헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 44)

Ποπλίου δὲ Ποστομίου τοῦ καλουμένου Τουβέρτου τὸ δεύτερον ἄρχειν αἱρεθέντοσ καὶ Ἀγρίππα Μενηνίου τοῦ λεγομένου Λανάτου τρίτη γίνεται Σαβίνων εἰσβολὴ μείζονι στρατιᾷ, πρὶν αἰσθέσθαι Ῥωμαίουσ αὐτῶν τὴν ἔξοδον, καὶ μέχρι τοῦ τείχουσ τῆσ Ῥώμησ ἔλασισ· ἐν ᾗ πολὺσ ἐγένετο Ῥωμαίων φόνοσ οὐ μόνον τῶν γεωργῶν, οἷσ οὐδὲν προσδεχομένοισ αἰφνιδίωσ ἐπέστη τὸ δεινόν, πρὶν εἰσ τὰ φρούρια τὰ πλησίον ἑκάστουσ καταφυγεῖν, ἀλλὰ καὶ τῶν κατὰ πόλιν τηνικαῦτα διατριβόντων.

ὁ γὰρ ἕτεροσ τῶν ὑπάτων Ποστόμιοσ οὐκ ἀνεκτὴν εἶναι τὴν ὕβριν τῶν πολεμίων ἡγησάμενοσ ἐξεβοήθει κατὰ σπουδὴν τοὺσ ἐπιτυγχάνοντασ ἄγων προχειρότερον μᾶλλον ἢ φρονιμώτερον.

οὓσ ἰδόντεσ οἱ Σαβῖνοι σὺν πολλῇ καταφρονήσει χωροῦντασ ἐπὶ σφᾶσ ἀσυντάκτουσ τε καὶ διεσπασμένουσ ἀπ’ ἀλλήλων, ἔτι μᾶλλον αὐξῆσαι τὸ καταφρονοῦν αὐτῶν βουλόμενοι θᾶττον ἢ βάδην ἀνεχώρουν ὡσ δὴ φεύγοντεσ ὀπίσω, τέωσ εἰσ δρυμοὺσ ἀφίκοντο βαθεῖσ, ἔνθα ὁ λοιπὸσ αὐτῶν στρατὸσ ὑπεκάθητο· ἔπειθ’ ὑποστρέψαντεσ ἐχώρουν τοῖσ διώκουσιν ὁμόσε, καὶ οἱ ἐκ τοῦ δρυμοῦ μέγα ἀλαλάξαντεσ ἱένται ἐπ’ αὐτούσ. ἀσυντάκτοισ δ’ ἀνθρώποισ καὶ τεταραγμένοισ καὶ ὑπὸ τοῦ δρόμου συγκεκομμένοισ τὰ πνεύματα πολλοὶ καὶ σὺν κόσμῳ ἐπελθόντεσ, καταβάλλουσί τε τοὺσ ὁμόσε χωροῦντασ καὶ τοὺσ λοιποὺσ εἰσ φυγὴν ὁρμήσαντασ ὑποτεμόμενοι τὰσ εἰσ τὴν πόλιν φερούσασ ὁδοὺσ εἰσ ὀρεινήν τινα κατακλείουσι ῥάχιν ἔρημον.

θέμενοι δὲ πλησίον αὐτῶν τὰ ὅπλα·

νὺξ γὰρ ἤδη κατελάμβανε· φυλακὰσ ἐποιοῦντο δι’ ὅλησ νυκτόσ, ἵνα μὴ λάθοιεν σφᾶσ ἀποδράντεσ. ὡσ δ’ εἰσ τὴν Ῥώμην τὸ πάθοσ ἀπηγγέλθη ταραχή τ’ ἦν πολλὴ καὶ δρόμοσ ἐπὶ τὰ τείχη καὶ δέοσ ἁπάντων, μὴ διὰ νυκτὸσ εἰσ τὴν πόλιν ἔλθοιεν οἱ πολέμιοι τῷ κατορθώματι ἐπαρθέντεσ, τῶν τ’ ἀπολωλότων οἶκτοσ καὶ τῶν περιλειπομένων ἔλεοσ, ὡσ ἀναρπασθησομένων αὐτίκα μάλα δι’ ἀπορίαν τῶν ἀναγκαίων, εἰ μή τισ αὐτοῖσ ἐπικουρία ἔλθοι ταχεῖα.

ἐκείνην μὲν οὖν τὴν νύκτα πονηρὰσ ἔχοντασ τὰσ ψυχὰσ ἄγρυπνοι διῆγον·

τῇ δ’ ἑξῆσ ἡμέρᾳ πάντασ τοὺσ ἐν ἀκμῇ καθοπλίσασ ὁ ἕτεροσ τῶν ὑπάτων Μενήνιοσ ἦγεν ἐπικούρουσ τοῖσ ἐν τῷ ὄρει κόσμον καὶ τάξιν φυλάττοντασ. ἰδόντεσ δ’ αὐτοὺσ οἱ Σαβῖνοι προσιόντασ οὐκέτι παρέμειναν, ἀλλ’ ἀναστήσαντεσ τὸν αὑτῶν στρατὸν ἦγον ἀπὸ τοῦ ὄρουσ ἀποχρῆν οἰόμενοι σφίσι τὴν παροῦσαν εὐτυχίαν·

καὶ οὐ πολὺν ἔτι διατρίψαντεσ χρόνον ἀπῄεσαν ἐπὶ τὰ σφέτερα σὺν αὐχήματι μεγάλῳ βοσκημάτων τε καὶ ἀνδραπόδων καὶ χρημάτων ἀφθόνουσ ἄγοντεσ ὠφελείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 44

(디오니시오스, Antiquitates Romanae, Books IV-VI, book 5, chapter 44)

상위

목록

SEARCH

MENU NAVIGATION