헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 26)

μετὰ γὰρ τὴν μάχην ἐκείνην ὁ μὲν Τυρρηνῶν βασιλεὺσ ἐν τῷ πλησίον ὄρει καταστρατοπεδευσάμενοσ, ὅθεν τὴν Ῥωμαίων φρουρὰν ἐξέβαλε, τῆσ ἐπέκεινα τοῦ Τεβέριοσ ποταμοῦ χώρασ ἁπάσησ ἐκράτει. οἱ δὲ Ταρκυνίου παῖδεσ καὶ ὁ κηδεστὴσ αὐτοῦ Μαμίλιοσ σχεδίαισ τε καὶ σκάφαισ διαβιβάσαντεσ τὰσ ἑαυτῶν δυνάμεισ ἐπὶ θάτερα μέρη τοῦ ποταμοῦ τὰ πρὸσ τὴν Ῥώμην φέροντα ἐν ἐχυρῷ τίθενται χωρίῳ τὸν χάρακα· ὅθεν ὁρμώμενοι τῶν τε Ῥωμαίων ἐδῄουν τὴν γῆν καὶ τὰσ αὐλὰσ κατέσκαπτον καὶ τοῖσ ἐπὶ νομὰσ ἐξιοῦσιν ἐκ τῶν ἐρυμάτων βοσκήμασιν ἐπετίθεντο. μυριάσι πολλαῖσ τὰ παρασκευασθέντα οὐ πολλὰ ὄντα δαπανώσαισ.

καὶ μετὰ τοῦθ’ οἱ θεράποντεσ πολλοὶ καταλιπόντεσ τοὺσ δεσπότασ ηὐτομόλουν ὁσημέραι, καὶ ἐκ τοῦ δημοτικοῦ πλήθουσ οἱ πονηρότατοι πρὸσ τοὺσ Τυρρηνοὺσ ἀφίσταντο·

ταῦθ’ ὁρῶσι τοῖσ ὑπάτοισ ἔδοξε Λατίνων μὲν δεῖσθαι τῶν ἔτι αἰδουμένων τὸ συγγενὲσ καὶ μένειν δοκούντων ἐν τῇ φιλίᾳ συμμαχίασ σφίσι πέμψαι διὰ ταχέων, εἰσ δὲ τὴν Καμπανίδα Κύμην καὶ τὰσ ἐν τῷ Πωμεντίνῳ πεδίῳ πόλεισ ἀποστεῖλαι πρέσβεισ ἀξιώσοντασ αὐτὰσ σίτου σφίσιν ἐξαγωγὴν ἐπιτρέψαι. Λατῖνοι μὲν οὖν διεκρούσαντο τὴν ἐπικουρίαν, ὡσ οὐχ ὅσιον αὐτοῖσ ὂν οὔτε Ταρκυνίοισ πολεμεῖν οὔτε Ῥωμαίοισ, ἐπειδὴ κοινῇ συνέθεντο πρὸσ ἀμφοτέρουσ τὰ περὶ τῆσ φιλίασ ὁρ́κια·

ἐκ δὲ τοῦ Πωμεντίνου πεδίου Λάρκιόσ τε καὶ Ἑρμίνιοσ οἱ πεμφθέντεσ ἐπὶ τὴν παρακομιδὴν τοῦ σίτου πρέσβεισ πολλὰσ γεμίσαντεσ σκάφασ παντοίασ τροφῆσ ἀπὸ θαλάττησ ἀνὰ τὸν ποταμὸν ἐν νυκτὶ ἀσελήνῳ λαθόντεσ τοὺσ πολεμίουσ διεκόμισαν. ταχὺ δὲ καὶ ταύτησ ἐξαναλωθείσησ τῆσ ἀγορᾶσ καὶ τῆσ αὐτῆσ κατασχούσησ τοὺσ ἀνθρώπουσ ἀπορίασ μαθὼν παρὰ τῶν αὐτομόλων ὁ Τυρρηνόσ, ὅτι κάμνουσιν ὑπὸ τοῦ λιμοῦ οἱ ἔνδον, ἐπεκηρυκεύσατο πρὸσ αὐτοὺσ ἐπιτάττων δέχεσθαι Ταρκύνιον, εἰ βούλονται πολέμου τε καὶ λιμοῦ ἀπηλλάχθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 26

(디오니시오스, Antiquitates Romanae, Books IV-VI, book 5, chapter 26)

상위

목록

SEARCH

MENU NAVIGATION