헬라어 문장 검색 - Διονψσ́Αντιθυί2́68́

(디오니시오스, Antiquitates Romanae, book 2, chapter 68)

πάνυ δ’ ἄξιον καὶ τὴν ἐπιφάνειαν ἱστορῆσαι τῆσ θεᾶσ, ἣν ἐπεδείξατο ταῖσ ἀδίκωσ ἐγκληθείσαισ παρθένοισ, πεπίστευται γὰρ ὑπὸ Ῥωμαίων, εἰ καὶ παράδοξά ἐστι, καὶ πολὺν πεποίηνται λόγον ὑπὲρ αὐτῶν οἱ συγγραφεῖσ. ὅσοι μὲν οὖν τὰσ ἀθέουσ ἀσκοῦσι φιλοσοφίασ, εἰ δὴ καὶ φιλοσοφίασ αὐτὰσ δεῖ καλεῖν, ἁπάσασ διασύροντεσ τὰσ ἐπιφανείασ τῶν θεῶν τὰσ παρ’ Ἕλλησιν ἢ βαρβάροισ γενομένασ καὶ ταύτασ εἰσ γέλωτα πολὺν ἄξουσι τὰσ ἱστορίασ ἀλαζονείαισ·

ἀνθρωπίναισ αὐτὰσ ἀνατιθέντεσ, ὡσ οὐδενὶ θεῶν μέλον ἀνθρώπων οὐδενόσ. ὅσοι δ’ οὐκ ἀπολύουσι τῆσ ἀνθρωπίνησ ἐπιμελείασ τοὺσ θεούσ, ἀλλὰ καὶ τοῖσ ἀγαθοῖσ εὐμενεῖσ εἶναι νομίζουσι καὶ τοῖσ κακοῖσ δυσμενεῖσ διὰ πολλῆσ ἐληλυθότεσ ἱστορίασ, οὐδὲ ταύτασ ὑπολήψονται τὰσ ἐπιφανείασ εἶναι ἀπίστουσ. λέγεται δή ποτε τοῦ πυρὸσ ἐκλιπόντοσ δι’ ὀλιγωρίαν τινὰ τῆσ τότε αὐτὸ φυλαττούσησ Αἰμιλίασ ἑτέρᾳ παρθένῳ τῶν νεωστὶ κατειλεγμένων καὶ ἄρτι μανθανουσῶν παραδούσησ τὴν ἐπιμέλειαν ταραχὴ πολλὴ γενέσθαι κατὰ τὴν πόλιν ὅλην καὶ ζήτησισ ὑπὸ τῶν ἱεροφαντῶν, μή τι μίασμα περὶ τὸ πῦρ τῆσ ἱερείασ ἐτύγχανε γεγονόσ·

ἔνθα δή φασι τὴν Αἰμιλίαν ἀναίτιον μὲν οὖσαν, ἀπορουμένην δ’ ἐπὶ τῷ συμβεβηκότι παρόντων τῶν ἱερέων καὶ τῶν ἄλλων παρθένων τὰσ χεῖρασ ἐπὶ τὸν βωμὸν ἐκτείνασαν εἰπεῖν·

ἑστία τῆσ Ῥωμαίων πόλεωσ φύλαξ, εἰ μὲν ὁσίωσ καὶ δικαίωσ ἐπιτετέλεκά σοι τὰ ἱερὰ χρόνον ὀλίγου δέοντα τριακονταετοῦσ καὶ ψυχὴν ἔχουσα καθαρὰν καὶ σῶμα ἁγνόν, ἐπιφάνηθί μοι καὶ βοήθησον καὶ μὴ περιίδῃσ τὴν σεαυτῆσ ἱέρειαν τὸν οἴκτιστον μόρον ἀποθανοῦσαν·

εἰ δὲ ἀνόσιόν τι πέπρακταί μοι ταῖσ ἐμαῖσ τιμωρίαισ τὸ τῆσ πόλεωσ ἄγοσ ἀφάγνισον. σπινθῆρα τέφρασ ἀναλάμψαι φλόγα πολλὴν διὰ τῆσ καρπάσου, ὥστε μηδὲν ἔτι δεῆσαι τῇ πόλει μήτε ἁγνισμῶν μήτε νέου πυρόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 68

(디오니시오스, Antiquitates Romanae, book 2, chapter 68)

상위

목록

SEARCH

MENU NAVIGATION