헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 42)

οὔπω μέσαι νύκτεσ ἦσαν, καὶ ὁ τῶν Σαβίνων ἡγεμὼν ἀναστήσασ τοῦ στρατοῦ τὸ κράτιστον μέροσ ἦγεν ἐπὶ τὸν χάρακα σιωπᾶν ἅπασι παραγγείλασ καὶ μὴ ποιεῖν ψόφον τῶν ὅπλων, ἵνα μὴ γνοῖεν ἥκοντασ αὐτοὺσ οἱ πολέμιοι, πρὶν ἐπὶ τῷ ἐρύματι γένωνται. ὡσ δὲ πλησίον ἐγένοντο τοῦ χάρακοσ οἱ πρῶτοι πορευόμενοι καὶ οὔτε φέγγη λαμπτήρων ἑώρων οὔτε φωνὰσ φυλάκων κατήκουον, πολλὴν μωρίαν τῶν Ῥωμαίων καταγνόντεσ ὡσ ἀφεικότων ἐρήμουσ τὰσ φυλακὰσ καὶ ἐντὸσ χάρακοσ καθευδόντων, ἐνεπίμπλασαν ὕλησ τὰσ τάφρουσ κατὰ πολλὰ μέρη καὶ διέβαινον οὐδενὸσ σφίσιν ἐμποδὼν γινομένου. παρεκάθηντο δὲ μεταξὺ τῶν τάφρων καὶ τῶν περισταυρωμάτων οἱ Ῥωμαῖοι κατὰ σπείρασ ἀφανεῖσ διὰ τὸ σκότοσ, καὶ τοὺσ διαβαίνοντασ αὐτῶν, ὅτε γένοιντο ἐν χερσίν, ἐφόνευον.

μέχρι μὲν οὖν τινοσ ἐλάνθανε τοὺσ ὑστέρουσ προσιόντασ ὁ τῶν προηγουμένων ὄλεθροσ·

ἐπεὶ δὲ φῶσ ἐγένετο σελήνησ ἀνισχούσησ οἱ πλησιάζοντεσ τῇ τάφρῳ σωρούσ θ’ ὁρῶντεσ οἰκείων νεκρῶν παρ’ αὐτῇ καὶ στίφη πολεμίων καρτερὰ ὁμόσε χωροῦντα, ῥίψαντεσ τὰ ὅπλα τρέπονται πρὸσ φυγήν. οἱ δὲ Ῥωμαῖοι μέγα ἀναβοήσαντεσ· ἦν δὲ τοῦτο σύνθημα τοῖσ ἐπὶ τῆσ ἑτέρασ παρεμβολῆσ·

ἐκτρέχουσιν ἐπ’ αὐτοὺσ ἅπαντεσ ἀθρόοι. καὶ ὁ Λουκρήτιοσ ὡσ ἤκουσε τῆσ κραυγῆσ τοὺσ ἱππεῖσ προαποστείλασ διερευνησομένουσ, μή τισ ἐγκάθηται πολεμίων λόχοσ, ὀλίγον ὕστερον ἠκολούθει τοὺσ ἀκμαιοτάτουσ τῶν πεζῶν ἐπαγόμενοσ. καὶ κατὰ τὸν αὐτὸν χρόνον οἵ θ’ ἱππεῖσ τοῖσ ἐκ τῆσ Φιδήνησ λοχῶσι περιτυχόντεσ τρέπουσιν εἰσ φυγὴν καὶ οἱ πεζοὶ τοὺσ ἐπὶ τὴν παρεμβολὴν σφῶν ἀφικομένουσ κτείνοντεσ ἐδίωκον οὔτε ὅπλα οὔτε κόσμον σώζοντασ.

ἐν ταύταισ ταῖσ μάχαισ Σαβίνων τε καὶ τῶν συμμάχων ἀπέθανον μὲν ἀμφὶ τοὺσ μυρίουσ καὶ τρισχιλίουσ καὶ πεντακοσίουσ, αἰχμάλωτοι δ’ ἐλήφθησαν τετρακισχίλιοι καὶ διακόσιοι· καὶ ὁ μὲν χάραξ αὐθημερὸν ἑάλω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 42

(디오니시오스, Antiquitates Romanae, Books IV-VI, book 5, chapter 42)

상위

목록

SEARCH

MENU NAVIGATION