헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 6)

ταῦτα δὲ τῶν ὑπάτων λεγόντων καὶ πολλῶν συναγορευόντων ἀμφοτέροισ ἀποροῦσα, ὅ τι χρὴ πράττειν, ἡ βουλὴ καὶ ἐφ’ ἡμέρασ συχνὰσ σκοποῦσα, ἐπεὶ συμφορώτερα μὲν ὁ Βροῦτοσ ἐδόκει λέγειν, δικαιότερα δ’ ὁ Κολλατῖνοσ παρῄνει, τελευτῶσα διέγνω τὸν δῆμον ποιῆσαι τοῦ τε συμφέροντοσ καὶ τοῦ δικαίου κριτήν. πολλῶν δὲ λεχθέντων ὑφ’ ἑκατέρου τῶν ὑπάτων ἀναλαβοῦσαι ψῆφον αἱ φρᾶτραι τριάκοντα οὖσαι τὸν ἀριθμὸν οὕτω μικρὰν ἐποιήσαντο τὴν ἐπὶ θάτερα ῥοπήν, ὥστε μιᾷ ψήφῳ πλείουσ γενέσθαι τῶν κατέχειν τὰ χρήματα βουλομένων τὰσ ἀποδιδόναι κελευούσασ.

λαβόντεσ δὲ παρὰ τῶν ὑπάτων τὰσ ἀποκρίσεισ οἱ Τυρρηνοὶ καὶ πολλὰ τὴν πόλιν ἐπαινέσαντεσ, ὅτι τὰ δίκαια πρὸ τῶν συμφερόντων εἵλοντο, Ταρκυνίῳ μὲν ἐπέστειλαν τοὺσ ἀποληψομένουσ τὰ χρήματα πέμπειν, αὐτοὶ δ’ ἐπέμειναν ἐν τῇ πόλει συναγωγήν τε τῶν ἐπίπλων καὶ διάθεσιν τῶν μὴ δυναμένων ἄγεσθαί τε καὶ φέρεσθαι σκηπτόμενοι·

ὡσ δὲ τἀληθὲσ εἶχε ταράττοντεσ καὶ σκευωρούμενοι τὰ κατὰ τὴν πόλιν, ὡσ ὁ τύραννοσ αὐτοῖσ ἐπέστειλε. τάσ τε γὰρ ἐπιστολὰσ τὰσ παρὰ τῶν φυγάδων τοῖσ ἐπιτηδείοισ αὐτῶν ἀπεδίδοσαν καὶ παρ’ ἐκείνων ἑτέρασ πρὸσ τοὺσ φυγάδασ ἐλάμβανον·

συνιόντεσ δὲ πολλοῖσ εἰσ ὁμιλίαν καὶ διάπειραν αὐτῶν τῆσ προαιρέσεωσ λαμβάνοντεσ, οὓσ εὑρίσκοιεν εὐαλώτουσ δἰ ἀσθένειαν γνώμησ ἢ βίου σπάνιν ἢ πόθον τῶν ἐν τῇ τυραννίδι πλεονεξιῶν, ἐλπίδασ τε χρηστὰσ ὑποτείνοντεσ αὐτοῖσ καὶ χρήματα διδόντεσ ἐπεχείρουν διαφθείρειν. ἔμελλον δ’ ὥσπερ εἰκὸσ ἐν πόλει μεγάλῃ καὶ πολυοχλούσῃ φανήσεσθαί τινεσ οἱ τὴν χείρω πολιτείαν αἱρησόμενοι πρὸ τῆσ κρείττονοσ οὐ τῶν ἀσήμων μόνον, ἀλλὰ καὶ τῶν ἐπιφανῶν, ἐν οἷσ ἦσαν Ιοὔνιοί τε δύο Τίτοσ καὶ Τιβέριοσ Βρούτου παῖδεσ τοῦ ὑπατεύοντοσ ἀρτίωσ ἀρχόμενοι γενειᾶν καὶ σὺν αὐτοῖσ Οὐιτέλλιοί τε δύο Μάρκοσ καὶ Μάνιοσ, ἀδελφοὶ τῆσ Βρούτου γυναικόσ, ἱκανοὶ τὰ κοινὰ πράττειν, καὶ Κολλατίνου θατέρου τῶν ὑπάτων ἀδελφῆσ υἱοὶ δύο Λεύκιοσ καὶ Μάρκοσ Ἀκύλλιοι τὴν αὐτὴν ἔχοντεσ τοῖσ Βρούτου παισὶν ἡλικίαν, παρ’ οἷσ αἱ σύνοδοι τὰ πολλὰ ἐγίνοντο πατρὸσ οὐκέτι περιόντοσ αὐτοῖσ καὶ τὰ περὶ τῆσ καθόδου τῶν τυράννων βουλεύματα συνετίθετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 6

(디오니시오스, Antiquitates Romanae, Books IV-VI, book 5, chapter 6)

상위

목록

SEARCH

MENU NAVIGATION