헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 17)

τοιοῦτο μὲν ἡ μάχη τέλοσ ἔλαβεν· τῇ δ’ ἑξῆσ ἡμέρᾳ σκυλεύσαντεσ οἱ Ῥωμαῖοι τοὺσ τῶν πολεμίων νεκροὺσ καὶ τοὺσ ἑαυτῶν θάψαντεσ ἀπῄεσαν. τὸ δὲ Βρούτου σῶμα ἀράμενοι μετὰ πολλῶν ἐπαίνων τε καὶ δακρύων εἰσ τὴν Ῥώμην ἀπεκόμιζον οἱ κράτιστοι τῶν ἱππέων στεφάνοισ κεκοσμημένον ἀριστείοισ.

ὑπήντα δ’ αὐτοῖσ ἥ τε βουλὴ θριάμβου καταγωγῇ ψηφισαμένη κοσμῆσαι τὸν ἡγεμόνα, καὶ ὁ δῆμοσ ἅπασ κρατῆρσι καὶ τραπέζαισ ὑποδεχόμενοσ τὴν στρατιάν.

ὡσ δ’ εἰσ τὴν πόλιν ἀφίκοντο, πομπεύσασ ὁ ὕπατοσ, ὡσ τοῖσ βασιλεῦσιν ἔθοσ ἦν, ὅτε τὰσ τροπαιφόρουσ πομπάσ τε καὶ θυσίασ ἐπιτελοῖεν, καὶ τὰ σκῦλα τοῖσ θεοῖσ ἀναθείσ, ἐκείνην μὲν τὴν ἡμέραν ἱερὰν ἀνῆκε καὶ τοὺσ ἐπιφανεστάτουσ τῶν πολιτῶν ἑστιάσει ὑπεδέχετο· τῇ δ’ ἑξῆσ ἡμέρᾳ φαιὰν ἐσθῆτα λαβὼν καὶ τὸ Βρούτου σῶμα προθεὶσ ἐν ἀγορᾷ κεκοσμημένον ἐπὶ στρωμνῆσ ἐκπρεποῦσ συνεκάλει τὸν δῆμον εἰσ ἐκκλησίαν καὶ προελθὼν ἐπὶ τὸ βῆμα τὸν ἐπιτάφιον ἔλεξεν ἐπ’ αὐτῷ λόγον. εἰ μὲν οὖν Οὐαλέριοσ πρῶτοσ κατεστήσατο τὸν νόμον τόνδε Ῥωμαίοισ ἢ κείμενον ὑπὸ τῶν βασιλέων παρέλαβεν, οὐκ ἔχω τὸ σαφὲσ εἰπεῖν·

Ῥωμαίων ἐστὶν ἀρχαῖον εὑρ́εμα τὸ παρὰ τὰσ ταφὰσ τῶν ἐπισήμων ἀνδρῶν ἐπαίνουσ τῆσ ἀρετῆσ αὐτῶν λέγεσθαι καὶ οὐχ Ἕλληνεσ αὐτὸ κατεστήσαντο πρῶτοι, παρὰ τῆσ κοινῆσ ἱστορίασ οἶδα μαθών, ἣν ποιητῶν τε οἱ παλαιότατοι καὶ συγγραφέων οἱ λογιώτατοι παραδεδώκασιν.

ἀγῶνασ μὲν γὰρ ἐπιταφίουσ τιθεμένουσ ἐπὶ τοῖσ ἐνδόξοισ ἀνδράσι γυμνικούσ τε καὶ ἱππικοὺσ ὑπὸ τῶν προσηκόντων ἱστορήκασιν, ὡσ ὑπό τ’ Ἀχιλλέωσ ἐπὶ Πατρόκλῳ καὶ ἔτι πρότερον ὑφ’ Ἡρακλέουσ ἐπὶ Πέλοπι·

ἐπαίνουσ δὲ λεγομένουσ ἐπ’ αὐτοῖσ οὐ γράφουσιν ἔξω τῶν Ἀθήνησι τραγῳδοποιῶν, οἳ κολακεύοντεσ τὴν πόλιν ἐπὶ τοῖσ ὑπὸ Θησέωσ θαπτομένοισ καὶ τοῦτ’ ἐμύθευσαν. ὀψὲ γάρ ποτε Ἀθηναῖοι προσέθεσαν τὸν ἐπιτάφιον ἔπαινον τῷ νόμῳ, εἴτ’ ἀπὸ τῶν ἐπ’ Ἀρτεμισίῳ καὶ περὶ Σαλαμῖνα καὶ ἐν Πλαταιαῖσ ὑπὲρ τῆσ πατρίδοσ ἀποθανόντων ἀρξάμενοι, εἴτ’ ἀπὸ τῶν περὶ Μαραθῶνα ἔργων. ὑστερεῖ δὲ καὶ τὰ Μαραθώνια τῆσ Βρούτου ταφῆσ, εἰ δὴ ἀπὸ τούτων πρώτων ἤρξαντο οἱ ἔπαινοι λέγεσθαι τοῖσ ἀπογενομένοισ, ἑκκαίδεκα ἔτεσιν.

παρ’ ὁποτέροισ ἄμεινον ἔχει, τοσούτῳ φρονιμώτερον εὑρήσει παρὰ τοῖσδε κείμενον αὐτὸν ἢ παρ’ ἐκείνοισ, ὅσῳ γ’ Ἀθηναῖοι μὲν ἐπὶ τοῖσ ἐκ τῶν πολέμων θαπτομένοισ καταστήσασθαι τοὺσ ἐπιταφίουσ ἀγορεύεσθαι λόγουσ δοκοῦσιν ἐκ μιᾶσ τῆσ περὶ τὸν θάνατον ἀρετῆσ, κἂν τἆλλα φαῦλοσ γένηταί τισ, ἐξετάζειν οἰόμενοι δεῖν τοὺσ ἀγαθούσ·

Ῥωμαῖοι δὲ πᾶσι τοῖσ ἐνδόξοισ ἀνδράσιν, ἐάν τε πολέμων ἡγεμονίασ λαβόντεσ ἐάν τε πολιτικῶν ἔργων προστασίασ συνετὰ βουλεύματα καὶ πράξεισ ἀποδείξωνται καλάσ, ταύτην ἔταξαν εἶναι τὴν τιμήν, οὐ μόνον τοῖσ κατὰ πόλεμον ἀποθανοῦσιν, ἀλλὰ καὶ τοῖσ ὁποιᾳδήποτε χρησαμένοισ τοῦ βίου τελευτῇ, ἐξ ἁπάσησ τῆσ περὶ τὸν βίον ἀρετῆσ οἰόμενοι δεῖν ἐπαινεῖσθαι τοὺσ ἀγαθούσ, οὐκ ἐκ μιᾶσ τῆσ περὶ τὸν θάνατον εὐκλείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 17

(디오니시오스, Antiquitates Romanae, Books IV-VI, book 5, chapter 17)

상위

목록

SEARCH

MENU NAVIGATION