헬라어 문장 검색 - Διονψσ́Αντιθυί2́63́

(디오니시오스, Antiquitates Romanae, book 2, chapter 63)

ἐξ ὧν δὲ διεπράξατο νόμων τε καὶ πολιτευμάτων ἑκάτερον τούτων εἰσ μεγάλην ἐπίδοσιν προελθεῖν ἅπαντα μὲν οὐκ ἀξιῶ γράφειν, τὸ μῆκοσ ὑφορώμενοσ τοῦ λόγου καὶ ἅμα οὐδ’ ἀναγκαίαν ὁρῶν τὴν ἀναγραφὴν αὐτῶν Ἑλληνικαῖσ ἱστορίαισ, αὐτὰ δὲ τὰ κυριώτατα καὶ φανερὰν δυνάμενα ποιῆσαι πᾶσαν τὴν προαίρεσιν τοῦ ἀνδρὸσ ἐπὶ κεφαλαίων ἐρῶ, τὴν ἀρχὴν ἀπὸ τῆσ περὶ τὰ θεῖα διακοσμήσεωσ ποιησάμενοσ. ὅσα μὲν οὖν ὑπὸ Ῥωμύλου ταχθέντα ἐν ἐθισμοῖσ τε καὶ νόμοισ παρέλαβεν, ἀπὸ τοῦ κρατίστου τετάχθαι πάντα ἡγησάμενοσ εἰά κατὰ χώραν μένειν, ὅσα δ’ ὑπ’ ἐκείνου παραλελεῖφθαι ἐδόκει, ταῦτα προσετίθει πολλὰ μὲν ἀποδεικνὺσ τεμένη τοῖσ μήπω τιμῶν τυγχάνουσι θεοῖσ, πολλοὺσ δὲ βωμοὺσ καὶ ναοὺσ ἱδρυόμενοσ ἑορτάσ τε ἑκάστῳ αὐτῶν ἀπονέμων καὶ τοὺσ ἐπιμελησομένουσ αὐτῶν ἱερεῖσ καθιστὰσ ἁγνείασ τε καὶ θρησκείασ καὶ καθαρμοὺσ καὶ τὰσ ἄλλασ θεραπείασ καὶ τιμὰσ πάνυ πολλὰσ νομοθετῶν, ὅσασ οὔθ’ Ἑλληνὶσ οὔτε βάρβαροσ ἔχει πόλισ οὐδ’ αἱ μέγιστον ἐπ’ εὐσεβείᾳ φρονοῦσαί ποτε·

αὐτόν τε τὸν Ῥωμύλον ὡσ κρείττονα γενόμενον ἢ κατὰ τὴν θνητὴν φύσιν ἱεροῦ κατασκευῇ καὶ θυσίαισ διετησίοισ ἔταξε Κυρῖνον ἐπονομαζόμενον γεραίρεσθαι.

ἔτι γὰρ ἀγνοούντων τὸν ἀφανισμὸν αὐτοῦ Ῥωμαίων εἴτε κατὰ δαίμονοσ πρόνοιαν εἴτ’ ἐξ ἐπιβουλῆσ ἀνθρωπίνησ ἐγένετο, παρελθών τισ εἰσ τὴν ἀγορὰν Ιοὔλιοσ ὄνομα τῶν ἀπ’ Ἀσκανίου γεωργικὸσ ἀνὴρ καὶ τὸν βίον ἀνεπίληπτοσ, οἱο͂σ μηδὲν ἂν ψεύσασθαι κέρδουσ ἕνεκα οἰκείου, ἔφη παραγιγνόμενοσ ἐξ ἀγροῦ Ῥωμύλον ἰδεῖν ἀπιόντα ἐκ τῆσ πόλεωσ ἔχοντα τὰ ὅπλα, καὶ ἐπειδὴ ἐγγὺσ ἐγένετο ἀκοῦσαι ταῦτα αὐτοῦ λέγοντοσ·

Ἀγγέλλε Ῥωμαίοισ Ιοὔλιε τὰ παρ’ ἐμοῦ, ὅτι με ὁ λαχὼν ὅτ’ ἐγενόμην δαίμων εἰσ θεοὺσ ἄγεται τὸν θνητὸν ἐκπληρώσαντα αἰῶνα·

εἰμὶ δὲ Κυρῖνοσ.

περιλαβὼν δὲ ἅπασαν τὴν περὶ τὰ θεῖα νομοθεσίαν γραφαῖσ διεῖλεν εἰσ ὀκτὼ μοίρασ, ὅσαι τῶν ἱερῶν ἦσαν αἱ συμμορίαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 63

(디오니시오스, Antiquitates Romanae, book 2, chapter 63)

상위

목록

SEARCH

MENU NAVIGATION