헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 39)

τοῦ δ’ εὐωνύμου κάμνοντοσ ἤδη καὶ πρὸσ τῶν πολεμίων ἐπὶ τὸν ποταμὸν ἐξωθουμένου, μαθὼν τὸ γινόμενον ὁ τὴν ἑτέραν τῶν Ῥωμαίων παρεμβολὴν κατέχων ὕπατοσ ἐξῆγε τὴν στρατιάν. αὐτὸσ μὲν οὖν τὴν φάλαγγα τῶν πεζῶν ἐπαγόμενοσ βάδην ἠκολούθει·

τῶν δὲ πρεσβυτέρων Σπόριον Λάρκιον τὸν ὑπατεύσαντα τῷ παρελθόντι ἐνιαυτῷ τοὺσ ἱππεῖσ ἄγοντα πέμπει κατὰ σπουδήν· ὃσ ἀπὸ ῥυτῆροσ τοὺσ ἵππουσ ἐλαύνων τόν τε ποταμὸν διαπεραιοῦται κωλύοντοσ οὐδενὸσ εὐπετῶσ καὶ κατὰ τὸ δεξιὸν τῶν πολεμίων κέρασ παριππεύσασ, ἐνσείει πλαγίοισ τοῖσ ἱππεῦσι τῶν Σαβίνων· καὶ γίνεται μέγασ αὐτόθι τῶν ἱππέων ἀμφοτέρων συστάδην μαχομένων ἐπὶ χρόνον πολὺν ἀγών. ἐν δὲ τούτῳ καὶ ὁ Ποστόμιοσ τοὺσ πεζοὺσ ἄγων πλησίον αὐτῶν ἐγίνετο·

καὶ συρράξασ τοῖσ πεζοῖσ ἀποκτείνει τε πολλοὺσ μαχομένουσ καὶ τοὺσ λοιποὺσ ἐξωθεῖ τῆσ τάξεωσ. εἰ δὲ μὴ νὺξ ἐπέλαβεν, ἅπαντεσ ἂν οἱ Σαβῖνοι κυκλωθέντεσ ὑπὸ τῶν Ῥωμαίων ἱπποκρατούντων ἤδη πανσυδὶ διεφθάρησαν. νῦν δὲ τὸ σκότοσ τοὺσ διαφυγόντασ ἐκ τῆσ μάχησ ὄντασ ἀνόπλουσ καὶ οὐ πολλοὺσ ἐρρύσατο καὶ διέσωσεν ἐπὶ τὰ οἰκεῖα.

τῆσ δὲ παρεμβολῆσ αὐτῶν οἱ ὕπατοι χωρὶσ ἀγῶνοσ ἐκράτησαν ἐκλειφθείσησ ὑπὸ τῶν ἔνδον ἅμα τῷ θεάσασθαι τὴν τροπὴν τῶν σφετέρων· ἐξ ἧσ πολλὰσ ὠφελείασ λαβόντεσ, ἃσ τοῖσ στρατιώταισ ἄγειν τε καὶ φέρειν ἐπέτρεψαν, ἀπῆγον ἐπ’ οἴκου τὰσ δυνάμεισ. τότε πρῶτον ἡ πόλισ ἀναλαβοῦσα ἑαυτὴν ἐκ τοῦ Τυρρηνικοῦ πταίσματοσ εἰσ τὸ ἐξ ἀρχῆσ ἀποκατέστη φρόνημα, καὶ τῆσ ἡγεμονίασ τῶν περιοίκων ὡσ πρότερον ἐθάρρησεν ἀντιποιεῖσθαι, καὶ ψηφίζεται κοινῇ μὲν ἀμφοτέροισ τοῖσ ὑπάτοισ θριάμβου καταγωγήν, ἰδίᾳ δὲ θατέρῳ τῶν ἀνδρῶν Οὐαλερίῳ δωρεὰν τόπον εἰσ οἴκησιν ἐν τῷ κρατίστῳ τοῦ Παλλαντίου δοθῆναι, καὶ τὰσ εἰσ τὴν κατασκευὴν δαπάνασ ἐκ τοῦ δημοσίου χορηγεῖσθαι.

ταύτησ τῆσ οἰκίασ, παρ’ ἣν ὁ χαλκοῦσ ἕστηκε ταῦροσ, αἱ κλισιάδεσ θύραι μόναι τῶν ἐν τῇ Ῥώμῃ δημοσίων τε καὶ ἰδιωτικῶν οἴκων εἰσ τὸ ἔξω μέροσ ἀνοίγονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 39

(디오니시오스, Antiquitates Romanae, Books IV-VI, book 5, chapter 39)

상위

목록

SEARCH

MENU NAVIGATION