헬라어 문장 검색 - Παυσαν́Δεσξριπ́1́05́

(파우사니아스, Description of Greece, Ἀττικά, chapter 5)

τοῦ βουλευτηρίου τῶν πεντακοσίων πλησίον Θόλοσ ἐστὶ καλουμένη, καὶ θύουσί τε ἐνταῦθα οἱ πρυτάνεισ καί τινα καὶ ἀργύρου πεποιημένα ἐστὶν ἀγάλματα οὐ μεγάλα. ἀνωτέρω δὲ ἀνδριάντεσ ἑστήκασιν ἡρώων, ἀφ’ ὧν Ἀθηναίοισ ὕστερον τὰ ὀνόματα ἔσχον αἱ φυλαί·

ὅστισ δὲ κατεστήσατο δέκα ἀντὶ τεσσάρων φυλὰσ εἶναι καὶ μετέθετό σφισι τὰ ὀνόματα ἀντὶ τῶν ἀρχαίων, Ἡροδότῳ καὶ ταῦτά ἐστιν εἰρημένα. τῶν δὲ ἐπωνύμων ‐ καλοῦσι γὰρ οὕτω σφᾶσ ‐ ἔστι μὲν Ἱπποθόων Ποσειδῶνοσ καὶ Ἀλόπησ θυγατρὸσ Κερκυόνοσ, ἔστι δὲ Ἀντίοχοσ τῶν παίδων τῶν Ἡρακλέουσ, γενόμενοσ ἐκ Μήδασ Ἡρακλεῖ τῆσ Φύλαντοσ, καὶ τρίτοσ Αἰάσ ὁ Τελαμῶνοσ, ἐκ δὲ Ἀθηναίων Λεώσ·

δοῦναι δὲ ἐπὶ σωτηρίᾳ λέγεται κοινῇ τὰσ θυγατέρασ τοῦ θεοῦ χρήσαντοσ. Ἐρεχθεύσ τέ ἐστιν ἐν τοῖσ ἐπωνύμοισ, ὃσ ἐνίκησεν Ἐλευσινίουσ μάχῃ καὶ τὸν ἡγούμενον ἀπέκτεινεν Ἰμμάραδον τὸν Εὐμόλπου· Αἰγεύσ τέ ἐστι καὶ Οἰνεὺσ Πανδίονοσ υἱὸσ νόθοσ καὶ τῶν Θησέωσ παίδων Ἀκάμασ. Κέκροπα δὲ καὶ Πανδίονα ‐ εἶδον γὰρ καὶ τούτων ἐν τοῖσ ἐπωνύμοισ εἰκόνασ ‐ οὐκ οἶδα οὓσ ἄγουσιν ἐν τιμῇ·

πρότερόσ τε γὰρ ἦρξε Κέκροψ, ὃσ τὴν Ἀκταίου θυγατέρα ἔσχε, καὶ ὕστεροσ, ὃσ δὴ καὶ μετῴκησεν ἐσ Εὔβοιαν, Ἐρεχθέωσ υἱὸσ τοῦ Πανδίονοσ τοῦ Ἐριχθονίου. καὶ δὴ καὶ Πανδίων ἐβασίλευσεν ὅ τε Ἐριχθονίου καὶ ὁ Κέκροποσ τοῦ δευτέρου· τοῦτον Μητιονίδαι τῆσ ἀρχῆσ ἐξελαύνουσι, καί οἱ φυγόντι ἐσ Μέγαρα ‐ θυγατέρα γὰρ εἶχε Πύλα τοῦ βασιλεύσαντοσ ἐν Μεγάροισ ‐ συνεκπίπτουσιν οἱ παῖδεσ. Ἀθηνᾶσ Αἰθυίασ καλουμένῳ σκοπέλῳ·

οἱ δὲ παῖδεσ κατίασί τε ἐκ τῶν Μεγάρων ἐκβαλόντεσ Μητιονίδασ, καὶ τὴν ἀρχὴν τῶν Ἀθηναίων Αἰγεὺσ πρεσβύτατοσ ὢν ἔσχεν.

θυγατέρασ δὲ οὐ σὺν ἀγαθῷ δαίμονι ἔθρεψεν ὁ Πανδίων, οὐδέ οἱ τιμωροὶ παῖδεσ ἀπ’ αὐτῶν ἐλείφθησαν· καίτοι δυνάμεώσ γε ἕνεκα πρὸσ τὸν Θρᾷκα τὸ κῆδοσ ἐποιήσατο. ἀλλ’ οὐδεὶσ πόροσ ἐστὶν ἀνθρώπῳ παραβῆναι τὸ καθῆκον ἐκ τοῦ θεοῦ· λέγουσιν ὡσ Τηρεὺσ συνοικῶν Πρόκνῃ Φιλομήλαν ᾔσχυνεν, οὐ κατὰ νόμον δράσασ τὸν Ἑλλήνων, καὶ τὸ σῶμα ἔτι λωβησάμενοσ τῇ παιδὶ ἤγαγεν ἐσ ἀνάγκην δίκησ τὰσ γυναῖκασ. Πανδίονι δὲ καὶ ἄλλοσ ἀνδριάσ ἐστιν ἐν ἀκροπόλει θέασ ἄξιοσ. οἵδε μέν εἰσιν Ἀθηναίοισ ἐπώνυμοι τῶν ἀρχαίων·

ὕστερον δὲ καὶ ἀπὸ τῶνδε φυλὰσ ἔχουσιν, Ἀττάλου τοῦ Μυσοῦ καὶ Πτολεμαίου τοῦ Αἰγυπτίου καὶ κατ’ ἐμὲ ἤδη βασιλέωσ Ἀδριανοῦ τῆσ τε ἐσ τὸ θεῖον τιμῆσ ἐπὶ πλεῖστον ἐλθόντοσ καὶ τῶν ἀρχομένων ἐσ εὐδαιμονίαν τὰ μέγιστα ἑκάστοισ παρασχομένου. καὶ ἐσ μὲν πόλεμον οὐδένα ἑκούσιοσ κατέστη, Ἑβραίουσ δὲ τοὺσ ὑπὲρ Σύρων ἐχειρώσατο ἀποστάντασ· ὁπόσα δὲ θεῶν ἱερὰ τὰ μὲν ᾠκοδόμησεν ἐξ ἀρχῆσ, τὰ δὲ καὶ ἐπεκόσμησεν ἀναθήμασι καὶ κατασκευαῖσ ἢ δωρεὰσ πόλεσιν ἔδωκεν Ἑλληνίσι, τὰσ δὲ καὶ τῶν βαρβάρων τοῖσ δεηθεῖσιν, ἔστιν οἱ πάντα γεγραμμένα Ἀθήνῃσιν ἐν τῷ κοινῷ τῶν θεῶν ἱερῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 5

(파우사니아스, Description of Greece, Ἀττικά, chapter 5)

상위

목록

SEARCH

MENU NAVIGATION