헬라어 문장 검색 - Διονψσ́Αντιθυί2́54́

(디오니시오스, Antiquitates Romanae, book 2, chapter 54)

μετὰ τοῦτον τὸν πόλεμον ἐπὶ Καμερίνουσ ἐστράτευσεν ἐπιθεμένουσ τοῖσ παρὰ σφίσιν ἐποίκοισ, καθ’ ὃν χρόνον ἔκαμνεν ἡ Ῥωμαίων πόλισ ὑπὸ νόσου λοιμικῆσ· ᾗ δὴ μάλιστα ἐπαρθέντεσ οἱ Καμερῖνοι καὶ νομίσαντεσ ἄρδην τὸ Ῥωμαίων διαφθαρήσεσθαι γένοσ ὑπὸ τῆσ συμφορᾶσ τοὺσ μὲν ἀπέκτειναν τῶν ἐποίκων, τοὺσ δ’ ἐξέβαλον.

ἀνθ’ ὧν τιμωρούμενοσ αὐτοὺσ ὁ Ῥωμύλοσ, ἐπειδὴ τὸ δεύτερον ἐκράτησε τῆσ πόλεωσ, τοὺσ μὲν αἰτίουσ τῆσ ἀποστάσεωσ ἀπέκτεινε, τοῖσ δὲ στρατιώταισ διαρπάσαι τὴν πόλιν ἐφῆκε, τῆσ τε χώρασ τὴν ἡμίσειαν ἀποτεμόμενοσ ἔξω τῆσ πρότερον τοῖσ κληρούχοισ δοθείσησ καὶ φρουρὰν ἀξιόχρεων καταλιπών, ὡσ μηδὲν ἔτι παρακινῆσαι τοὺσ ἔνδον, ἀπῆγε τὴν δύναμιν.

ἐκ ταύτησ τῆσ στρατείασ καὶ δεύτερον θρίαμβον κατήγαγε καὶ ἀπὸ τῶν λαφύρων τέθριππον χαλκοῦν ἀνέθηκε τῷ Ἡφαίστῳ καὶ παρ’ αὐτῷ τὴν ἰδίαν ἀνέστησεν εἰκόνα ἐπιγράψασ Ἑλληνικοῖσ γράμμασι τὰσ ἑαυτοῦ πράξεισ. τρίτοσ αὐτῷ συνέστη πόλεμοσ πρὸσ ἔθνουσ Τυρρηνικοῦ τὴν μεγίστην ἰσχὺν ἔχουσαν τότε πόλιν, ἣ καλεῖται μὲν Οὐιοί, ἀπέχει δὲ τῆσ Ῥώμησ ἀμφὶ τοὺσ ἑκατὸν σταδίουσ, κεῖται δ’ ἐφ’ ὑψηλοῦ σκοπέλου καὶ περιρρῶγοσ μέγεθοσ ἔχουσα ὅσον Ἀθῆναι.

ἐποιήσαντο δ’ οἱ Οὐιεντανοὶ τοῦ πολέμου πρόφασιν τὴν τῆσ Φιδήνησ ἅλωσιν καὶ πρέσβεισ ἀποστείλαντεσ ἐκέλευον Ῥωμαίοισ ἐξάγειν ἐκ τῆσ πόλεωσ τὴν φρουρὰν καὶ τὴν χώραν, ἣν κατεῖχον ἀφελόμενοι τοὺσ Φιδηναίουσ, ἀποδιδόναι τοῖσ ἐξ ἀρχῆσ κυρίοισ.

ὡσ δ’ οὐκ ἔπειθον ἐλάσαντεσ πολλῇ στρατιᾷ πλησίον τῆσ Φιδήνησ ἐν ἀπόπτῳ τίθενται τὸν χάρακα. προεγνωκὼσ δὲ αὐτῶν τὴν ἔξοδον ὁ Ῥωμύλοσ ἐξεληλύθει τὴν κρατίστην δύναμιν ἔχων καὶ ἦν ἐν τῇ πόλει τῶν Φιδηναίων εὐτρεπήσ.

ἐπεὶ δ’ ἕτοιμα τὰ πρὸσ τὸν ἀγῶνα ἦν, ἀμφότεροι προελθόντεσ εἰσ τὸ πεδίον ἐμάχοντο καὶ διέμειναν ἄχρι πολλῆσ ὡρ́ασ ἐκθύμωσ ἀγωνιζόμενοι, τέωσ ἡ νὺξ ἐπιλαβοῦσα διέκρινεν αὐτοὺσ ἴσουσ κατὰ τὸν ἀγῶνα γενομένουσ. καὶ ταύτην μὲν τὴν μάχην οὕτωσ ἠγωνίσαντο·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 54

(디오니시오스, Antiquitates Romanae, book 2, chapter 54)

상위

목록

SEARCH

MENU NAVIGATION