴν οὐ κατεσκευασμένῳ βεβαίωσ. Πύρροσ δὲ ἐπιόντων Μακεδόνων ἐσ Αἴγυπτον παρὰ Πτολεμαῖον ἀναβαίνει τὸν Λάγου· καί οἱ Πτολεμαῖοσ γυναῖκά τ’ ἔδωκεν ἀδελφὴν ὁμομητρίαν τῶν αὑτοῦ παίδων καὶ στόλῳ κατήγαγεν Αἰγυπτίων. Πύρροσ δὲ βασιλεύσασ πρώτοισ ἐπέθετο Ἑλλήνων Κορκυραίοισ, κειμένην τε ὁρῶν τὴν νῆσον πρὸ τῆσ αὑτοῦ χώρασ καὶ ἄλλοισ ὁρμητήριον ἐφ’ αὑτὸν οὐκ ἐθέλων εἶναι.

μετὰ δὲ ἁλοῦσαν Κόρκυραν ὅσα μὲν Λυσιμάχῳ πολεμήσασ ἔπαθε καὶ ὡσ Δημήτριον ἐκβαλὼν Μακεδονίασ ἦρξεν ἐσ ὃ αὖθισ ἐξέπεσεν ὑπὸ Λυσιμάχου, τάδε μὲν τοῦ Πύρρου μέγιστα ἐσ ἐκεῖνον τὸν καιρὸν δεδήλωκεν ἤδη μοι τὰ ἐσ Λυσίμαχον ἔχοντα· Ῥωμαίοισ δὲ οὐδένα Πύρρου πρότερον πολεμήσαντα ἴσμεν Ἕλληνα.

Διομήδει μὲν γὰρ καὶ Ἀργείων τοῖσ σὺν αὐτῷ οὐδεμίαν ἔτι γενέσθαι πρὸσ Αἰνείαν λέγεται μάχην· Ἀθηναίοισ δὲ ἄλλα τε πολλὰ ἐλπίσασι καὶ Ἰταλίαν πᾶσαν καταστρέψασθαι τὸ ἐν Συρακούσαισ πταῖσμα ἐμποδὼν ἐγένετο μὴ καὶ Ῥωμαίων λαβεῖν πεῖραν· Ἀλέξανδροσ δὲ ὁ Νεοπτολέμου, γένουσ τε ὢν Πύρρῳ τοῦ αὐτοῦ καὶ ἡλικίᾳ πρεσβύτεροσ, ἀποθανὼν ἐν Λευκανοῖσ ἔφθη πρὶν ἐσ χεῖρασ ἐλθεῖν Ῥωμαίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 11

(파우사니아스, Description of Greece, Ἀττικά, chapter 11)

상위

목록

SEARCH

MENU NAVIGATION