헬라어 문장 검색 - Παυσαν́Δεσξριπ́1́08́

(파우사니아스, Description of Greece, Ἀττικά, chapter 8)

ἀπαιτεῖ δὲ ὁ λόγοσ δηλῶσαι καὶ τὰ ἐσ Ἄτταλον ἔχοντα, ὅτι καὶ οὗτοσ τῶν ἐπωνύμων ἐστὶν Ἀθηναίοισ. ἀνὴρ Μακεδὼν Δόκιμοσ ὄνομα, στρατηγὸσ Ἀντιγόνου, Λυσιμάχῳ παραδοὺσ ὕστερον αὑτὸν καὶ τὰ χρήματα, Φιλέταιρον Παφλαγόνα εἶχεν εὐνοῦχον. ὅσα μὲν δὴ Φιλεταίρῳ πεπραγμένα ἐσ τὴν ἀπόστασίν ἐστι τὴν ἀπὸ Λυσιμάχου καὶ ὡσ Σέλευκον ἐπηγάγετο, ἔσται μοι τῶν ἐσ Λυσίμαχον παρενθήκη· ὁ δὲ Ἄτταλοσ Ἀττάλου μὲν παῖσ ὤν, ἀδελφιδοῦσ δὲ Φιλεταίρου, τὴν ἀρχὴν Εὐμένουσ παραδόντοσ ἔσχεν ἀνεψιοῦ. μέγιστον δέ ἐστίν οἱ τῶν ἔργων· Γαλάτασ γὰρ ἐσ τὴν γῆν, ἣν ἔτι καὶ νῦν ἔχουσιν, ἀναφυγεῖν ἠνάγκασεν ἀπὸ θαλάσσησ. μετὰ δὲ τὰσ εἰκόνασ τῶν ἐπωνύμων ἐστὶν ἀγάλματα θεῶν, Ἀμφιάραοσ καὶ Εἰρήνη φέρουσα Πλοῦτον παῖδα.

ἐνταῦθα Λυκοῦργόσ τε κεῖται χαλκοῦσ ὁ Λυκόφρονοσ καὶ Καλλίασ, ὃσ πρὸσ Ἀρταξέρξην τὸν Ξέρξου τοῖσ Ἕλλησιν, ὡσ Ἀθηναίων οἱ πολλοὶ λέγουσιν, ἔπραξε τὴν εἰρήνην· ἔστι δὲ καὶ Δημοσθένησ, ὃν ἐσ Καλαυρείαν Ἀθηναῖοι τὴν πρὸ Τροιζῆνοσ νῆσον ἠνάγκασαν ἀποχωρῆσαι, δεξάμενοι δὲ ὕστερον διώκουσιν αὖθισ μετὰ τὴν ἐν Λαμίᾳ πληγήν. Δημοσθένησ δέ ὡσ τὸ δεύτερον ἔφυγε, περαιοῦται καὶ τότε ἐσ τὴν Καλαυρείαν, ἔνθα δὴ πιὼν φάρμακον ἐτελεύτησεν·

φυγάδα τε Ἕλληνα μόνον τοῦτον Ἀντιπάτρῳ καὶ Μακεδόσιν οὐκ ἀνήγαγεν Ἀρχίασ. ὁ δὲ Ἀρχίασ οὗτοσ Θούριοσ ὢν ἔργον ἤρατο ἀνόσιον· ὅσοι Μακεδόσιν ἔπραξαν ἐναντία πρὶν ἢ τοῖσ Ἕλλησι τὸ πταῖσμα <τὸ> ἐν Θεσσαλίᾳ γενέσθαι, τούτουσ ἦγεν Ἀρχίασ Ἀντιπάτρῳ δώσοντασ δίκην. Δημοσθένει μὲν ἡ πρὸσ Ἀθηναίουσ ἄγαν εὔνοια ἐσ τοῦτο ἐχώρησεν· εὖ δέ μοι λελέχθαι δοκεῖ ἄνδρα ἀφειδῶσ ἐκπεσόντα ἐσ πολιτείαν καὶ πιστὰ ἡγησάμενον τὰ τοῦ δήμου μήποτε καλῶσ τελευτῆσαι. τῆσ δὲ τοῦ Δημοσθένουσ εἰκόνοσ πλησίον Ἄρεώσ ἐστιν ἱερόν, ἔνθα ἀγάλματα δύο μὲν Ἀφροδίτησ κεῖται, τὸ δὲ τοῦ Ἄρεωσ ἐποίησεν Ἀλκαμένησ, τὴν δὲ Ἀθηνᾶν ἀνὴρ Πάριοσ, ὄνομα δὲ αὐτῷ Λόκροσ.

ἐνταῦθα καὶ Ἐνυοῦσ ἄγαλμά ἐστιν, ἐποίησαν δὲ οἱ παῖδεσ οἱ Πραξιτέλουσ· νόμουσ γράψασ καὶ Πίνδαροσ ἄλλα τε εὑρόμενοσ παρὰ Ἀθηναίων καὶ τὴν εἰκόνα, ὅτι σφᾶσ ἐπῄνεσεν ᾆσμα ποιήσασ.

οὐ πόρρω δὲ ἑστᾶσιν Ἁρμόδιοσ καὶ Ἀριστογείτων οἱ κτείναντεσ Ἵππαρχον·

αἰτία δὲ ἥτισ ἐγένετο καὶ τὸ ἔργον ὅντινα τρόπον ἔπραξαν, ἑτέροισ ἐστὶν εἰρημένα. τῶν δὲ ἀνδριάντων οἱ μέν εἰσι Κριτίου τέχνη, τοὺσ δὲ ἀρχαίουσ ἐποίησεν Ἀντήνωρ· Ξέρξου δέ, ὡσ εἷλεν Ἀθήνασ ἐκλιπόντων τὸ ἄστυ Ἀθηναίων, ἀπαγαγομένου καὶ τούτουσ ἅτε λάφυρα, κατέπεμψεν ὕστερον Ἀθηναίοισ Ἀντίοχοσ. τοῦ θεάτρου δὲ ὃ καλοῦσιν Ωἰδεῖον ἀνδριάντεσ πρὸ τῆσ ἐσόδου βασιλέων εἰσὶν Αἰγυπτίων.

ὀνόματα μὲν δὴ κατὰ τὰ αὐτὰ Πτολεμαῖοί σφισιν, ἄλλη δὲ ἐπίκλησισ ἄλλῳ· καὶ γὰρ Φιλομήτορα καλοῦσι καὶ Φιλάδελφον ἕτερον, τὸν δὲ τοῦ Λάγου Σωτῆρα παραδόντων Ῥοδίων τὸ ὄνομα. τῶν δὲ ἄλλων ὁ μὲν Φιλάδελφόσ ἐστιν οὗ καὶ πρότερον μνήμην ἐν τοῖσ ἐπωνύμοισ ἐποιησάμην, πλησίον δέ οἱ καὶ Ἀρσινόησ τῆσ ἀδελφῆσ ἐστιν εἰκών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 8

(파우사니아스, Description of Greece, Ἀττικά, chapter 8)

상위

목록

SEARCH

MENU NAVIGATION