헬라어 문장 검색 - Διονψσ́Αντιθυί2́76́

(디오니시오스, Antiquitates Romanae, book 2, chapter 76)

ἃ δὲ μέλλω νῦν λέγειν ἐπιμελῆ τε αὐτὴν ἀπέδωκε τῶν ἀναγκαίων καὶ τῶν ἀγαθῶν ἐργάτιν. τὴν χώραν ἅπασαν εἰσ τοὺσ καλουμένουσ πάγουσ καὶ κατέστησεν ἐφ’ ἑκάστου τῶν πάγων ἄρχοντα ἐπίσκοπόν τε καὶ περίπολον τῆσ ἰδίασ μοίρασ.

οὗτοι γὰρ περιιόντεσ θαμινὰ τοὺσ εὖ τε καὶ κακῶσ εἰργασμένουσ τῶν ἀγρῶν ἀπεγράφοντο καὶ πρὸσ τὸν βασιλέα ἀπέφαινον, ὁ δὲ τοὺσ μὲν ἐπιμελεῖσ γεωργοὺσ ἐπαίνοισ τε καὶ φιλανθρωπίαισ ἀνελάμβανε, τοὺσ δὲ ἀργοὺσ ὀνειδίζων τε καὶ ζημιῶν ἐπὶ τὸ θεραπεύειν ἄμεινον τὴν γῆν προὐτρέπετο.

τοιγάρτοι πολέμων τε ἀπηλλαγμένοι καὶ τῶν κατὰ πόλιν πραγμάτων σχολὴν πολλὴν ἄγοντεσ ἀργίασ τε καὶ βλακείασ σὺν αἰσχύνῃ τίνοντεσ δίκασ αὐτουργοὶ πάντεσ ἐγίνοντο καὶ τὸν ἐκ γῆσ πλοῦτον ἁπάντων ὄντα δικαιότατον τῆσ στρατιωτικῆσ καὶ οὐκ ἐχούσησ τὸ βέβαιον εὐπορίασ γλυκύτερον ἐτίθεντο. τῷ δὲ Νόμᾳ περιῆν ἐκ τούτων φιλεῖσθαι μὲν ὑπὸ τῶν ἀρχομένων, ζηλοῦσθαι δ’ ὑπὸ τῶν περιοίκων, μνημονεύεσθαι δ’ ὑπὸ τῶν ἐπιγινομένων·

δι’ ὧν οὔτε στάσισ ἐμφύλιοσ τὴν πολιτικὴν ἔλυσεν ὁμόνοιαν, οὔτε πόλεμοσ ἀλλοεθνὴσ ἐκ τῶν κρατίστων καὶ θαυμασιωτάτων τὴν πόλιν ἐπιτηδευμάτων ἐκίνησε.

τοσοῦτον γὰρ ἀπέσχον οἱ περίοικοι τὴν ἀπόλεμον ἡσυχίαν Ῥωμαίων ἀφορμὴν τῆσ κατ’ αὐτῶν ἐπιθέσεωσ ὑπολαβεῖν, ὥστε καὶ εἴ τισ αὐτοῖσ πρὸσ ἀλλήλουσ συνέστη πόλεμοσ διαλλακτῆρασ ἐποιοῦντο Ῥωμαίουσ καὶ ἐπὶ διαιτητῇ Νόμᾳ τὰσ ἔχθρασ διαλύειν ἠξίουν. τοῦτον οὖν οὐκ ἂν αἰσχυνθείην ἐγὼ τὸν ἄνδρα τῶν ἐπ’ εὐδαιμονίᾳ διαβοηθέντων ἐν τοῖσ πρώτοισ καταριθμεῖν.

γένουσ τε γὰρ ἔφυ βασιλείου καὶ μορφῆσ ἀπέλαυσε βασιλικῆσ παιδείαν τε οὐ τὴν περὶ λόγουσ ἄχρηστον ἤσκησεν, ἀλλ’ ἐξ ἧσ εὐσεβεῖν ἔμαθε καὶ τὰσ ἄλλασ ἐπιτηδεύειν ἀρετάσ. ἡγεμονίαν δὲ τὴν Ῥωμαίων παραλαβεῖν ἠξιώθη νέοσ ὢν κατὰ κλέοσ ἀρετῆσ ὑπ’ αὐτῶν ἐπίκλητοσ ἀχθεὶσ καὶ διετέλεσε πειθομένοισ ἅπαντα τὸν βίον τοῖσ ἀρχομένοισ χρώμενοσ·

ἡλικίασ δ’ ἐπὶ μήκιστον ἤλασεν ὁλόκληροσ οὐδὲν ὑπὸ τῆσ τύχησ κακωθεὶσ καὶ θανάτων τὸν ῥᾷστον ἐτελεύτησεν ὑπὸ γήρωσ μαρανθείσ, ὁμοίου παραμείναντοσ αὐτῷ τοῦ συγκληρωθέντοσ ἐξ ἀρχῆσ δαίμονοσ ἑώσ ἐξ ἀνθρώπων ἠφανίσθη, βιώσασ μὲν ὑπὲρ ὀγδοήκοντα ἔτη, βασιλεύσασ δὲ τρία καὶ τετταράκοντα, γενεὰν δὲ καταλιπών, ὡσ μὲν οἱ πλείουσ γράφουσιν, υἱοὺσ τέτταρασ καὶ θυγατέρα μίαν, ὧν ἔτι σώζεται τὰ γένη, ὡσ δὲ Γέλλιοσ Γναῖοσ ἱστορεῖ θυγατέρα μόνην, ἐξ ἧσ ἐγένετο Ἄγκοσ Μάρκιοσ ὁ τρίτοσ ἀπ’ ἐκείνου γενόμενοσ Ῥωμαίων βασιλεύσ.

τελευτήσαντι δ’ αὐτῷ πένθοσ μέγα προὔθετο ἡ πόλισ καὶ ταφὰσ ἐποιήσατο λαμπροτάτασ.

κεῖται δ’ ἐν Ιἀνίκλῳ πέραν τοῦ Τεβέριοσ ποταμοῦ. καὶ τὰ μὲν περὶ Πομπιλίου Νόμα τοσαῦτα παρελάβομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 76

(디오니시오스, Antiquitates Romanae, book 2, chapter 76)

상위

목록

SEARCH

MENU NAVIGATION